Иезекиил 3:12 - Ыдыктыг Библия

¹² Ооң соонда Бурганның Сүлдези мени көдүрүптү. Артымда: «Дээрги-Чаяакчының өндүр чырыы Ооң чурттаар черинге алгадып-йөрээтсин!» – деп турар, диңмирээшкин ышкаш аажок дыңзыг үн дыңнап кагдым.

Иезекиил 3:12 Iomraidhean Croise

3 Хааннар 18:12

Мен силерни каапкаш баарымга, Дээрги-Чаяакчының Сүлдези силерни мээң билбезим черже алгаш барза канчаар. Мен Ахавка барып дыңнадыптарымга, ол силерни тыппайн баар болза, мени өлүрүп-ле каай. А мен, силерниң чалчаңар, аныяамдан-на Дээрги-Чаяакчыга мөгеер кижи мен.

4 Хааннар 2:16

Медээчилер: «Чалчаларыңар бисте бежен шыырак эр кижи бар-дыр. Оларга силерниң дээргиңерни барып дилээрин чөпшээреп көрүңерем. Дээрги-Чаяакчының Сүлдези ону алгаш баргаш, кандыг-бир дагда азы шынаада октапкан чадавас» – дээннер. Элисей: «Чок, оларны чорутпаңар» – деп харыылаан.

Ырлар 148:2

Дээрги-Чаяакчының бүгү төлээлери, бүгү аг-шерии, Ону алгап-мактаңар!

Ырлар 26:8

Мээң чүрээм Сээң өмүнээңден дег: «Менче чүткүп келиңер!» – деп тур. Дээрги-Чаяакчы, мен ам Сенче чүткүп чеде бээр мен.

Исайя 6:3

Олар бот-боттарынга: «Аг-шериглиг Дээрги-Чаяакчы ыдык, ыдык, ыдык! Бүгү чер-делегейни Ооң алдары бүргээн!» – деп ыыткыр чугаалап турду.

Иезекиил 10:4

Дээрги-Чаяакчының өндүр чырыы херувимниң кырындан көдүрүлгеш, Бурганның өргээзиниң эргининиң кырынче көже берген. Бурганның өргээзин булут бүргей апкан, а иштики шөлдү Дээрги-Чаяакчының чайынналчак чырыы шыва апкан.

Иезекиил 11:1

Бурганның Сүлдези мени көдүргеш, Дээрги-Чаяакчының өргээзиниң чөөн чүкче көрүнген хаалгазынга эккелди. Көөрүмге, хаалгаже кирер чер чанында чээрби беш кижи турар болду. Оларның аразында чоннуң нояннары болур Азурнуң оглу Иазанияны, Ванеяның оглу Фалтияны көрдүм.

Иезекиил 2:2

Бурган меңээ чүве чугаалап турда, Ооң Сүлдези мени бүргепкеш, бут кырынга тургузуп кагды. Ооң мээң-биле ам-даа чугаалажып турарын дыңнап кагдым.

Иезекиил 3:11

Ам дораан сээң чонуңнуң чуртундан өскээр көжүрткен улузунга барып медегле. Олар дыңнаар-дыңнавас-даа болза: „Дээрги-Чаяакчы ынча деп тур!“ – деп оларга чугаала» – диди.

Иезекиил 3:14

Сүлде мени көдүргеш, өскээр аппарды. Мен муңгарап, сеткилим аажок хөлзеп чордум, Дээрги-Чаяакчының холу мени чайгылыш чок башкарып турду.

Иезекиил 43:4

Дээрги-Чаяакчының өндүр чырыы чөөн чүкче көрүнген хаалга таварып, Бурганның өргээзинче кире берди.

Иезекиил 43:5

Бурганның Сүлдези мени көдүргеш, өргээзиниң иштики шөлүнче аппарды. Көөрүмге, Дээрги-Чаяакчының өндүр чырыы өргээни бүргей апты.

Иезекиил 8:3

Хол-даа ышкаш бир-ле чүве сунгаш, Ол мени бажым дүгүнден тудуп алды. Оон Сүлде мени чер биле дээр аразынче көдүргеш, Бурганның чоруткан көстүүшкүнүнге мени Иерусалимче, соңгу талаже угланган иштики хаалга чанынче эккелди; ында Дээрги-Чаяакчының хүннээчел сагыжын оттурупкан дүрзү-бурган бар болду.

Иезекиил 9:3

Оон Израильдиң Бурганының өндүр чырыы кырынга турганы херувимден дүшкеш, Бурганның өргээзиниң эргининче чоруй барды. Дээрги-Чаяакчы демги лён хеп кеткен, курунда бижээчиниң херекселдерин астып алган кижини кыйгырып алгаш,

Ажыл-чорудулга 2:2

Хенертен дээрден кедергей күштүг шуурганның шимээнинге дөмей ыыт дыңналгаш, оларның турган бажыңын дола берген.

Ажыл-чорудулга 8:39

Олар сугдан үнүп кээрге, Дээрги-Чаяакчының Сүлдези Филиппти алгаш барган. Дүжүмет бодунуң оруун өөрүшкү-маңнайлыг уламчылап чорупкан, а Филиппти ооң соонда черле көрүп көрбээн.

Ажыдыышкын 1:10

Дээргиниң хүнүнде Сүлдениң күжүнге башкартыпкан тургаш, артымда труба үнү дег ыыткыр үннү дыңнап кагдым.

Ажыдыышкын 1:15

Ооң буттары эзилдирер суугуда хүлер дег чайынналды, а үнү шапкын агым сугнуң коолаанынга дөмей болду.

Ажыдыышкын 19:6

Оон эңдерик улустуң үннеринге, шапкын агым сугнуң коолаанынга база диңмирээшкинниң диңмирээринге дөмей ыыт-шимээнни дыңнап кагдым. Олар мынча деп кыйгырып турду: «Аллилуйя! Бистиң Бүрүн Күчүлүг Дээрги-Чаяакчы-Бурганывыс хааннай берген-дир!