Иезекиил 11:6 - Ыдыктыг Библия

⁶ Силер бо хоорайга хөй улусту өлүрген силер, ооң кудумчуларынга мөчү-сөөктү оваалап каан силер» – дээн.

Иезекиил 11:6 Iomraidhean Croise

4 Хааннар 21:16

Манассия Иудеяны бачытче киирип, ооң чону Дээрги-Чаяакчының мурнунга бузут үүлгедир кылып каан бачыдындан аңгыда, дыка хөй буруу чок ханны төп, Иерусалимни хан-биле бир кыдыындан эгелээш, өске кыдыынга чедир долдуруп каан.

Исайя 1:15

Холуңарны мөргүл кылып өрү сунарыңарга, Мен силерже көрүнмес мен. Чеже-даа хөй катап мөргүүрүңерге, Мен силерни дыңнавас мен. Холуңар ханда кончуу сүргей борашкан-дыр!

Иеремия 2:30

Чонуңарны кезедиримге-даа, хей болду, чагыг-суртаалымны хүлээп албадыңар. Медээчилериңерни силерниң хылыжыңар, хайыра чок арзылаң ышкаш, чип төттү.

Иеремия 2:34

Сээң хевиң эдээ актыг ядыыларның ханынга борашкан-дыр. Олар кемниг херек үүлгетпээн, буруу чок улус-тур. Ол хиреңде-ле:

Иеремия 7:6

араңарда чурттап турар даштыкы кижини, өскүстү, дулгуяк херээженни базынмаңар, бо черге буруу чок кижиниң ханын төкпеңер база боттарыңарга хора халдадыр өске бурганнарга мөгейбеңер.

Иеремия 7:9

Оорланыр, кижи өлүрер, самыыраар, мегелеп даңгыраглаар, Ваал бурганга айдызаашкын кылыр, билбес чорааныңар өске бурганнарга мөгеер-дир силер,

Ыы-сыы 4:13

А ол бүгүнүң дөзү кайдал? Хоорайга актыг улус ханын төккен бараалгакчылар бузудунда, медээчилер бачыдында. נ (нун)

Иезекиил 22:12

Чурттакчыларың хээли алгаш, өске кижи ханы төгер-дир; сен болза хөөзүн алыр дээш, хуу хавырып аар дээш акша-мөңгүн чегдирип, өске кижиден ажык-кончаа түрүдүп алыр-дыр сен. А Мени уттупкан-дыр сен». Дээрги-Бурган-Чаяакчының медеглээн чүвези ол-дур.

Иезекиил 22:27

Ол черниң нояннары олчазын туткулаан бөрүлер дег-дир; олар хан төп, ажык-кончаа алыр дээш кижи өлүрүп турар-дыр.

Иезекиил 22:9

Нүгүлчүлер сеңээ тургаш, өске улустуң ханын төп турар; сээң чурттакчыларың дагларга дүрзү-бурганнарга өргээн аъш-чем чип, сээң иштиңге бужар-бак чүүлдер кылып турар.

Иезекиил 7:23

Кинчи-бектен белеткеп ал, чүге дээрге бо черни өлүрүкчү херектер долган-дыр, а найысылалды күчүлээшкин бүргээн-дир.

Иезекиил 9:9

Ол меңээ: «Израиль болгаш Иудеяның бузут-багы канчаар-даа аажок улуг-дур, бо черни хан хөме алган-дыр, хоорайны кемниг херектер бүргээн-дир. Улус: „Дээрги-Чаяакчы бо черни каапкан-дыр, Ол көрбейн турар-дыр“ – деп тур.

Михей 3:10

Силер – Сионну өлүрүүшкүн-биле, Иерусалимни кемниг үүлгедиишкин-биле тудуп тургузуп турар улус-тур силер!

Михей 7:2

Чер кырында Бурганга бердинген кижилер артпаан, улус аразында чөптүг кижилер чок. Бүгү улус хан төгер дээш кедег кылып турар, кижи бүрүзү ха-дуңмазынга какпа-дузак салып турар.

Софония 3:3

Ооң нояннары ырланган арзылаңнар дег-дир, баштыңчылары – кежээ чимзенген, эртенге чедир чаңгыс-даа сөөк арттырбас бөрүлер дег-дир.

Матфей 23:35

Кем-буруу чок Авелдиң ханындан эгелээш, өргүл салыр бедигээш биле Бурганның өргээзиниң аразынга өлүрүп кааныңар Берехияның оглу Захарияның ханынга чедир, чер кырынга төгүлген бүгү чөптүг-шынныг улустуң ханы дээш, шииткелди чүктээр силер.