Иезекиил 11:2 - Ыдыктыг Библия

² Дээрги-Чаяакчы меңээ: «Кижи амытан, бузуттуг бодалдар бодап, хоорайда багай арга-сүме берип турар улус бо-дур.

Иезекиил 11:2 Iomraidhean Croise

Эсфир 8:3

Эсфир база катап хаан-биле чугаалажып, ооң мурнунга кээп дүшкеш, ыглап, чаннып турган. Ол Агагтың үре-салгалы Аманның еврейлерге удур өштүг-өжээнниг бодалын соксадырын дилеп турган.

Ырлар 36:4

Дээрги-Чаяакчы-биле харылзааң дээш таала, Ол сээң чүрээңниң күзелдерин күүседип бээр; ג (гимел)

Ырлар 36:5

Дээрги-Чаяакчыга амыдыралың оруун хүлээдип, Аңаа идеге – Ол чогууру-биле кылып бээр;

Ырлар 52:2

Тенек кижи сеткил-хөңнүнге «Бурган чок» деп түңнел кылган. Ындыг улус самыыраан-дыр, бак херектерни үүлгеткен-дир; буян кылып турар кижи тывылбаан-дыр.

Исайя 30:1

«Чөрүү ажы-төлүм ат болур! – деп, Дээрги-Чаяакчы медеглээн. – Олар Менден келбээн бодалдар күүседип, Мээң оларның сагыжынга киирбээним керээлер чарып, бачытка бачыт немеп турар-дыр.

Исайя 59:4

Кым-даа шииткел черинге чөптүг чорукче кыйгырбайн турар, кым-даа шынныы-биле чаргылдашпайн турар: улус хоозун барымдааларга ынанып, меге чүве чугаалап, хай-бачыт ботталдырып, бузут-бак төрүп турар.

Иеремия 18:18

Ынчалза-даа улус-чон: «Барып, Иеремияга удур сүлчээ кылыылы. Дүрүм-хоойлу – Бурганның бараалгакчыларынга, арга-сүме – мерген угаанныгларга, Бурганның сөзү – Ооң медээчилеринге артып каар-ла болгай! Барып, ону нүгүлдээли, ооң чугаа-сөзүн дыңнаваалы» – деп турган.

Иеремия 5:5

Ынчаарга ызыгууртан кижилерге барып, чугаалажып көрейн. Олар Дээрги-Чаяакчының оруун, Бурганының дүрүмүн билир болгай» – дээн мен. Ынчалза-даа олар база шупту Бурганның кедирген хомудун чуура шаап, моожазын үзе тыртып каапкан болду.

Иезекиил 7:26

Халап соондан халап, багай медээ соондан багай медээ кээр; улус Бурганның медээчизинден ажыдыышкыннарны хей-ле дилээр, Бурганның бараалгакчылары хоойлу-дүрүмнү суртаалдавайн баар, улуг назылыглар арга-сүме берип шыдавас.

Наум 1:11

Дээрги-Чаяакчыга удур бак чүве үүлгедирин бодаар, бузуттуг чүүл сүмелээр кижи сенден үндү чоп, Ниневия.