Иезекиил 2:4 - Ыдыктыг Библия

⁴ Мээң сени олче айбылап чорудуп турар чонум ыядыр арын чок база чөрүү чон чүве. Оларга: „Дээрги-Бурган-Чаяакчы ынча деп тур!“ – деп чугаалаар сен.

Иезекиил 2:4 Iomraidhean Croise

3 Хааннар 22:14

А Михей: «Дириг Дээрги-Чаяакчының ады-биле даңгыраглап тур мен: хаанга чүгле Дээрги-Чаяакчының меңээ чугаалаан чүвезин дамчыдар мен» – дээн.

2 Чылдар 30:8

Силер ам ада-өгбеңер дег чөрүү болбаңар, Дээрги-Чаяакчыже холуңар сунуңар. Ооң кезээ мөңгеде ыдыктап каан өргээзинче чедип келиңер. Силерниң Бурганыңар Дээрги-Чаяакчыга бараан болуңар, Ол ынчан кыптыккан килеңин силерден чайладыр.

2 Чылдар 36:13

Ол Навуходоносор хаанга Бурганның ады-биле даңгырак берген-даа болза, аңаа удур тура халаан. Седекия аажок чөрүү, дедир апарып, Израильдиң Бурганы Дээрги-Чаяакчыже эглип келбээн.

Ырлар 95:8

Дээрги-Чаяакчының алдарлыг адын алгаңар, өргүлдериңер ап алгаш, Ооң өргээзиниң шөлүнче кирип келиңер.

Чугаалар 21:29

Бузуттуг кижиниң ыядыр арны чок болур, а эки мөзүлүг кижи бодунуң оруу-биле дорт бар чыдар.

Исайя 48:4

Силерниң чөрүүңерни – мойнуңарның сиирлери демирден, хавааңар хүлерден бүткенин билир турган мен.

Иеремия 1:7

А Дээрги-Чаяакчы меңээ: «„Аныяк мен“ диве, Мен сени кымче-даа чорудупсумза, баар сен, Мээң сеңээ дужааган бүгү чүвемни чугаалаар сен!

Иеремия 3:3

Ынчангаш чаъс чагбастаан, Мен часкы чаъс-чайыкты кутпайн турдум. Сээң арын-шырайың самыын-садар херээженнии дег-дир, ыядыр арның чок-тур!

Иеремия 36:21

Хаан ол дүрүг-номну эккелзин дээш, Иегудийни айбылап чорудупкан. Иегудий дүрүгнү Элишама бижээчиниң өрээлинден эккелгеш, ону хаанга база ооң чанында турган бүгү нояннарга дыңналдыр номчуп берген.

Иеремия 5:3

Дээрги-Чаяакчы, Сээң карааң алыс шынны көрүп кагбас деп бе? Чонуңну буурадып турдуң – а ол аарышкыны медереп билбес-тир, ону узуткап турдуң – а ол угаан киреринден ойталаар-дыр. Оларның сеткил-чүрээ даштан кадыг апарып, Бурганче эглиринден ойталады.

Иеремия 6:15

Олар чүдек-бужар чүүлдер кылып турар, ыядыр ужурлуг улус-тур, ынчалза-даа ыядыр арын, эгенир сагыш оларда чок-тур. Ынчангаш олар аштырганнар аразынга кырлып каар, Мээң кеземче көргүзүп кээр хүнүмде кээп дүжер». Дээрги-Чаяакчының чугаалаан чүвези ол-дур.

Иеремия 8:12

Олар чүдек-бужар чүүлдер кылып турар, ыядыр ужурлуг улус-тур, ынчалза-даа ыядыр арын, эгенир сагыш оларда чок-тур. Ынчангаш олар аштырганнар аразынга кырлып каар, Мээң кеземче көргүзүп кээр хүнүмде олар кээп дүжер» – деп, Дээрги-Чаяакчы чугаалаан.

Иезекиил 3:11

Ам дораан сээң чонуңнуң чуртундан өскээр көжүрткен улузунга барып медегле. Олар дыңнаар-дыңнавас-даа болза: „Дээрги-Чаяакчы ынча деп тур!“ – деп оларга чугаала» – диди.

Иезекиил 3:27

А сээң-биле чугаалашканымда, аксыңны ажыдып турар мен, сен чүгле ынчан оларга: „Дээрги-Бурган-Чаяакчы ынча деп тур!“ – дээр сен. Дыңнаксаан кижи дыңнап алзын, дыңнаар хөңнү чок кижи дыңнавазын, бо дээрге үймээнчи чон болбазыкпе».

Иезекиил 3:4

Ол меңээ оон мынча диди: «Кижи амытан, ам дораан израиль чонга баргаш, Мээң сөстеримни дамчыт.

Иезекиил 3:7

А израиль чон сени тооп дыңнаар хөңнү чок-тур, чүге дээрге олар хай-чагырга чок, чөрүү улус болгаш, Мени тооп дыңнаар хөңнү чок-тур.

Амос 7:15

Ынчалза-даа Дээрги-Чаяакчы мени шилип ап, кодан хоюмдан чаргаш: „Барып, Мээң израиль чонумга өттүр билип медегле!“ – деп чугаалаан.

Захария 7:12

Олар чүректерин алмаз ышкаш кадыг кылып алган, ыдыктыг хоойлуну база Аг-шериглиг Дээрги-Чаяакчының Бодунуң Сүлдези-биле биеэги медээчилерни дамчыштыр чорудуп турган сөстерин тооп дыңнавайн барган. Ынчангаш Аг-шериглиг Дээрги-Чаяакчы Мен оларже аажок килеңней берген мен.

Матфей 10:16

«Дыңнаңар, Мен силерни кокайлар аразынче хураганнарны дег чорудуп тур мен. Ынчангаш чыланнар дег кажар, көге-бугалар дег кем чок болуңар.

Ы. х. к. 10:16

Ынчангаш Дээрги-Чаяакчыга хамааржырыңарны демдектеп, чүректериңер арыглап алыңар, моон соңгаар чөрүү болбаңар.

Ы. х. к. 31:27

Чүге дээрге мен силерниң сөс дыңнавазыңарны, чөрүүңерни билир-ле болгай мен: ам – силерниң араңарга дириг турумда безин – Дээрги-Чаяакчының сөзүн дыңнавас-тыр силер, а өлүп каарымга, мырыңай дедир апаар силер ыйнаан.