Иезекиил 11:9 - Ыдыктыг Библия

⁹ Мен силерни хоорайдан үндүр сывырыпкаш, хары улус холунга хүлээдип бээр мен, силерге онаашкан шииткелди үндүрер мен.

Иезекиил 11:9 Iomraidhean Croise

Эзра 9:7

Ада-өгбевистиң үезинден бээр амгы үеге чедир кем-буруувус кончуг улуг. Бачыттарывыс ужун боттарывыс, хааннарывыс, Бурганның бараалгакчылары өске чер чурттуг хааннар холунче, олар бисти кыргып-хыдызын, тудуп алзын, үптезин, бак атка киирип кагзын дээш, хүлээттирген бис, амгы үеде-даа ындыг хевээр-дир.

Ырлар 106:30

Чалгыглар дагжаваска, далайжылар өөрүп-хөглей берген, Дээрги-Чаяакчы оларны күзеп-чүткээн өртээлинге эккелген.

Ырлар 106:41

А ядыы кижини түрегделден ушта тыртып, ооң өг-бүлезин, кодан хойну дег, өстүрүп-көвүдедип турар.

Экклесиаст 8:11

Бак үүлгедиглерниң шииткели дүрген эвес күүсеттинип турарындан кижи чүрээ бачыт кылыр күзел-биле долуп чоруур.

Иеремия 29:20

А силер, Мээң Иерусалимден үндүр сывырып, Вавилонче чорудупканым улус, Дээрги-Чаяакчының сөзүн тооп дыңнаңар!»

Иеремия 39:6

Ривлага, Седекия көрүп турда, Вавилоннуң хааны ооң оолдарын өлүрүп каан. Иудеяның бүгү нояннарын база ол кыра шаап каан.

Иезекиил 11:7

Ынчангаш Дээрги-Бурган-Чаяакчы мынча дээн: «Хоорай иштинде оваалай салып каан өлүрткен улузуңар дээрге эът-тир, а бо хоорай – паш-тыр; а силерни Мен оон үндүр сывырыптар мен.

Иезекиил 16:38

Мен сеңээ ашаанга өскерилген херээженнерге дег база кижи өлүрген улуска дег кеземче онаар мен; хүннээнимден хорадап, килеңнээш, сээң ханың төгер мен.

Иезекиил 16:41

Олар сээң бажыңнарыңны өрттедип, сеңээ үндүрген шииткелди хөй күрүнелер көрүп турда, күүседир. Мен сээң самыыраашкыныңның төнчүзүн салыр мен, сен моон соңгаар хандыкшааннарыңга төлевир бербес сен.

Иезекиил 21:31

Мээң хорадаан сагыжым сенче кыптыгар, килеңимниң чалбыыжын сенче хадыдар мен, араатанзыг, өлүрүүшкүн кылып мергежээн улустуң холунга сени хүлээдип бээр мен.

Иезекиил 30:19

Мен Египетке ындыг шииткел онаар мен, олар ынчан Мени Дээрги-Чаяакчы деп билип аар».

Иезекиил 5:10

Сенде бар адалар ажы-төлүнүң эъдин чиир, а ажы-төл адаларының эъдин чиир. Мен сеңээ шииткел үндүргеш, чоннуң артынчызын бүгү хаттар-биле тарадып кааптар мен» – дээн.

Иезекиил 5:15

Мен сеңээ үндүрген шииткелимни килеңнеп, хорадап база коргунчуг шаажылалдар кылып тургаш, күүседир мен; долгандыр чурттап турар чоннар сени кочулап, дорамчылаар, оларның мурнунга кеземчениң үлегер-чижээ база коргунчуг чүүл апаар сен. Мен, Дээрги-Чаяакчы, ону чугааладым.

Иезекиил 5:8

Ынчангаш Дээрги-Бурган-Чаяакчы: «Көрдүң бе, Мен Бодум сеңээ удур апардым; өске чоннар көрүп турда, сеңээ үндүрген шииткелимни күүседир мен.

Иоанн 5:27

Адазы оон ыңай шиидер эргени база Оглунга хайырлаан, чүге дээрге Ооң Оглу – Кижи амытан Оглу-дур.

Римчилерге 13:4

Эрге-чагырга ээлээн кижи база Бурганның чалчазы боор, ол сээң чаагай чорууң дээш ажылдап чоруур. А бузут үүлгедип турар болзуңза, кичээн, чүге дээрге ол сеңээ кеземче онаар эргелиг. Ол – Бурганның чалчазы-дыр база бузут үүлгеткен улуска хамаарыштыр Ооң шииткелин күүседир кижи-дир.

Ы. х. к. 28:36

Дээрги-Чаяакчы сени база аңаа башкартыр дээш дүжүлгеге олуртуп алган хааныңны сээң-даа, ада-өгбеңниң-даа билбези черже аппаар, аңаа баргаш, ыяш биле даштан кылган хары бурганнарга бараан болур сен.

Иуда 1:15

Ол чедип келгеш, Ону хүндүлевес бачыттыг улусту Аңаа удур сөглээн сөстери дээш база Аңаа таарымча чок ажыл-херээ дээш сойгалап, оларның шуптузунга шииткел онаар».