Иезекиил 41:1 - Ыдыктыг Библия

¹ Оон хемчээкчи кижи мени Бурганның өргээзиниң ыдыктыг өрээлинче эккелди. Ынаар кирер эжиктиң чаактарын хемчээрге, кайызының-даа дооразы алды кыры дурту болган. (Ужуражылга майгынының хемчээли ындыг турган.)

Иезекиил 41:1 Iomraidhean Croise

3 Хааннар 6:1

Соломон хаан израиль чоннуң Египеттен хосталып үнгениниң 480-ги чылында, бодунуң Израильди чагырып эгелээниниң дөрткү чылының Зиф деп ийиги айында Дээрги-Чаяакчының өргээзин тудуп эгелээн.

3 Хааннар 6:2

Соломоннуң Дээрги-Чаяакчыга тудуп берген өргээзиниң узуну алдан кыры дурту, дооразы чээрби кыры дурту, бедии үжен кыры дурту болган.

Иезекиил 40:17

Хемчээкчи кижи мени өргээниң даштыкы шөлүнче эккелди. Шөлдү долгандыр даш бедиктээш база ооң кырында турар үжен өрээл бар болду.

Иезекиил 40:9

Хаалганың серилиг черин хемчээрге, ниити дооразы сес кыры дурту. (Ооң чаактарының чоону ийи кыры дурту болган). Ол серилиг чер Бурганның өргээзинче көрүнген турган.

Иезекиил 41:21

Ыдыктыг өрээлдиң эжик кастыктары дөрбелчин болду. Эң ыдыктыг өрээлдиң мурнунда бир-ле чүве көзүлдү. Ооң хевири ыяштан кылган өргүл бедигээжи ышкаш болду, а бедии үш кыры дурту, узуну ийи кыры дурту. Ооң азыглары, таваа болгаш ханаларын ыяштан кылган болду. Хемчээкчи кижи меңээ: «Дээрги-Чаяакчының мурнунда турар ширээ бо-дур» – диди.

Иезекиил 41:23

Ыдыктыг өрээл-даа, эң ыдыктыг өрээл-даа ийи каът эжиктиг болду.

Иезекиил 41:3

Оон демги кижи эң ыдыктыг өрээлче киргеш, эжиктиң чаактарын хемчээрге, кайызының-даа дооразы ийи кыры дурту болган. Эжиктиң узуну – алды кыры дурту, а дооразы – чеди кыры дурту.

Иезекиил 42:1

Ооң соонда хемчээкчи кижи мени даштыкы шөлдүң соңгу талазынче аппаргаш, иштики шөлде турар тудугнуң дужунда – ооң соңгу талазында турар өрээлдерже эккелди.

1 Пётр 2:5

Силер база дириг даштар бооп чедип келиңер, Бурганның Сүлдезинге хамааржыр өргээни тударынга силерни ажыглазын. Силер орта Бурганның ыдыктыг бараалгакчылары бооп, Ооң Сүлдезинден келген, Бурганга таарымчалыг өргүлдерни Иисус Христосту дамчыштыр салып эгелээр силер.

Ажыдыышкын 21:15

Мээң-биле чугаалажып турган дээрниң төлээзи хоорайны, ооң хаалгаларын болгаш ханазын хемчээринге херек алдын мергелиг болду.

Ажыдыышкын 21:3

Дээрде дүжүлгеден ыыткыр үн мынча дээнин дыңнадым: «Бурганның турар чери ам улус аразында доктаап турупкан-дыр. Бурган ам кижилер-биле кады чурттай бээр, Ол ам оларның Бурганы, а олар Ооң чону болур.

Ажыдыышкын 3:12

Тиилээн кижи Мээң Адамның өргээзинге адагаш апаар база оон кажан-даа үнүп чорбас. Мен ол адагашка Бурганымның адын база Бурганым чурттап турар дээрден бадып кээр чаа Иерусалимниң – Бурганымның хоорайының адын бижип каар мен. Аңаа ол ышкаш Бодумнуң чаа адымны бижиир мен.