Иезекиил 10:2 - Ыдыктыг Библия

² Дээрги-Чаяакчы лён хеп кеткен кижиге: «Херувимнерниң адаанда дугуйлар аразынче кире бергеш, оларның аразында чалбыыштыг көстерден адыш долдур ап алгаш, хоорайже октавыт» – диди. Мен көрүп турумда, демги кижи ынаар кире берди.

Иезекиил 10:2 Iomraidhean Croise

4 Хааннар 25:9

Ол Дээрги-Чаяакчының өргээзин, хаанның ордузун, Иерусалимниң бүгү бажыңнарын – улуг дээн бажыңнарны шуптузун өрттедипкен.

Ырлар 140:10

Бузуттуглар шупту боттарының четкилеринге ораашсын, а мен кыдыы-биле эрте берейн.

Ырлар 18:10

Дээрги-Чаяакчыдан коргар чорук – арыг база кезээ мөңгеде артар. Дээрги-Чаяакчының шиитпирлери – алыс шынныг, шуптузу чөптүг;

Хосталыышкын 25:18

Оон алдынны хевилей соктап тургаш, халыптың ийи талакы кыдыынга ийи херувим дүрзүзүнден кылып аар сен.

Исайя 30:30

Дээрги-Чаяакчының түрлүг үнү дыңналыр, Ооң холу көстүп келгеш, согуушкун кылыр. Ооң килеңи кедергей болур – чалбыыш өрү окталып, от хөме алыр, чайык куттулуп, шуурганнаар, долу дүжер.

Иезекиил 1:13

Ол дириг амытаннар чалбыыштыг көстер, чырыткылар ышкаш хевирлиг чүвелер бооп көзүлдү. Оларның аразында от соксаал чок шимчеп, чалбыышталыр болду, чаңнык оон кызаңайнып-ла турду.

Иезекиил 10:16

Херувимнер шимчеп чоруптарга, оларның чанында дугуйлар база кады шимчеп чоруптар турган; а кажан херувимнер черден көдүрлүр дээш чалгыннарын далбайтыптарга, дугуйлар база оларның чанынга аңгыланмайн артып каар турган.

Иезекиил 9:11

Ынчан лён хеп кеткен, курунда бижээчиниң херекселдерин астып алган кижи дедир келгеш: «Сен меңээ канчаар дужааган сен, ынчаар күүсеттим» – деп айыткады.

Даниил 7:9

Ооң соонда мен дараазында чүүлдү көрүп каан мен: каш дүжүлгелер тургузуп каарга, үе-дүптен бээр амыдыраан Ирей бодунуң дүжүлгезинге олурупкан. Ооң хеви – хар дег ак, а бажының дүгү – арыг ак хой дүгү дег. Ооң дүжүлгези – өөскээн чалбыыш, дугуйлары – кыпкан отка бүргеткен.

Ажыдыышкын 8:5

Дээрниң төлээзи оон айдызаар савазын алгаш, ону өргүл салыр бедигээштиң изиг көзү-биле долдургаш, черже шывадапты. Ол дораан черге дааш-шимээн көңгүреп, диңмирээшкин диңмиреп, чаңнык кызаңнап, чер шимчей берди.