Иезекиил 13:9 - Ыдыктыг Библия

⁹ Хоозун-меге көстүүшкүннер көрүп, шын эвес ажыдыышкыннар медээлеп турар медээчилерже Мээң холум көдүрлүр. Олар ам Мээң чонумнуң чөвүлелинге киришпес, израильчилерниң чизе-даңзызынче киир бижитпес база израиль черже дедир чанмас. Ынчан Мени Дээрги-Бурган-Чаяакчы деп билип аар силер.

Иезекиил 13:9 Iomraidhean Croise

3 Хааннар 13:18

Кырган медээчи: «Мен база, сен ышкаш, Бурганның медээчизи-дир мен. Дээрги-Чаяакчының төлээзи меңээ Ооң сөзү-биле: „Ону бажыңыңче дедир келдиртип ал – чемненип, сугдан ижип алзын“ – деп чугаалады» – дээн. Кырган медээчи өскезин мегелепкен болган.

Эзра 2:59

Израильче Тел-Мелах, Тел-Харша, Херув-Аддан, Иммер хоорайлардан чедип келген-даа болза, оларның төрел бөлүктери израиль чондан укталган дээрзин шынзыдып шыдаваан улус:

Неемия 7:62

Делайя, Товия болгаш Некоданың үре-салгалы – 642 кижи.

Неемия 7:64

Ол улус боттарының төрел угунуң бижилгезин дилеп турган, ынчалза-даа тыппайн баргаш, арыг эвес кылдыр санаттырып, Бурганның бараалгакчыларының даңзызынче киир бижиттирбээн.

Ырлар 101:7

Ээн куруг черлерде куш-биле дөмей апардым, бузундуларда чурттаан үгү дег болу бердим.

Ырлар 69:5

А Сенче чүткээн бүгү улус Сен дээш өөрүп-хөглезин; Сенден кээр камгалалга ынак улус: «Бурган өндүр улуг!» – деп үргүлчү чугаалап чорзун.

Ырлар 87:6

мени өлүглер аразынга чорзун дээш салыпкан, чевегде чыдар өлүртүп каан улус дег мен – ындыг улусту Сен ам сагынмас-даа болу бердиң, оларже холуң сунмас-тыр сен.

Ырлар 95:11

Дээрлер өөрүп-хөглезин, чер-делегей өөрүп-байырлазын; далай болгаш ону долган бүгү чүве шимээргеп доюлзун!

Исайя 4:3

Ынчан Сионда артып калган улус, хоорайның дириг арткан чурттакчылары – Иерусалимде дириглер санынче киир бижиттирген бүгү улус – Бурганның ыдыктыг улузу деп адаттырар.

Иеремия 14:15

Ынчангаш Дээрги-Чаяакчы: «Мээң айбылап чорутпааным, Мээң адым тудуп медеглеп турар медээчилер: „Бо черге дайын-чаа-даа, аш-чут-даа турбас“ – деп турар-дыр. Олар боттары дайын-чаа биле аш-чуттан өлүп каар.

Иеремия 17:13

Дээрги-Чаяакчы – Израильдиң идегели! Сени каапкаш барган кижи адын бужартадыр! «Менден ойталаан улустуң алдар-адын черге таптай базар, чүге дээрге Дээрги-Чаяакчыны – амыдырал хайырлаар суг бажын – каапкан-дыр».

Иеремия 23:20

Дээрги-Чаяакчы Бодунуң чүрээнде бодалдарын күүседип, боттандырбаан шаанда, Ооң килеңи оожургавас. Келир үеде силер ону кончуг тода билип аар силер.

Иеремия 4:9

«Ол хүн хаан-даа, ноян-даа эр соруун чидириптер, Бурганның бараалгакчылары коргуп-сүртээр, медээчилер аңгадай бээр» – деп, Дээрги-Чаяакчы медеглээн.

Иезекиил 11:10

Дайын-чаадан өлүр силер. Мен силерни Израильдиң девискээринге шиидер мен. Ынчан Мени Дээрги-Чаяакчы деп билип аар силер.

Иезекиил 12:20

Чурттакчылыг хоорайлар хоозураар, чурт ээнзирээр. Ынчан Мени Дээрги-Чаяакчы деп билип аар силер».

