Иезекиил 13:2 - Ыдыктыг Библия

² «Кижи амытан, Израильдиң ам өттүр билип медеглеп турар медээчилеринге удур медегле. Боттарының даап бодаанын ёзугаар медеглээр ол медээчилерге: „Дээрги-Чаяакчының сөзүн дыңнаңар!“ – деп чугаала.

Иезекиил 13:2 Iomraidhean Croise

3 Хааннар 22:19

А Михей уламчылап чугаалаан: «Ам Дээрги-Чаяакчының чугаалаан сөзүн дыңнап көр. Мен Дээрги-Чаяакчыны Ону долгандыр турар дээрниң аг-шерии-биле кады Бодунуң дүжүлгезинде саадап олурар кылдыр көрдүм.

Исайя 1:10

Дээрги-Чаяакчының сөзүн дыңнаңар, Содомнуң чагырыкчылары! Бурганывыстың хоойлузун кичээнгейге ал, Гоморраның чону!

Исайя 28:14

Дээрги-Чаяакчының сөзүн тооп дыңнаңар, кочуургактар, бо чоннуң Иерусалимде саадаан чагырыкчылары!

Исайя 9:15

Баш дээрге баштыңнар болгаш ызыгууртаннар-дыр, кудурук дээрге меге чүвеге өөредир бүдүү билирлер-дир.

Иеремия 23:2

Мээң чонумну кадарып турар чагырыкчыларга Дээрги-Чаяакчы, Израильдиң Бурганы: «Мээң хойларымны тоо быдарадыр сывырыпкан, оларже сагыш салбаан силер. Мен ам бузуттуг үүлгедиглериңер дээш силерни кезедир мен – деп медеглээн. –

Иеремия 27:14

Силерге: „Вавилоннуң хаанынга кул болбас силер“ – деп турар медээчилерни дыңнаваңар, чүге дээрге олар силерге меге чүве медеглеп турар-дыр».

Иеремия 27:18

Бир эвес олар Бурганның медээчилери болза база Дээрги-Чаяакчының сөзү оларга четкен болза, Дээрги-Чаяакчының өргээзинде база Иудеяның хаанының ордузунда, Иерусалимде ам-даа арткан херекселдерни Вавилонче аппарбазын дээш, Аг-шериглиг Дээрги-Чаяакчыдан дилеп, мөргүзүннер».

Иеремия 37:19

Силерге: „Вавилоннуң хааны силерже, бо черже халдавас“ – деп турган медээчилериңер кайыл?

Иеремия 5:31

бүдүү билирлер мегелеп медеглээр-дир, Бурганның бараалгакчылары боттарының туразы-биле улусту чагырар-дыр, Мээң чонумга ол чорук таарымчалыг-дыр. Ол бүгүнүң хараазында силер-биле чүү боор деп?

Иеремия 8:10

Ынчангаш Мен оларның кадайларын өске кижилерге, оларның шөлдерин – өске ээлерге бериптер мен. Олар шупту, улуу-даа, бичези-даа, чүгле ажык-кончаа сүрүп, Бурганның медээчизинден эгелээш, Ооң бараалгакчызынга чедир меге чүүл кылып чоруур-дур.

Ыы-сыы 4:13

А ол бүгүнүң дөзү кайдал? Хоорайга актыг улус ханын төккен бараалгакчылар бузудунда, медээчилер бачыдында. נ (нун)

Иезекиил 13:1

Дээрги-Чаяакчы меңээ Бодунуң сөзүн ажыдып чугаалаан:

Иезекиил 13:17

«А ам, кижи амытан, чонуңда боттарының даап бодап алганын ёзугаар өттүр билип медеглеп турар херээженнерже көрүп көр. Оларга удур медеглеп,

Иезекиил 13:3

Оларга Дээрги-Бурган-Чаяакчының чугаалаан чүвезин дамчыт: боттарының бодалдарын эдерип, чүнү-даа көрбейн барган мугулай медээчилер ат болур!

Иезекиил 16:35

Ынчангаш, самыыраан Израиль, Дээрги-Чаяакчының сөзүн дыңна!

Иезекиил 22:25

Ында турар Бурганның медээчилери сүлчээлиг-дир, олар олчазын үзе-чаза тыртып, ырланган арзылаң ышкаш-тыр; олар улусту узуткап, эт-хөреңги болгаш эртине-байлакты хунаап ап, бо черде дулгуяк херээженнерни көвүдедип турар-дыр.

Иезекиил 22:28

А ында турар Бурганның медээчилери нояннарның бүгү ындыг херектерин хоозун көстүүшкүннер болгаш меге өттүр билген медеглелдери-биле, чугайлаан дег, агартыр чаап, шынны чажырып турар. Олар Дээрги-Чаяакчы ынча дивээн-даа болза, „Дээрги-Бурган-Чаяакчы ынча дээн“ деп медеглээр-дир.

Иезекиил 34:7

Ынчангаш, чагырыкчылар, Дээрги-Чаяакчының сөзүн дыңнаңар:

Иезекиил 34:9

ол бүгү дээш, кадарчылар, Дээрги-Бурган-Чаяакчының сөзүн дыңнаңар: Мен кадарчыларга удур апардым, Бодумнуң хойларым дээш олардан харыы негээр мен. Мен оларга моон соңгаар хойларым кадартпас мен, олар моон соңгаар боттарын хойлар-биле чемгербес. Оларның аш аксы-дижинден Бодумнуң хойларымны ушта тыртып аар мен, кодан хоюм оларга чемиш болбас».

Михей 3:11

Иерусалимниң баштыңнары хээли ап, шиидип турар-дыр, Бурганның бараалгакчылары төлевир ап, өөредип турар-дыр, Бурганның медээчилери акша-мөңгүн ап, төлгелеп турар-дыр. Ооң кадында Дээрги-Чаяакчыга даянып: «Дээрги-Чаяакчы бистиң аравыста эвес чүве бе? Бисти айыыл-халап таварбас!» – дижирлер.

Михей 3:6

Ол дээш, силерни көстүүшкүннер чок дүн сыырыптар, өттүр билген медеглелдер чок дүмбейге бүргеттирер силер. Бурганның медээчилери дирткен силерниң кырыңарда хүн ажа бээр, чырык хүн силерге караңгылай бээр.

Софония 3:4

Хоорайда Бурганның медээчилери бодал чок, кара сагыштыг, а бараалгакчылары Дээрги-Чаяакчының өргээзин бужартадып, ыдыктыг хоойлуну үреп турар.