Иезекиил 18:2 - Ыдыктыг Библия

² «Чүге силер израиль черге „Адалары шаңгыр кат чип турган, а ажы-төлүнүң дижи кагжаан“ дээн үлегер домакты ажыглап турар силер?

Иезекиил 18:2 Iomraidhean Croise

Иов 21:19

Бурган кеземчени оларның үре-салгалынга арттырып каан бе? Бузуттугнуң бодун Ол кезеткен болза! – демгизи ону билип алзын;

Хосталыышкын 20:5

Оларга мөгейбе база бараан болба, чүге дээрге сээң Дээрги-Чаяакчы Бурганың болур Мен – хүннээчел Бурган-дыр мен; Мени хүлээп көрбес улустуң ажы-төлүн, ада-өгбезиниң кем-буруузу дээш, үшкү болгаш дөрткү салгал чедир кезедир мен.

Исайя 3:15

Чүү дээш Мээң чонумну кызып-кыйып, ядыы улусту дарлап турар силер?» Аг-шериглиг Дээрги-Бурган-Чаяакчының медеглээн чүвези ол-дур.

Иеремия 15:4

Мен оларны Эзекияның оглу, Иудеяның хааны Манассияның Иерусалимге үүлгеткен чүвези дээш бүгү өске күрүнелерге коргунчуг үлегер-чижек кылып каар мен.

Ыы-сыы 5:7

Ада-өгбе бачыт кылган – олар ам чок, а кем-буруузу дээш кеземче – бисте дүшкен.

Иезекиил 12:22

«Кижи амытан, чүге израиль черде „Үе эртип турар, а өттүр билген медеглел бүрүзү бүтпес-тир“ деп үлегер домак бар апарганыл?

Иезекиил 16:44

«Чугаазынга үлегер домактар ажыглаар улус сээң дугайыңда: „Авазы кандыгыл, уруу база ындыг болур“ – деп боор.

Иезекиил 17:12

«Үймээнчи чонга: „Бо бүгүнүң чүү деп уткалыын билбезиңер ол бе?“ – деп чугаала. Оларга мону дамчыт: Вавилоннуң хааны Иерусалимге келгеш, Иудеяның хаанын, ооң нояннарын тудуп алгаш, Вавилонче кады аппарганын көргүскени ол-дур.

Иезекиил 18:1

Дээрги-Чаяакчы меңээ Бодунуң сөзүн ажыдып чугаалаан:

Иезекиил 18:19

А силер: „Чүге оглу адазының кем-буруузун чүктевезил?“ – деп айтырар-дыр силер. Чүге дээрге оглу чөптүг база шынныг чорук кылып, Мээң бүгү дүрүмнеримни чүткүлдүү-биле сагып чоруур-дур. Ол ыяап-ла амы-тынныг артар.

Иезекиил 18:3

Мен дириг Бодумнуң адым-биле даңгыраглап тур мен – деп, Дээрги-Бурган-Чаяакчы медеглээн, – израиль черге улус моон соңгаар ол үлегер домакты чугаалавас апаар.

Иезекиил 25:3

Оларга Дээрги-Бурган-Чаяакчының сөзүн дыңнаарын айтып, Ооң чугаалаан чүвезин дамчыт: силер Мээң ыдыктыг өргээмни – кажан ол бужартаткан турда; израиль черни – ол хоозураан турда; иудей чонну – ол туттургаш, өскээр көжүп чорупкан турда, кочулап, хыыңар ханып турган силер.

Иезекиил 37:11

Ынчан Дээрги-Чаяакчы меңээ мынча дээн: «Кижи амытан, бо сөөктер – бүгү израиль чонну көргүзүп турар. Дыңна даан, бо чон: „Сөөктеривис кургап калган, идегеливис читкен; бис шуут чок апарган-дыр бис“ – деп тур.

Иезекиил 37:19

Дээрги-Бурган-Чаяакчының чугаалаан чүвезин оларга дамчыт: Мен Иосифтиң база ооң-биле эвилелдиг израиль аймактарга хамааржыр, Эфремниң тудуп турары мергени ап алгаш, Иудеяның мергезинге чыпшыр туткаш, олардан чаңгыс мерге кылыр деп тур мен; олар Мээң холумга бүдүн кезек апаар.

Иезекиил 37:25

Олар Мээң чалчам Иаковка бергеним, боттарының ада-өгбезиниң чурттап турганы черге чурттаар. Боттары, ажы-төлү болгаш ажы-төлүнүң ажы-төлү аңаа кезээ мөңгеде чурттаар. Мээң чалчам Давидтиң салгакчызы мөңге шагда оларның чагырыкчызы болур.

Иезекиил 7:2

«Кижи амытан, израиль черге Дээрги-Бурган-Чаяакчының чугаалаан чүвезин дамчыт: төнчү! Чер-чурттуң бүгү ужу-кыдыынга төнчү келген-дир!

Матфей 23:36

Алыс шынны чугаалап тур мен: ол бүгү кеземче бо салгалга дүжер!»

Римчилерге 9:20

А сен, тала, Бурган-биле маргыжар хире кым сен? Кижиниң кылып каан чүүлү: «Мени чүге ынчалдыр кылдың?» – деп чугаалаар бе?