Иезекиил 21:3 - Ыдыктыг Библия

³ Дээрги-Чаяакчының чугаалаан чүвезин аңаа дамчыт: Мен сеңээ удур апардым. Хылыжымны хынындан ужулгаш, сээң чөптүг-даа, бузуттуг-даа улузуңну узуткап каар мен.

Иезекиил 21:3 Iomraidhean Croise

Иов 9:22

Бүгү чүве бир дөмей! Ынчангаш чугаалап тур мен: Бурган буруу чок-даа кижини, бузуттуг-даа кижини чок кылып турар.

Ырлар 17:13

Дээрги-Чаяакчының мурнунга чырык чайынналып, долу биле чаңныктарын чашкан булуттар көжүп турган.

Ырлар 80:17

А Израильди Мен эң чаагай далган-тараа-биле чемгерип, эң амданныг ары-чигири-биле тоттурар ийик мен».

Хосталыышкын 15:9

Дайзын: „Оларны ызыртыр сүрүп чедейн, олча-тывыштыг болуйн, мага хандыр үптеп алыйн, хылыжымны хынындан уштуйн, мээң холум оларны кыргып-хыдызын“ – деп турду.

Экклесиаст 9:2

Бүгү-ле кижилерниң үүле-хуузу бир дөмей: чөптүг-шынныг кижиниң-даа, бузуттуг кижиниң-даа, буянныг кижиниң-даа; арыгланып чоруур кижиниң-даа, бужар кижиниң-даа; өргүл кылып чоруур кижиниң-даа, өргүл кылбайн чоруур кижиниң-даа; эки мөзүлүг кижиниң-даа, бачыттыг кижиниң-даа; даңгыраглап чоруур кижиниң-даа, даңгырак бээринден сестир кижиниң-даа үүле-хуузу бир дөмей.

Исайя 10:5

«Ассирия ат болур! Ассирия дээрге Мээң килеңимниң шыкпыыжы-дыр, ооң холунда – Мээң хорадаан сагыжымның кымчызы!

Исайя 34:5

Бурганның хылыжы бодунуң ажыл-херээн дээрге күүсеткеш, Эдомче халдап бадар – Бурганның узуткаашкынга таварыштырганы чонга үндүрген шииткелди күүседир.

Исайя 57:1

«Чөптүг-шынныг улус өлүп каарга, оларны кым-даа херекке албас. Бурганга бердинген улус амы-тынындан чарлырга, чөптүг-шынныг кижи айыыл-халаптан адырлып турары ол дээрзин кым-даа билбес,

Иеремия 17:27

А бир эвес Мени тооп дыңнавас, амыр-дыш хүнүнүң ыдыктыын сагывас база амыр-дыш хүнүнде Иерусалимниң хаалгаларын дамчыштыр чүък дажыглап эрттирер болзуңарза, Мен ынчан ол хаалгаларны хуюкталдыр өрттедир мен! Ол дээрге Иерусалимниң шивээлерин чиир өшпес от-тур!»

Иеремия 21:13

Мен ам сеңээ удур апардым, чавызаашта турар Иерусалим, оргулаашта хая! – деп, Дээрги-Чаяакчы медеглээн. – Силер: „Кым бистиинче эртип кээп шыдаарыл, кым бистиң оран-сававысче шургуп кирерил?“ – деп турар-дыр силер.

Иеремия 21:14

Мен силерни үүлгедиглериңер ёзугаар кезедир мен! – деп, Дээрги-Чаяакчы медеглээн. – Силерниң эзим-аргаңарга от кыпсыр мен, ол от долгандыр турар бүгү чүвени чиптер!»

Иеремия 50:31

«Адыыргак хей, Мен сеңээ удур мен – деп, Аг-шериглиг Дээрги-Бурган-Чаяакчы медеглээн, – чүге дээрге сээң кеземче көөр үе-шагың келген-дир.

Иеремия 51:20

«Сен – Мээң маскам, дайынчы чепсээм сен; Мен сени ажыглап, чоннарны чылча шаап, күрүнелерни узуткап турган мен.

Иеремия 51:25

О, бедик даг ышкаш узуткакчы Вавилон, Мен сеңээ удур мен – деп, Дээрги-Чаяакчы медеглээн. – Сен бүгү чер-делегейни хоозурадып турдуң, Мен ам сенче холум көдүрер мен, сени хаялардан дүжүр октаар мен, өртең даг кылып каар мен.

Иезекиил 13:8

Ынчангаш Дээрги-Бурган-Чаяакчы: «Силерниң хоозун-меге сөстериңер дээш, шын эвес көстүүшкүннериңер дээш, Мен ам силерге удур апардым – деп медеглээн. –

Иезекиил 14:17

Азы Мен бо чуртче хылыш ыткаш: „Хылыш, бо черни таварып эрткеш, ында турар улусту, мал-маганны узуткап каг!“ – дээн дижик мен.

