Иеремия 9:2 - Ыдыктыг Библия

² Ээн кургаг ховуга хоргадап, дүн чарар черлиг турган болзумза! Бодумнуң чонумну каапкаш, чоруй баар ийик мен. Чүге дээрге олар шупту самыыраан улус-тур, өскерликчилер ниитилели-дир!

Иеремия 9:2 Iomraidhean Croise

Исайя 59:3

Силерниң холуңар ханга борашкан, салааларыңар бачытка борашкан, аксыңар меге чүве чугаалаар, дылыңар бак чүве чулчуруур-дур.

Иеремия 12:1

Сээң-биле чаргы-чаалы кылыр болзумза, Сен чөптүг-шынныг болур сен, Дээрги-Чаяакчы! Ындыг-даа болза, Сээң-биле чөптүг чорук дугайында чугаалажып көрейн. Бузуттугларның оруу чүге чедимчелиг боорул, кара сагыштыглар чүге амырап чыргаарыл?

Иеремия 12:6

Сээң ха-дуңмаң, төрел бөлүүң улузу безин сени садыпкан-дыр, олар сени истеп-сүрүп турар-дыр. Сеңээ эки сөс чугаалаарга безин, оларга бүзүреве.

Иеремия 13:22

Сеткил-чүрээңге: „Ол бүгү чүге мени таварды?“ – деп айтыртынар сен. Эңдерик бачыттарың дээш сээң эдээңни өрү аңдарып, чазарлаан-дыр.

Иеремия 23:10

Чер кырын самыыраан улус долган, каргаттыргаш, чер ыглап турар – ховуда оът-сиген кадып калган. Ол улустуң сорулгазы – бузут, оларның күжү – чөптүг эвес чорук.

Иеремия 4:22

«Мээң чонум мелегей-дир, Мени билбес-тир! Угаан кирбээн уруглар дег, сарыыл чок-тур; олар чүгле бузут үүлгедир талазы-биле мергежээн, а буян кылып билбес-тир».

Иеремия 5:1

«Иерусалимниң кудумчуларын эргий кылаштаңар. Көрүп чоруңар, сураглап билип алыңар, төп шөлдерден дилеңер: алыс шынче чүткээн, оода чаңгыс чөптүг кижи бар-дыр бе, ындыг кижи тып шыдаар силер бе? Тып алзыңарза, Мен найысылалды өршээр мен!

Иеремия 5:11

Чүге дээрге Израильдиң-даа, Иудеяның-даа чону Меңээ шынчы эвес болган-дыр – деп, Дээрги-Чаяакчы медеглээн. –

Иеремия 5:2

Иерусалимниң чурттакчылары дириг Дээрги-Чаяакчының ады-биле даңгыраглап турар, ынчалза-даа ол даңгырактары меге боор-дур».

Осия 4:2

Каргыш салыры болгаш мегелээр чорук, кижи өлүрер, оорланыр болгаш самыыраар чорук хөлчок нептерээн-дир, хан төгүүшкүнү даады-ла болуп турар-дыр.

Осия 5:7

Олар Дээрги-Чаяакчыга өскерлип, сурас ажы-төл төрүп алган-дыр. Оларны бир ай дургузунда ээлээн чери-биле кады чиптер».

Осия 6:7

А олар, өске улус ышкаш, чагыг-керээни үреп, Меңээ өскерилди.

Осия 7:4

Олар шупту өскерликчилер-дир, оларның күзээшкиннери, хлеб быжырыкчызының суугузу дег, изип-хып тур, а хлеб быжырыкчызы суугузун чүгле далганын хоюткаш, оозу ажый бээр өйге чедир одавас болгай.

Михей 6:12

Сээң байларың каржы-дошкун-дур, чурттакчыларың меге чүве чугаалаар-дыр, оларның аксындан чүгле меге үнер-дир.

Софония 3:4

Хоорайда Бурганның медээчилери бодал чок, кара сагыштыг, а бараалгакчылары Дээрги-Чаяакчының өргээзин бужартадып, ыдыктыг хоойлуну үреп турар.

Малахия 2:11

Иудейлер кара сагыштыг болган-дыр. Израиль чоннуң аразында, Иерусалим хоорайда чүдек-бужар чүве үүлгеттинип турар-дыр. Иудейлер Дээрги-Чаяакчының ынак ыдыктыг черин бужартаткан-дыр: олар өске бурганнарга мөгеер херээженнерге хандыкшып, өгленчип алган-дыр.

Малахия 2:14

«Чүге ындыгыл?» – деп айтырып тур силер. Чүге дээрге Дээрги-Чаяакчы аныяаңда өгленишкен кадайың биле сээң араңарда херечи-дир: ол херээжен кижи сээң кыс эжиң, өгленчир дугайында дугуржулга ёзугаар кадайың-даа болза, сен аңаа шынчы эвес болган-дыр сен.

Иаков 4:4

Самыыраан өскерликчилер! Бо делегей-биле найырал тудары Бурган-биле өжээннежиринге дөмейин билбезиңер ол бе? Бо делегейниң өңнүү болуксаан кижи Бурганның дайзыны апаар.

Баштыңчылар 2:10

Ол үениң бүгү улузу өгбелериниң соондан өске оранче чоруй баарга, оларның орнунга Дээрги-Чаяакчыны болгаш Ооң израиль чонга кылганы ажыл-херектерин билбес өске салгал келген.