Иезекиил 5:1 - Ыдыктыг Библия

¹ «Кижи амытан, сал чүлүкчүзүнүң чидиг бижээн ап алгаш, бажың дүгү биле салыңны чүлүп каавыт. Деңзиден эккелгеш, бажың дүгүн база салыңны кезектей үлеп ал.

Иезекиил 5:1 Iomraidhean Croise

Исайя 7:20

Ол үе кээрге, Дээрги Евфрат хемниң ындында Ассирияның хааны-биле – Бодунуң хөлезилеп алганы сал-чүлүүр-биле силерниң бажыңарда, будуңарда дүгүңерни чүлүп кааптар, сегел салыңарны үзе кезип кааптар.

Иеремия 19:1

Дээрги-Чаяакчы меңээ мынча дээн: «Барып, дой сава кылыкчызындан доңгадан садып ал. Чоннуң каш баштыңын база Бурганның каш улуг бараалгакчызын эдертип алгаш,

Иезекиил 4:1

«Кижи амытан, тууйбудан ап алгаш, мурнуңга салгаш, аңаа Иерусалим хоорайны сиилбирлеп чуруп каг.

Иезекиил 44:20

Бажын чүлүвес, бажының дүгүн узадыр өстүрбес ужурлуг; бажының дүгүн таартып турзун.

Даниил 5:27

ТЕКЕЛ – Силерни деңзилээрге, эмин эрттир чиик болган-дыр силер.

Левит 21:5

Бурганның бараалгакчылары кажыыдалын илередип, баштарын дөңгүрерти чүлүвес, салдарының кыдыгларын таартпас база мага-бодунга чара кескен черлер кылбас ужурлуг.