Иезекиил 14:21

Дээрги-Бурган-Чаяакчы мынча дээн: «Кажан Мен Иерусалимде улусту, мал-маганны узуткап каар дээш, олче дөрт шаажылал: дайын-чаа, аш-чут, аң-араатан болгаш хамчык аарыг ыдыптар болзумза, кайы хире берге боор деп!

Иезекиил 21:19

«Кижи амытан, Вавилоннуң хаанының хылыжы чоруп болгу дег ийи оруктан даап бодап, чуруп ал; олар ийилээн чаңгыс черден үнүпсүн. Оруктарның эгезинге аңгы хоорайларже айыткан орук демдээн тургузуп каг.

Иезекиил 24:9

Ынчангаш Дээрги-Бурган-Чаяакчы мынча дээн: «Ханга борашкан хоорай ат болур! Мен Бодум хөй ыяшты одагга чыый салыр мен.

Иезекиил 26:3

Дээрги-Бурган-Чаяакчы мынча дээн: „Көрдүң бе, Тир, Мен сеңээ удур апардым, далайның чалгыгларын көдүрери дег, Мен сеңээ удур хөй чоннарны көдүрер мен.

Иезекиил 29:10

Ынчангаш Мен сеңээ, сээң хемнериңге удур апардым. Египет черни соңгу чүкте Мигдол хоорайдан эгелээш, мурнуу чүкте Сиена хоорайга, мырыңай Эфиопияның кызыгаарынга чедир хоозураан ээн кургаг хову кылып каар мен.

Иезекиил 5:12

Сээң чонуңнуң үштүң бир кезии хамчык аарыг болгаш аш-чуттан сээң иштиңге өлүп каар; өске үштүң бир кезии сээң даштыңга дайын-чаадан кырлып каар, а арткан үштүң бир кезиин Мен хат-биле тарадып кааптар мен, хылыжымны хынындан ужулгаш, оларже анныр мен.

Иезекиил 5:8

Ынчангаш Дээрги-Бурган-Чаяакчы: «Көрдүң бе, Мен Бодум сеңээ удур апардым; өске чоннар көрүп турда, сеңээ үндүрген шииткелимни күүседир мен.

Левит 26:25

Чагыг-керээмни үрээниңер дээш, өжээн негээр аг-шеригни силерже ыдар мен. Ынчан хоорайларыңарже чаштына бээр силер, ынчалза-даа силерниң араңарга аарыг-аржыкты нептередиптеримге, дайзынның холунче кире бээр силер.

Левит 26:33

А силерни өске чоннар аразынга тарадыр мен. Хылыжымны ужулгаш, сооңарже анныр мен. Чер-чуртуңар ээнзирээр, хоорайларыңар үрелип бустур.

Амос 5:6

Дээрги-Чаяакчыже чүткүңер, ынчан амы-тынныг артар силер, оон башка Ол Иосифтиң салгалын от ышкаш өттүр таварып эрткеш, ону чиптер, Вефилге ол отту өжүрер кижи турбас.

Амос 7:4

Дээрги-Бурган-Чаяакчы меңээ мындыг көстүүшкүн чорудуп берген. Ол от-биле шииткел үндүрерин чарлады; шак ол от чер адаанда өндүр улуг сугларны, ол кезек черни өрттендир чип эгеледи.

Наум 2:13

«Мен сеңээ удур мен! – деп, Аг-шериглиг Дээрги-Чаяакчы медеглээн. – Мен сээң дайынчы тергелериңни хуюкталдыр өрттедиптер мен, хылыш сээң арзылаңчыгаштарыңны кыргып-хыдыыр. Чер кырынга сеңээ олча арттырбас мен, сээң элчиннериң үнү моон соңгаар дыңналбас».

Наум 3:5

«Мен сеңээ удур мен – деп, Аг-шериглиг Дээрги-Чаяакчы медеглээн, – Мен сээң хевиң эдээн арныңче өрү дүрүптер мен; чоннарга сээң шалдаңыңны, күрүнелерге – бужарыңны көргүзер мен.

Софония 2:12

Силер база, эфиоптар, Мээң хылыжымга кыргыдып-хыдыдар силер.

Захария 13:7

«Хылыш, Мээң томуйлаан кадарчымче, Мээң чоок кижимче халда! – деп, Аг-шериглиг Дээрги-Чаяакчы медеглээн. – Кадарчыны соп каарыңга, хойлар тарай маңнажы бээр! А хураганнарже Мен Бодумнуң холумну көдүрер мен.