Иезекиил 24:3 - Ыдыктыг Библия

³ Бо үймээнчи чонга оюскан уткалыг чугаадан чугаалап бер. Дээрги-Бурган-Чаяакчының чугаалаан чүвезин оларга дамчыт: Отка паштан салгаш, сугдан кудуп каг.

Иезекиил 24:3 Iomraidhean Croise

4 Хааннар 4:38

Элисей Галгалче ээп келген. Ол черде аш болуп турган. Бурганның бөлүк медээчилери ооң мурнунга олурда, Элисей чалчазынга: «Улуг паштан тиккеш, бо медээчилерге быдаадан хайындырып бер» – дээн.

Ырлар 78:2

Сээң чалчаларың мөчү-сөөгүн дээрниң куштарынга хөндеп чиир кылдыр октап берген, Сеңээ бердинген улустуң мага-бодун черниң аң-араатаннарынга каап берген.

Исайя 1:2

Дээр, дыңна! Чер, кичээнгейге ал! Дээрги-Чаяакчы чугаалап тур: «Мен оолдарымны кижизидип, өстүрүп кагдым, а олар Меңээ удур тура халышты.

Исайя 29:2

А Мен сени кызагдаар мен; хомудап, ыглап-сыктаар сен, Меңээ Ариил* ышкаш болур сен.

Исайя 30:1

«Чөрүү ажы-төлүм ат болур! – деп, Дээрги-Чаяакчы медеглээн. – Олар Менден келбээн бодалдар күүседип, Мээң оларның сагыжынга киирбээним керээлер чарып, бачытка бачыт немеп турар-дыр.

Исайя 30:9

Бо дээрге чагырга билбес чон-дур, мегечи ажы-төл-дүр. Дээрги-Чаяакчының хоойлузун дыңнаар хөңнү чок ажы-төл-дүр.

Исайя 63:10

Ынчалза-даа олар тура халааш, Ооң ыдыктыг Сүлдезин хомудадыптарга, Ол оларның дайзыны апаргаш, олар-биле дайылдажып турган.

Иеремия 1:13

Дээрги-Чаяакчы меңээ Бодунуң сөзүн база катап ажыдып: «Сен чүнү көрүп тур сен?» – деп чугаалады. Мен: «Хайынган пашче көрүп тур мен, ол паш соңгу чүкте турар-дыр» – деп харыыладым.

Иеремия 1:14

Дээрги-Чаяакчы меңээ: «Бо черниң бүгү чурттакчыларын айыыл-халап соңгу чүктен хөме алыр-дыр» – дээн.

Иезекиил 11:11

Иерусалим силерге паш болбас, а силер ооң иштинде эът болбас силер; Мен силерни Израильдиң девискээринге шиидер мен.

Иезекиил 11:3

Олар: „Бажыңнар тудар таарымчалыг үе удавас чедип кээр эвес чүве бе? Бо хоорай паш дег, бис – ында эът дег бис“ – дижип турар-дыр.

Иезекиил 11:7

Ынчангаш Дээрги-Бурган-Чаяакчы мынча дээн: «Хоорай иштинде оваалай салып каан өлүрткен улузуңар дээрге эът-тир, а бо хоорай – паш-тыр; а силерни Мен оон үндүр сывырыптар мен.

Иезекиил 12:2

«Кижи амытан, сен үймээнчилер аразында чурттап турар-дыр сен. Олар көөр карактыг-даа болза, көрбес-тир, дыңнаар кулактыг-даа болза, дыңнавас-тыр, чүге дээрге үймээнчи чон-дур.

Иезекиил 12:25

Мен, Дээрги-Чаяакчы, чугаалаар мен; Мээң чугаалаан сөзүм саадал чок күүсеттинер. Үймээнчи чон, Мен сөзүмнү чугаалааш, силерниң назыныңарда-ла күүседир мен». Дээрги-Чаяакчының медеглээн чүвези ол-дур.

