Иезекиил 14:3 - Ыдыктыг Библия

³ «Кижи амытан, бо дээрге дүрзү-бурганнарын боттарының чүрээнче сиңирип, бачыдын боттарының мурнунга тептиге бээр моондак кылдыр салып алган улус-тур. Канчап оларга Менден чүве айтырарын чөпшээрээр мен?

Иезекиил 14:3 Iomraidhean Croise

4 Хааннар 3:13

Элисей Израильдиң хаанынга: «Чүге менден чүве айтырып тур сен? Ачаң биле аваңның бурганнарының медээчилеринче бар» – дээн. Израильдиң хааны аңаа: «Чок, барбас мен, чүге дээрге бис үш хаанны Моавтың холунга хүлээдип бээри-биле Дээрги-Чаяакчы чыып алган болгай» – деп харыылаан.

Ырлар 101:3

Айыыл-халап хүнүнде менден хая көрүнме, кулааңны менче ээктир, кыйгырган хүнүмде дүрген харыыла.

Чугаалар 15:29

Дээрги-Чаяакчы бузуттуг улустан ыракта, а чөптүг-шынныг улустуң мөргүлүн дыңнап турар.

Чугаалар 15:8

Бузуттуг улустуң өргүлдери Дээрги-Чаяакчыга бужар чүүл болур, а эки мөзүлүг улустуң мөргүлдери Аңаа таарымчалыг.

Чугаалар 21:27

Бузуттуг улустуң өргүлдери – ылаңгыя бузуттуг сагыш-биле салган өргүлдер – бужар чүүл-дүр.

Чугаалар 28:9

Ыдыктыг хоойлунуң сөстерин дыңнаар хөңнү чок кижиниң мөргүлү безин бужар чүүл болур.

Исайя 1:15

Холуңарны мөргүл кылып өрү сунарыңарга, Мен силерже көрүнмес мен. Чеже-даа хөй катап мөргүүрүңерге, Мен силерни дыңнавас мен. Холуңар ханда кончуу сүргей борашкан-дыр!

Исайя 33:15

Чүгле мындыг кижи: ажыл-херээнге чөптүг-шынныг база шынын чугаалаар; кызагдал-биле чедип алган ажык-кончаа алырындан ойталаар; хээли алыр дээш, холун сунмас; өлүрүүшкүнге киржилге дугайында чугаалар дыңнавас дээш, кулаан бөөшкүннеп аар; бузут үүлгедиишкини көрбес дээш, караан шийип аар кижи ынчап шыдаар.

Иеремия 11:11

Ынчангаш Дээрги-Чаяакчы: «Мен ам оларже чайлап шыдавазы айыыл-халапты ыдар мен. Олар Мени кыйгырып эгелээр, а Мен оларны дыңнавас мен – дээн. –

Иеремия 17:9

Кижиниң сеткил-чүрээ оп-мегелиг, эдип аар арга чок; кым ону билип шыдаарыл?

Иеремия 21:2

«Дээрги-Чаяакчыдан бис дээш дилеп көр, чүге дээрге Вавилоннуң хааны Навуходоносор биске удур дайылдажып тур! Дээрги-Чаяакчы Бодунуң кайгамчык чүүлдериниң бирээзин бис дээш кылыр чадавас, Навуходоносор ынчан бистен чоруй баар чадавас».

Иезекиил 11:21

А сеткил-чүрээ боттарының чүдек-бужар, бак чүүлдеринге алыскан улустуң чедип алган чүвезин оларның бажынче халдадыр мен». Дээрги-Бурган-Чаяакчының медеглээн чүвези ол-дур.

Иезекиил 14:2

Дээрги-Чаяакчы меңээ Бодунуң сөзүн ажыдып чугаалаан:

Иезекиил 14:4

Олар-биле чугаалашкаш, Дээрги-Бурган-Чаяакчының чугаалаан чүвезин дамчыт: бир эвес израиль чондан кандыг-бир кижи дүрзү-бурганнарын бодунуң чүрээнге сиңирип, бачыдын бодунуң мурнунга тептиге бээр моондак кылдыр салып алгаш, ооң соонда Бурганның медээчизинге кээр болза, Мен, Дээрги-Чаяакчы, ооң хөй дүрзү-бурганнары дээш аңаа таптыг харыылаар мен!

Иезекиил 14:7

Бир эвес израиль чондан кандыг-бир кижи азы Израильде чурттап турар даштыкы улустуң кайы-бирээзи Мени каапкаш, дүрзү-бурганнарын бодунуң чүрээнге сиңирип, бачыдын бодунуң мурнунга тептиге бээр моондак кылдыр салып алгаш, ооң соонда Бурганның медээчизинге кээп, ону дамчыштыр Менден чүве айтырар болза, Мен, Дээрги-Чаяакчы, аңаа Бодум таптыг харыы бээр мен.

Иезекиил 20:16

Чүге дээрге олар Мээң хоойлуларымны хүлээп көрбээн, Мээң айтыышкыннарымны сагываан болгаш Меңээ тураскааткан амыр-дыш хүннерин бужартадып турган; оларның сеткил-чүрээ боттарының дүрзү-бурганнарынга бердинген турган.

