Иезекиил 30:3 - Ыдыктыг Библия

³ Шииткел хүнү чоокшулаан-дыр, Дээрги-Чаяакчының шииткелиниң хүнү, бүргег хүн, чоннарны шиидер үе чоокшулаан-дыр.

Иезекиил 30:3 Iomraidhean Croise

Ырлар 110:6

Ол Бодунуң чонунга өске чоннарның ээлээн черин берип, ל ажыл-херектериниң күчү-күштүүн ооң-биле көргүстү. מ

Ырлар 37:13

Амы-тыным үзүксээннер какпа-дузаан меңээ салды; меңээ хора күзээн улус өлүм оштаан сөстер сөглеп, хүннү бадыр нүгүлдеп тур.

Хосталыышкын 14:20

египетчилер биле израильчилерниң аразынга турупкаш, биргилеринге – булут болгаш дүмбей караңгы болу берген, а ийигилеринге – дүне чырыдар чырык болу берген. Ынчангаш олар дүннү өттүр бот-боттарынче чоокшулавааннар.

Хосталыышкын 14:24

Эртен эрте Дээрги-Чаяакчы египетчилерниң турлаанче от чагыдан база булут чагыдан ээгип көргеш, оларны аймаарадыпкан.

Исайя 13:6

Ыглап-сыктаңар, чүге дээрге Дээрги-Чаяакчының шииткелиниң хүнү чоокшулаан-дыр – Күчүлүг Бурган бүрүн буураашкын чоруткан-дыр.

Исайя 13:9

Көрүңер, Дээрги-Чаяакчының шииткелиниң хүнү кел чыдыр – Ооң аажок хорадап, килеңнээни, хайыра чок ол хүнде чер кыры ээнзиреп, ында чурттаан бачыттыг улус узуткаттырар.

Исайя 19:1

Египет дугайында өттүр билген медеглел бо-дур. Дыңнаңар, Дээрги-Чаяакчы чоруккур булутта саадапкан, Египетче кел чыдыр. Египеттиң дүрзү-бурганнары Ону көргеш, сириңейнип тур, египетчилерниң чүректери кортканындан шапкыланып тур.

Иеремия 25:31

Диңмирээшкин чер-делегейниң кыдыынга чедир дагжаар, чүге дээрге Дээрги-Чаяакчы чоннар-биле маргыжар, Ол бүгү улус-биле чаргылдажыр, кем-буруулугларны хылыш-биле шаштыртып каар». Дээрги-Чаяакчының медеглээн чүвези ол-дур.

Иезекиил 13:5

Медээчилер, ханада ойбактарда турбайн турар-дыр силер база Дээрги-Чаяакчының шииткел хүнүнде израиль чон тулчуушкунга чайгылыш чок туржур кылдыр, оларны дуглай хана тутпайн турар-дыр силер.

Иезекиил 29:12

Мен египет черни хоозураан черлер аразынга ээн хову кылып каар мен, ооң хоорайлары ээнзирээн хоорайлар аразынга дөртен чыл дургузунда чурттакчы чок бооп артар. Мен египетчилерни өске чоннар аразынга тоо быдарадып, хары чурттарже тарадып кааптар мен».

Иезекиил 30:18

Кажан Мен Тафнис хоорайга Египеттиң чагыргазын буурадып каарымга, аңаа хүндүс бүлүртүң апаар, ооң турамык күчү-күжү чиде бээр. Ону булут дуглаар, ооң уругларын тудуп алгаш баар.

Иезекиил 32:7

Сени өжүрүп каапкаш, дээрни дуглап, ооң сылдыстарын имистелдирип кааптар мен; хүннү булут-биле дуглап каар мен, ай база чырытпастай бээр.

Иезекиил 34:12

Кадарчы кижиниң тарадыр кылаштажы берген кодан малының аразынга чорааш, сүрүүн четчелеп, карактаары дег, Мен база Бодумнуң хойларымны хайгаарап, карактаар мен. Кара булуттарлыг бүргег хүнде тарай бергени бүгү черлеринден оларны ам үндүр сүрүп эккээр мен.

Иезекиил 7:10

Кеземче хүнү бо-дур! Ол хүн келген-дир! Өлүм келген-дир! Ол улустуң шыкпыыжы өзүп келген, улуургак чоруу улгадып өскен.

Иезекиил 7:12

Үе келген, кеземче хүнү чоокшулаан-дыр. Бир чүве садып алган кижи өөрүвезин, а садыпкан кижи хараадавазын, чүге дээрге Мээң килеңим мөөң израильчилерже кыптыгып турар.

Иезекиил 7:19

Олар мөңгүнүн кудумчуже үндүр октаптар, алдынын, арыг эвес чүүл дег, херекке албас. Дээрги-Чаяакчының килеңнээн хүнүнде оларны алдыны-даа, мөңгүнү-даа камгалап шыдавас. Олар ооң-биле аштаанын чидирип, хырнын тоттуруп шыдавас. Алдын-мөңгүнү оларга моондак болуп, бузут-бакче киирген болгай.

Иезекиил 7:7

Бо черниң чурттакчызы, өлүм сеңээ келген-дир. Үе келген, кеземче хүнү чоокшулаан; дагларны өөрүшкү эвес, дүвүрээзин хөме ап тур.

Иоил 1:15

Аа халак! Дээрги-Чаяакчының шииткел хүнү чоокшулаан-дыр. Ол хүннүң чедип кээри күчүлүг Бургандан келген хоозураашкын дег боор.

Авдий 1:15

Дээрги-Чаяакчының шииткелиниң хүнү бүгү чоннарга чоокшулап келген-дир: өскелерни канчаар аажылап чораан болдур сен, Бурган сени база ынчаар аажылаар; херектериңге дүгжүр кеземче бодуңнуң бажыңче суг кудар.

Софония 1:14

Дээрги-Чаяакчының өндүр улуг хүнү чоокшулап келген – далаштыг кел чыдар. Ол хүн качыгдалдың дааш-шимээни, дайынчыларның алгы-кышкызы дыңналыр!

Софония 1:7

Улус-чон, Дээрги-Бурган-Чаяакчының мурнунга ыыдың чиде бер, чүге дээрге Дээрги-Чаяакчының шииткел хүнү чоокшулаан-дыр. Дөгерер өргүлүн Ол белеткеп, ону чиир улусту чалап, ыдыктап алган.

Матфей 24:33

Шак ынчалдыр, ол бүгүнү көргеш, Кижи амытан Оглу мырыңай бо, эжик аксында келген дээрзин билип алыңар.

Филипчилерге 4:5

Улуска чөпшүл, буянныг хамаарылгаңар бүгүдеге билдине берзин. Дээрги-Чаяакчы мырыңай чоокта турар.

Иаков 5:9

Ха-дуңма, шииттирип албазы-биле, удур-дедир хомудал үндүрбеңер. Бурган шупту улусту шынныы-биле шиидер.

Ажыдыышкын 6:17

Оларның килеңиниң өндүр улуг хүнү келген-дир, кым ону шыдажыр харыктыгыл?» – деп чаннып турдулар.