Иезекиил 17:12

«Үймээнчи чонга: „Бо бүгүнүң чүү деп уткалыын билбезиңер ол бе?“ – деп чугаала. Оларга мону дамчыт: Вавилоннуң хааны Иерусалимге келгеш, Иудеяның хаанын, ооң нояннарын тудуп алгаш, Вавилонче кады аппарганын көргүскени ол-дур.

Иезекиил 17:2

«Кижи амытан, израиль чонга тывызык ыдып, бо угаадыглыг чугааны дамчыт.

Иезекиил 2:2

Бурган меңээ чүве чугаалап турда, Ооң Сүлдези мени бүргепкеш, бут кырынга тургузуп кагды. Ооң мээң-биле ам-даа чугаалажып турарын дыңнап кагдым.

Иезекиил 2:3

Ол мынча диди: «Кижи амытан, Мен сени израиль чонче, Меңээ удур тура халаан, чагырга билбес улусче айбылап чорудуп тур мен. Олар боттары-даа, оларның ада-өгбези-даа мырыңай бо хүнге чедир Меңээ удур үймээн үндүрүп келген улус болгай.

Иезекиил 2:5

Олар, үймээнчи чон болгаш, дыңнаар-дыңнавас-даа болза, оларның аразынга Бурганның медээчизи турганын билип алзын.

Иезекиил 2:6

А сен, кижи амытан, олардан база оларның чугаа-сөзүнден кортпа. Олар сеңээ тенниг чадаң үнүш, шагар-оът дег-даа болур болза, хоранныг курттар аразында чурттап турар дег-даа болур болзуңза, кортпа. Олар үймээнчи чон-даа болза, оларның чугаа-сөзүнден база ал-бодундан сүрээдеве.

Иезекиил 2:8

А сен, кижи амытан, Мээң чугаалаар чүвемни дыңна. Бо үймээнчи чон ышкаш тура халыва; аксың ажыткаш, Мээң сеңээ бээр чүвемни хүлээп ап, чивит».

Иезекиил 20:49

Мен ынчан: «О, Дээрги-Бурган-Чаяакчы! Улус меңээ: „Ол медээчи чүгле тывызык чугаалар-биле чугаалап туруп берди“ – деп тур» – дээн мен.

Иезекиил 24:6

Дээрги-Бурган-Чаяакчы мынча дээн: «Ханга борашкан хоорай, сивиртинмес кылдыр каргакталган паш дег хоорай ат болур! Ону куругладып, борбак эъттерни, шилилге кылбайн, оон үндүр октаңар-ла!

Иезекиил 3:9

Мен сени алмаз ышкаш кылдыр, оттук-даштан кадыг-быжыг кылдыр кылып каар мен. Олардан кортпа, үймээнчи чон мурнунга сүрээдеве».

Михей 2:4

Ол хүн улус силерниң дугайыңарда качыгдал ырлары чогаадыр, ажыыңар ажып ыглажыр: „Бис шуут-ла хоозурап калдывыс! Чонувустуң хувааглыг черин Ол өскээр хемчээп, былаап алды. Бистиң шөлдеривисти Бурганга шынчы эвес улуска үлеп берип тур“».

Марк 12:12

Иудейлерниң баштыңнары ол угаадыглыг чугаа оларның дугайында дээрзин билгеш, Иисусту тудуп хоругдаар арга дилей бергеннер, ынчалза-даа чондан кортканнар. Ынчангаш олар Ону каапкаш, чоруй барганнар.

Лука 8:10

Ол мынча дээн: «Силерге Бурганның Чагыргазының чажыттарын билип алырын хайырлаан-дыр, а өске улус көрзе-даа, эскербезин база дыңназа-даа, билбезин дээш, оларга чүгле угаадыглыг чугаалар хайырлаан-дыр.

Ажыл-чорудулга 7:51

Чөрүү хейлер! Бурганның мурнунга чүрээ болгаш кулаа-биле арыг эвестер! Үргүлчү-ле Ыдыктыг Сүлдеге удурланып чоруур-дур силер, өгбелериңер кандыг чораан ийик, силер база ындыг силер.