Иезекиил 20:3

«Кижи амытан, Израильдиң баштыңнары-биле чугаалажып, оларга Дээрги-Бурган-Чаяакчының чугаалаан чүвезин дамчыт: силер Менден чүве айтырып келдиңер бе? Мен дириг Бодумнуң адым-биле даңгыраглап тур мен: силерге харыы бербес мен – деп, Дээрги-Бурган-Чаяакчы медеглээн. –

Иезекиил 20:31

Өргүл белектерин эккеп, ажы-төлүңерни өргүп, от өттүр эрттирип турарыңар дээрге-ле боттарыңарны бүгү дүрзү-бурганнарыңар-биле биеэги хевээр бужартадып турарыңар ол-дур. Израиль чон, Менден чүве айтырып кээп шыдаар бис деп бодап тур силер бе? Мен дириг Бодумнуң адым-биле даңгыраглап тур мен: силерге харыы бербес мен!

Иезекиил 3:20

А бир эвес чөптүг кижи бодунуң шынныг чоруундан ойталап, кем-буруулуг херек үүлгедир болза, Мен ооң мурнунга тептигер моондак салып каарымга, ол өлүп каар. Сен ону баш бурунгаар сагындырбайн турган болганыңда, ол бодунуң бачыды дээш өлүп каар. Ооң кылып турган ачылыг херектеринче кичээнгей салбас мен, а сенден ооң өлүмү дээш харыы негээр мен.

Иезекиил 33:30

Кижи амытан, а сээң дугайыңда бодуңнуң чонуңнуң улузу ханалар баарында, бажыңнар эжиктеринде туруп алган, бот-боттарынга: „Дээрги-Чаяакчыдан келген медээни барып дыңнаалы“ – дижип турар-дыр.

Иезекиил 36:25

Силерни арыглаашкын суу-биле бызай чажарымга, арыгланы бээр силер; бүгү бужар чорууңардан, бүгү дүрзү-бурганнарыңардан арыглап каар мен.

Иезекиил 44:12

Ынчалза-даа левиттер чон-биле кады дүрзү-бурганнарга мөгееринге киржип, израильчилерни бачытче дуурайлап киирген боорга, олар боттарының кем-буруузун чүктээр деп даңгыраглаан мен – деп, Дээрги-Бурган-Чаяакчы медеглээн. –

Иезекиил 6:9

Дириг арткан улузуңар оларны тудуп аппарган өске чоннар аразынга Мени сактып кээр: оларның Менден ойталап, самыыраан чүректери, дүрзү-бурганнар соонче самыырап чүткүп турган карактары Мени кайы хире хомудатканын сактып, буруузун миннир. Олар үүлгеткен бузуттуг херектери дээш, чүдек-бужар чаңчылдары дээш, боттары боттарындан ческинер апаар.

Иезекиил 7:19

Олар мөңгүнүн кудумчуже үндүр октаптар, алдынын, арыг эвес чүүл дег, херекке албас. Дээрги-Чаяакчының килеңнээн хүнүнде оларны алдыны-даа, мөңгүнү-даа камгалап шыдавас. Олар ооң-биле аштаанын чидирип, хырнын тоттуруп шыдавас. Алдын-мөңгүнү оларга моондак болуп, бузут-бакче киирген болгай.

Осия 4:5

Хүндүс-даа буураар сен, Бурганның медээчизи дүне-даа сээң-биле кады буураар. Сээң иеңни база узуткап каар мен.

Софония 1:3

Кижилерни, мал-маганны узуткаар мен; дээрниң куштарын, далайның балыктарын узуткаар мен. Бузуттуг улусту дуурайлаткан чүвелери-биле кады чок кылып, чер кырында бар улусту амылыг арттырбас мен – деп, Дээрги-Чаяакчы медеглээн. –

Захария 7:13

Оларны кыйгырып турумда, тооп дыңнавас болду, ынчаарга олар кыйгырарга, Мен база дыңнаваан мен – деп, Аг-шериглиг Дээрги-Чаяакчы чугаалаан. –

Лука 20:8

Иисус оларга мынча дээн: «Мен база бо бүгүнү кандыг эрге-чагырга-биле кылып турарымны силерге чугаалавас мен».

Эфесчилерге 5:5

Харын бүзүреп боор силер: чаңгыс-даа самыыраан, бодун бужартаткан база чазый кижи (а ол дүрзү-бурганга чүдүүрлерден ынай-даа ылгалбас) Христостуң база Бурганның Чагыргазынга өнчү албас.

1 Пётр 2:8

Оон ыңай Ол «Улустуң аңаа тептиккеш, кээп ужары моондак даш» боор. Бурганның сөзүн дыңнавас болгаш, улус аңаа тептиге бээр. Бурганның оларга онаап каан үүлези ындыг болган-дыр.

Ажыдыышкын 2:14

Ындыг-даа болза, Мээң силерге удур чугаалаар каш чүүлдерим база бар: силерниң араңардан чамдыыңар Валаамның өөредиин эдерген-дир. А ол Валаам израиль чонну бачытче канчаар сундугарынга Валакты өөредип каан болгай. Олар дүрзү-бурганнарга өргээн чем чип, самыырап турганнар.

1 Хааннар 28:6

Саул Дээрги-Чаяакчыдан айтырарга, Ол аңаа ооң дүжүнде-даа, урим дамчыштыр-даа, Бодунуң медээчилерин дамчыштыр-даа харыы бербээн.