Иезекиил 16:4 - Ыдыктыг Библия

⁴ Төрүттүнген хүнүңде сээң хиниңниң ужун шарываан, сени дус чажып, арыглаваан, суг-биле чугбаан, чөргекке орааваан.

Иезекиил 16:4 Iomraidhean Croise

Эге дөс 15:13

Дээрги-Чаяакчы ынчан мынча дээн: «Сээң үре-салгалың 400 чыл иштинде хары чуртка кулданыгның болгаш дарлалдың адаанга чурттап кээр деп чүвени ыяк сактып ал.

Ыы-сыы 2:20

«Дээрги-Чаяакчы, топтап көр даан, өске кымны шак-ла мынчаар хинчектээн сен – эмзирип өстүрген уруг-дарыының эъдин ие чиптер кылдыр? Дээргиниң өргээзинге медээчизи-даа, бараалгакчызы-даа өлүр кылдыр? ש (шин)

Ыы-сыы 2:22

Коргуп чоруур дайзыннарымны, найырже дег, Дээрги-Чаяакчы чыып тур. Ооң килең хүнү чедип кээрге, камгалал ап, дириг үнер кижи чок-тур! Эмзирип өстүрген, азырап каан улузумну дайзыным кээп, узуткады».

Иезекиил 16:3

Сен Иерусалимге Дээрги-Бурган-Чаяакчының чугаалаан чүвезин дамчыт: сээң дазыл-дөзүң болгаш төрээн чериң – ханаан чер; сээң адаң – амор кижи, а иең – хет херээжен турган.

Иезекиил 20:13

Ынчалза-даа израиль чон ээн кургаг ховуга Меңээ удур тура халышкан: Мээң айтыышкыннарымны сагываан, хоойлуларымны хүлээп көрбээн – а ол хоойлуларны күүседип турар кижи оларның ачызында амы-тынныг артар; олар Меңээ тураскааткан амыр-дыш хүннерин дыка-ла бужартаткан. Ынчангаш Мен ээн кургаг ховуга килеңимни оларже кыптыктырарымны, оларны узуткап каарымны шиитпирлээн мен.

Иезекиил 20:8

Ынчалза-даа олар Меңээ удур тура халышкаш, Мени тооп дыңнавайн барганнар; кайызы-даа чарашсынып магадаары чүдек-бужар дүрзүлеринден ойталавайн барган, Египеттиң дүрзү-бурганнарын кагбаан. Мен ынчан килеңимни оларже кыптыктырарымны, хорадаан сагыжымны египет черге оларга удур ыдарымны шиитпирлээн мен.

Осия 2:3

Оон башка Мен ооң хевин уштуп, шалдаңнааш, чаа төрүттүнгенинде дег көзүлдүр тургузуп каар мен: ону ээн кургаг хову ышкаш кылып, када берген чер кылдыр хуулдурар мен, кагыдып-суксадып өлүрүп каар мен.

Осия 2:5

оларның авазы самыын-садып турган, төрээн иези бодунуң адын баксырадып: „Хандыкшааннарымга барайн, олар мени аъш-чем, суг, дүк, лён, олива үзү болгаш суксуннар-биле хандырып турар болгай“ – деп турган.

Лука 2:12

Силерге бадыткал демдээ бо-дур: чөргеп-шарааш, мал чемгерер шагжада салып каан чыдар Чаш төлдү тып алыр силер».

Лука 2:7

Ол бодунуң дун Оглун божааш, Ону чөргеп-шарааш, мал чемгерер шагжага салып алган, чүге дээрге хоначалар бажыңындан оларга чыдар чер тывылбаан.

Ы. х. к. 15:15

Египет черге кул болуп чорааныңны, Дээрги-Чаяакчы Бурганыңның сени адырып хостап каанын утпайн чор, ынчангаш бөгүн сеңээ бо бүгүнү айтып-чагып тур мен.

Ы. х. к. 5:6

„Мен дээрге сени кул болуп чорааның Египеттен үндүре берген Бурганың Дээрги-Чаяакчы-дыр мен.

Иисус 24:2

Иисус бүгү чонга Израильдиң Бурганы Дээрги-Чаяакчының дараазында сөстерин дамчыдып, мынча деп чугаалаан: «Шаг төөгүден бээр силерниң ада-өгбеңер, оларның иштинде Авраам биле Нахорнуң адазы Фарра, Евфрат хем ындынга чурттап, өске бурганнарга бараан болуп чораан.