Иезекиил 2:6 - Ыдыктыг Библия

⁶ А сен, кижи амытан, олардан база оларның чугаа-сөзүнден кортпа. Олар сеңээ тенниг чадаң үнүш, шагар-оът дег-даа болур болза, хоранныг курттар аразында чурттап турар дег-даа болур болзуңза, кортпа. Олар үймээнчи чон-даа болза, оларның чугаа-сөзүнден база ал-бодундан сүрээдеве.

Иезекиил 2:6 Iomraidhean Croise

4 Хааннар 1:15

Дээрги-Чаяакчының төлээзи Илияга: «Бо кижи-биле кады бар, оон кортпа» – дээн. Илия ынчан тургаш, баштың-биле кады хаанче бада берген.

Исайя 51:12

«Мен, чүгле Мен – сээң Аргалакчың мен. Өлүр тынныг кижиден, оът-сиген ышкаш хуу-салымныг кижи амытандан чүү дээш коргар сен?

Исайя 51:7

Чөптүг-шынныг чорук деп чүл ол дээрзин билир улус, Мээң хоойлумну чүрээнде сиңирген чон, Мени дыңнаңар! Улус силерни чемелээрге, кортпаңар, бак сөглээрге, сүрээдевеңер.

Исайя 9:18

Оларның бузуду от ышкаш чалбыышталып, тенниг бок үнүштү чип, арга-арыгны өрттедип тур – ыш адагашталдыр көдүрлүп үнүп тур.

Иеремия 1:17

А сен куруң куржанып белеткенип ал, баргаш, Мээң сеңээ дужааган чүвемниң шуптузун улуска чугаала, оларның мурнунга сирилеве, оон башка Мен сени, олар көрүп турда, сириледиптер мен!

Иеремия 1:8

Кымдан-даа кортпа, чүге дээрге Мен сээң-биле боор мен, сени камгалаар мен» – дээн.

Иеремия 18:18

Ынчалза-даа улус-чон: «Барып, Иеремияга удур сүлчээ кылыылы. Дүрүм-хоойлу – Бурганның бараалгакчыларынга, арга-сүме – мерген угаанныгларга, Бурганның сөзү – Ооң медээчилеринге артып каар-ла болгай! Барып, ону нүгүлдээли, ооң чугаа-сөзүн дыңнаваалы» – деп турган.

Иеремия 6:28

Олар шупту чөрүү, чагырга билбес, хоп-чип дажып чурттап чоруур улус-тур. Олар дээрге чүректери чес-демирден бүткен улус-тур, олар шупту үүлгедикчилер-дир.

Иезекиил 24:3

Бо үймээнчи чонга оюскан уткалыг чугаадан чугаалап бер. Дээрги-Бурган-Чаяакчының чугаалаан чүвезин оларга дамчыт: Отка паштан салгаш, сугдан кудуп каг.

Иезекиил 28:24

Израиль чон моон соңгаар, теннери-биле шиштеп балыглаар бок үнүштер ышкаш, ону куду көөр кожаларлыг болбас. Олар ынчан Мени Дээрги-Чаяакчы деп билип аар».

Михей 3:8

А мен болза Дээрги-Чаяакчының Сүлдези берген күшке, шынныг чорукка болгаш дидим чорукка бүргеткен мен, Иаковтуң салгалынга – ооң кемниг херээниң дугайында, израиль чонга – ооң бачыдының дугайында чугаалаар мен.

Михей 7:4

Оларның эң дээрези – тенниг хараган дег, эң чөптүү – тенниг бок үнүштен дора. Оларже медээчилериниң медеглеп турган хүнү келген-дир; олар ам кеземчеге онаажыр, олар ам дүвүрелге алзыптар.

Матфей 10:28

Кижилерден кортпаңар: олар мага-ботту өлүрзе-даа, сеткилиңерни өлүрүп шыдавас. Сеткилиңерни-даа, мага-бодуңарны-даа тамыже киир октааш, узуткап шыдаар Бургандан коргуңар.

Лука 10:19

Мен силерге чыланнарны, хоралыг скорпион курттарны таптай базар эргени база дайзыныңарның күжүн бүрүнү-биле чагырар эргени бердим, ол бүгү силерге хора чедирбес.

Лука 11:12

Азы чуурга айтырган оглунче скорпион сунар ада бар бе?

Лука 12:4

«Мээң өңнүктерим, силерге чугаалап тур мен: кижилерден кортпаңар, олар чүгле мага-ботту өлүрүп каар, оон ыңай силерге чүнү-даа кылып шыдавас.

Ажыл-чорудулга 4:13

Пётр биле Иоанның дидимин көргеш, дээди иудей Чөвүлелдиң кежигүннери кайгай берген, чүге дээрге ол ийи кижи эртем-билиг чок, бөдүүн улус дээрзин эскергеннер чүве-дир. А оон Пётр биле Иоанның Иисус-биле кады турганын билип алганнар.

Ажыл-чорудулга 4:19

Ынчалза-даа Пётр биле Иоанн: «Бодап көрүңер даан, Бурганга эвес, силерге чагыртырын Ол чүүлзүнер бе?

Ажыл-чорудулга 4:29

Дээрги-Чаяакчы, а ам оларның биске кыжанып турарын көрүп көрем. Сээң медээңни коргуш чок суртаалдаар күштү чалчаларың биске хайырлам.

Эфесчилерге 6:19

Мени бодааш – чугаалай бээримге-ле, Бурган меңээ херектиг сөстерни айтып берзин дээш база Буянныг Медээниң чажыдын коргуш чок суртаалдаарым дээш – мөргүңер-ле.

Филипчилерге 1:28

Ол ышкаш удурланыкчыларыңардан чүү-даа дээш коргуп сирилевээниңерни база. Ындыг дидимиңер оларның өлүп чидериниң, а силерниң камгалал алырыңарның бадыткалы боор – ол дээрге Бурганның ачы-үүлези-дир.

2 Тимофейге 1:7

Бурган биске коргуушкуннуң сүлдезин эвес, а күчү-күштүң, ынакшылдың, бодамчалыг боорунуң Сүлдезин берген болгай.

Еврейлерге 11:27

Бүзүрели-биле ол, хаанның килеңинден кортпайн, Египетти каапкаш барган. Каракка көзүлбес Бурганны көрген дег, ол бүгүдени шыдажып үнген.

1 Пётр 3:14

А чөптүг-шынныг чорук дээш хилинчек көрүп-даа турзуңарза, херек кырында амыр-чыргалдыг силер. Олардан шуут коргуп-сүртевеңер.

Ажыдыышкын 9:10

Олар скорпионнарныы ышкаш шагар кудуруктарлыг боорда, улуска беш ай иштинде хора чедирер күш ол кудуруктарда бар болду.