Иезекиил 13:14

Чугай-биле чаап кааныңар хананы үреп бускаш, чер-биле деңнештир таптап кааптарымга, ооң таваа көстүп кээр. Хана буступ дүжерге, силер база ооң-биле кады өлүп каар силер. Ынчан Мени Дээрги-Чаяакчы деп билип аар силер.

Иезекиил 13:23

Ол бүгү дээш, силер моон соңгаар хоозун-меге көстүүшкүннериңер көрбес силер, илби-шидиңер кылбас силер. Мен Бодумнуң чонумну силерниң холуңардан адырар мен. Ынчан Мени Дээрги-Чаяакчы деп билип аар силер».

Иезекиил 20:38

Мен силерден үймээнчи, Меңээ удур тура халаан улусту аңгылаар мен. Ам турар черинден Мен оларны үндүре берзимзе-даа, олар израиль черже кирбес. Ынчан Мени Дээрги-Чаяакчы деп билип аар силер.

Даниил 12:1

«Ынчан улуг ноян, сээң чонуңнуң болчукчузу Михаил чедип кээр, чүге дээрге мурнуку үелерде чаңгыс-даа чоннуң көрүп көрбээни айыыл-халап үези эгелээр. Ынчан сээң чонуң камгалаттырар – Бурганның номунче киир бижиттирген бүгү улус.

Осия 4:5

Хүндүс-даа буураар сен, Бурганның медээчизи дүне-даа сээң-биле кады буураар. Сээң иеңни база узуткап каар мен.

Осия 9:3

Олар Дээрги-Чаяакчының черинге чурттап артпас. Эфрем Египетче дедир чоруптар, Ассирияга база арыг эвес аъш-чем чиир.

Михей 3:5

Дээрги-Чаяакчы мынча дээн: «Мээң чонумну будулдуруп турар бүдүү билирлерге хамаарыштыр. Силерни чемгерер улуска амыр-тайбың медеглээр-дир силер, а аъш-чем бербес улуска кыжанып, дайын чарлаар-дыр силер.

Михей 3:6

Ол дээш, силерни көстүүшкүннер чок дүн сыырыптар, өттүр билген медеглелдер чок дүмбейге бүргеттирер силер. Бурганның медээчилери дирткен силерниң кырыңарда хүн ажа бээр, чырык хүн силерге караңгылай бээр.

Лука 10:20

Ындыг-даа болза, буктарның силерге чагыртып турары дээш эвес, а силерниң аттарыңарның дээрде бижиттингени дээш амыраңар».

Филипчилерге 4:3

Мээң шынчы эжим, сени база дилеп тур мен: бо херээженнерге дузадан кат. Олар мээң-биле, Климент-биле база амыдыралдың номунче аттарын киир бижээн өске-даа кады ажылдап турар эштерим-биле Буянныг Медээ дээш, эгин кожа туржуп келгеннер болгай.

Еврейлерге 12:23

Дээр-деңгерлерде аттарын бижээн эң улуг оолдарның ниитилелинге чеде берген-дир силер. Бүгү улустуң Шииткекчизи боор Бурганга, чөптүг-шынныг амыдыралдың эчизинге четкен улустуң сүлделеринге чеде берген-дир силер.

Ажыдыышкын 13:8

Чер кырында чурттаан хамык улус – өртемчейни чаяарының бетинде-ле өргүлге салган Хураганда бар амыдыралдың номунче аттарын киир бижээннеринден өскелери, араатанга мөгейдилер.

Ажыдыышкын 19:20

Ынчалза-даа араатанны болгаш ооң өмүнээзинден кайгамчык чүүлдер кылып турган, араатанның таңмазы-биле демдектеттирген база ооң дүрзүзүнге мөгейген улусту дуурайлап келген меге медээчини тудуп хоругдап кагды. Араатан биле меге медээчи күгүр кыпкан оттуг хөлче диригге киир октаттырыпканнар.

Ажыдыышкын 20:12

Мен ынчан дүжүлгениң мурнунда турар улуг, биче өлүг улусту көрүп кагдым. Ажып каан номнар база бар болду. Оон база бир номну – амыдыралдың номун – ажыдып кагды. Өлүглерни оларның кылган херектерин барымдаалап, номнарда оларның дугайында бижээнин ёзугаар шииткен.

Ажыдыышкын 20:15

Амыдыралдың номунче адын киир биживээн кижи бүрүзүн оттуг хөлче киир октапкан.