Иезекиил 17:3 - Ыдыктыг Библия

³ Оларга Дээрги-Бурган-Чаяакчының чугаалаан чүвезин дамчыт: Улуг далбагар чалгыннарлыг, селбегер шокар эзир Ливан сынга ужуп келген. Ол бир пөштүң бажын сегирип алгаш,

Иезекиил 17:3 Iomraidhean Croise

Иеремия 24:1

Дээрги-Чаяакчы меңээ көстүүшкүн чорудуп берди. Көөрүмге, Дээрги-Чаяакчының өргээзиниң мурнунда фига чимистиг ийи хааржак салып каан болду. А ол болза Вавилоннуң хааны Навуходоносор Иерусалимден Иоакимниң оглу, Иудеяның хааны Иехонияны, Иудеяның нояннарын, усчу, дарган улузун үндүре бергеш, Вавилонче сүрүп аппарган соонда болган чүве.

Иеремия 4:13

Булут ышкаш, дайзын көдүрлүп олур, ооң дайынчы тергелери казыргы дег, аъттары эзирлерден кашпагай! Ат болдувус-ла, өлүп читтивис-ле!

Иеремия 48:40

Дээрги-Чаяакчы мынча дээн: «Эзир шүүргедеп ужуп үнер, ол Моавтың кырынга чалгыннарын хере сунар!

Иеремия 49:16

Чалымнарда чурттаан, даглар баштарын ээлээн чон, бодуңнуң түрлүүңге, турамык чорууңга дуурайладып алдың. Эзир куш дег, бедик черге уя тудуп алдың, ынчалза-даа Мен сени оортан дүжүр октаптар мен – деп, Дээрги-Чаяакчы медеглээн. –

Ыы-сыы 4:19

Бисти кызап, сүрген улус дээрде ушкан эзирлерден дүрген болган. Олар бисти дагларга-даа чыпшыр чедип, ээн ховаа кедег кылып, дозуп турган. ר (реш)

Иезекиил 17:4

ооң эң үстүнде чиирбейни сыккаш, ханаан черже эккеп, садыгжылар хоорайынга салып каан.

Иезекиил 17:7

Улуг далбагар чалгыннарлыг селбегер өске эзир база турган. Демги виноград сывы бодунуң дазылдарын олуртуп каан черинден ийиги эзирже шөйүп, ону суггарып, ажаар кылдыр, будуктарын олче хере сунуп тур-ла!

Иезекиил 31:3

Ассирияже көр даан, ол чурт Ливан сында чараш будуктарлыг, чокпак будук-бүрүлүг пөш дег турган. Ооң бажы шыргай будук-бүрү аразынга бедидир көдүрүлген.

Даниил 2:38

кижилерни, черниң аңнарын, дээрниң куштарын каяа-даа чорааш, силерге чагыртыр кылдыр Ол берген-дир. Алдын баш – силер-дир силер.

Даниил 4:22

Силерни кижилер аразындан сывырыптар, силер черлик аң-мең аразынга чурттап, мал ышкаш оът оъттаар, дээрниң чаъс-шалыңы-биле шыгыттынар силер. Ынчалдыр чеди чыл* эртерге, кижи күрүнелериниң кырынга Дээди Өрүкү Бурган эрге-чагыргалыг-дыр деп билип каар силер: күзээн кижизинге хааннаашкынны Ол берип турар.

Даниил 7:4

Биргизи – арзылаңга дөмей, ынчалза-даа эзирнии дег чалгыннарлыг. Бир көөрүмге, ооң чалгыннарын одура тырткаш, ону черден көдүргеш, буттарының кырында кижи-даа ышкаш кылдыр тургузуп каан тур. Аңаа кижинии дег угаан-чүрек берип каан.

Осия 8:1

«Трубадан эдис! Израильчилер Мээң чагыг-керээмни үрээн, Мээң хоойлумга чагыртпаан боорга, Дээрги-Чаяакчының черинче эзир шүүргедеп келген дег-дир.

Аввакум 1:8

Ооң аъттары ирбиштен-даа дүрген маңнаар, кежээ чимзенген бөрүлерден-даа шалыпкын; ооң аъттыг шерии халдып чоруп турар, аъттыг шеригжилери ырактан хөме келгеш, олчазын тевер дээн эзир дег шүүргедээр.

Матфей 24:28

Кайда сек чыдарыл, аңаа сек чиир куштар чыглып кээр».

Матфей 4:24

Ооң дугайында дамчыыр чугаа бүгү Сирияга тарай берген. Янзы-бүрү аарыг-човалаңга алыскан, күштүг аарышкыдан хинчектеткен, букшуураан, тыртар болгаш чартыктаан кижилерин улус Аңаа эккеп туруп берген. Иисус оларның шуптузун экиртип турган.

Ы. х. к. 28:49

Дээрги-Чаяакчы ырактан – чер-делегейниң кыдыындан – сеңээ удур чон көдүрүп эккээр, дылын билбезиң чон сенче эзир ышкаш шүүргедеп ужуп кээр.