Иезекиил 19:3 - Ыдыктыг Библия

³ Ава бодунуң арзылаңчыгаштарының бирээзин эмзирип өстүрүп каарга, ол аныяк арзылаң апарып, олча тудуп өөренип алгаш, кижилер чип эгелээн.

Иезекиил 19:3 Iomraidhean Croise

4 Хааннар 23:34

Нехао фараон Иосияның оглу Элиакимни ачазының орнунга хаан кылдыр салгаш, ооң адын Иоаким деп ат-биле солуп берген. А Иоахазты Египетче алгаш барган, ол аңаа өлүп калган.

Иезекиил 19:2

Мынча деп чугаала: „Сээң аваң арзылаңнар аразында кайгамчык кыс арзылаң турган. Ол аныяк арзылаңнар аразынга амыр-шөлээн чурттап, чаш төлдерин доруктуруп алган.

Иезекиил 19:4

Өске чоннар ооң дугайында дыңнап каан; ол араатан оларның оңгарынче кире берген. Олар ону демир-биле илбектеп алгаш, египет черже аппарган.

Иезекиил 19:6

Ол аныяк арзылаң өске арзылаңнар аразынга чимзенип чоруп тургаш, олча тудуп өөренип алгаш, база кижилер чип эгелээн.

Иезекиил 22:25

Ында турар Бурганның медээчилери сүлчээлиг-дир, олар олчазын үзе-чаза тыртып, ырланган арзылаң ышкаш-тыр; олар улусту узуткап, эт-хөреңги болгаш эртине-байлакты хунаап ап, бо черде дулгуяк херээженнерни көвүдедип турар-дыр.

Иезекиил 32:2

«Кижи амытан, Египеттиң хааны фараон дээш кажыыдал ырын ырлап, аңаа: „Сен бодуңну чоннар аразында арзылаң деп санап турдуң, а херек кырында далай моозу-дур сен. Хемнерде былгыртынып, даваннарың-биле суг довурадып, хем-сугларны доюлдуруп тур сен“ – деп чугаала».

Захария 11:3

Кадарчыларның ыы-сыызы дыңналып тур: оларның байлак-чаагай одар-белчиири узуткаттынган-дыр. Аныяк арзылаңнарның ырланган алгызы дыңналып тур: Иордан шынаазында оларның шыргайлары узуткаттынган-дыр.

Ы. х. к. 33:22

Моисей Данның аймааның дугайында мынча дээн: «Дан дээрге васан черден үне халып кээр аныяк арзылаң-дыр».