Иеремия 9:11 - Ыдыктыг Библия

¹¹ «Мен Иерусалимни бузундулар оваазы, шөө-бөрүлер чурттаар чер кылып каар мен, Иудеяның хоорайларын хоозурадыр мен, оларга чурттакчылар артпас».

Иеремия 9:11 Iomraidhean Croise

Неемия 4:2

бодунуң эвилелчилериниң болгаш Самарияның шерииниң мурнунга: «Чаржынчыг иудейлерниң бо чүнү канчап турары ол? Ханазын катап тудуп аар деп турары ол бе кай? Өргүлдер кылыры ол бе кай? Таанда олар тудуун чаңгыс хүнде доозуптар деп бе? Таанда олар бо оваалап каан довурактан ам отка чиртип каапкан даштар диргизери ол бе?» – деп турган.

Ырлар 79:1

Хөгжүм башкарыкчызынга. «Шошанним-Эдуф» деп аялга үдээр. Асафтыы. Мизмор-ыр.

Исайя 13:22

Бөрүлер ооң шивээлеринге, дилгилер – каас-коя ордуларынга улужар».

Исайя 25:2

Сен хоорайларны даш оваалар кылып кагдың, быжыглалдыг хоорайларны – бузундулар кылып кагдың. Даштыкы улустуң шивээ-хоорайлары ам чок – олар ам кажан кезээде катап туттунмас.

Исайя 34:13

Эдомнуң ордуларынга тенниг чадаң үнүш үнер, ооң шивээлеринге – шагар-оът биле оотпак өзер. Ол шөө-бөрүлер аал-ораны, страус куштар чурттаар чер апаар.

Исайя 44:26

А Бодумнуң чалчамның медээлээн чүвезин бадыткап, Бодумнуң айбычыларымның чугаалаан чүвезин боттандырып турар мен. Иерусалимниң дугайында: „Аңаа улус база катап чурттай бээр“ – деп, Иудеяның хоорайларының дугайында: „Оларны катап тудар! Ол бузундуларны Мен катап тургузар мен!“ – деп турар мен.

Иеремия 1:15

«Мен ам соңгу күрүнелерниң бүгү аймактарын кыйгырар мен – деп, Дээрги-Чаяакчы медеглээн. – Олар чедип келгеш, Иерусалимниң ханаларын, Иудеяның бүгү хоорайларын дескиндир бүзээлээш, аймак бүрүзү бодунуң дүжүлгезин Иерусалимниң иштинге тургузуп аар.

Иеремия 10:22

Медээ чедип келди, соңгу чүкте чурттан улуг дааш-шимээн дыңналды! Иудеяның хоорайлары хоозурап, шөө-бөрүлер чурттаар чер апаар-дыр.

Иеремия 16:10

Кажан сен бо чонга ол бүгү сөстерни дамчыдарыңга, олар сенден: „Чүү дээш Дээрги-Чаяакчы биске ындыг улуг айыыл-халап оштады? Кем-буруувус кандыг чүвел? Дээрги-Чаяакчы Бурганывыстың мурнунга бачыдывыс кандыг чүвел?“ – деп айтырар.

Иеремия 25:11

Бүгү бо чер ээнзиреп хоозураар, бо чоннар чеден чыл дургузунда Вавилоннуң хаанынга кулдандырар.

Иеремия 25:18

Иерусалимге, Иудеяның хоорайларынга, ооң хааннары биле нояннарынга – оларны хоозурадыр дээш, оларны ам хөме тавараан кочулал, куду көрүүшкүн болгаш каргаттырыышкынче чыгаар дээш – ижиртип кагдым;

Иеремия 26:18

«Иудеяның хааны Эзекияның үезинде Морешет чурттуг Михей өттүр билип медеглеп турду. Ол Иудеяның бүгү чонунга: „Аг-шериглиг Дээрги-Чаяакчы: ‘Сионну шөл ышкаш аңдарып каар, Иерусалим бузундулар оваазы апаар, а бо өргээни туткан даг арга-ыяш үнген чер апаар’ – дээн“ – деп чугаалаан болгай.

Иеремия 26:9

Дээрги-Чаяакчының адын тудуп өттүр билип медеглеп тура, Силом-биле болган чүве бо өргээ-биле база болурун, бо хоорайның ээнзирээрин, аңаа чурттаар кижи артпазын чүге чугааладың?» – деп алгыржы бергеннер. Бүгү чон Иеремияны шиидер дээш Дээрги-Чаяакчының өргээзинге чыглып келген.

Иеремия 34:22

Мен ам дужаал бээр мен – деп, Дээрги-Чаяакчы медеглээн, – дайзыннарны бо хоорайже ээлдирер мен, олар ооң-биле чаалашкаш, эжелеп алгаш, өрттедиптер. Иудеяның хоорайларын хоозурадыр мен, олар чурттакчы чок артар».

Иеремия 4:27

Дээрги-Чаяакчы: «Бо бүгү чер хоозурап каар, ынчалза-даа ону бүрүнү-биле узуткавас мен!

Иеремия 44:2

Аг-шериглиг Дээрги-Чаяакчы, Израильдиң Бурганы мынча дээн: «Иерусалимге болгаш Иудеяның бүгү хоорайларынга таварыштырганым айыыл-халапты көрген силер. Ол хоорайлар амгы үеде бузундулар апарган, ында чурттакчылар артпаан.

Иеремия 49:33

Асор шөө-бөрүлер чурттаар чер апарып, кезээ мөңгеде ээнзирээр, аңаа чаңгыс-даа кижи чурттавас, ол черге кижи амытан турумчувас».

Иеремия 50:3

Соңгу чүктен бир чон келгеш, Вавилонга удур халдааш, ооң черин хоозурадыр. Аңаа кым-даа чурттап артпас: кижи-даа, дириг амытан-даа оон көжүп үнгеш, улчуп чоруй баар.

Иеремия 51:37

Вавилон бузундулар оваазы, шөө-бөрүлер чурттаар чер апаар, хоозурал биле кочулалга чыгадыр, аңаа чурттаар кижи тывылбас.

Иеремия 8:22

Таанда-ла Галаадта эм чок чүве бе? Таанда-ла ында эмчи кижи чок чүве бе? Ынчаарга мээң күжүр чонум чүге экирбейн турарыл?

Ыы-сыы 1:4

Байырлап кээр улус читкен, Сионче баар оруктар ам муңгаргай-дыр, эжик-хаалга ээнзирээн. Бурганның бараалгакчылары човууртап тур, ыраажы кыстар шупту муңгак, хоорайның үүлези ажыг-берге! ה (хе)

Ыы-сыы 2:2

Израильдиң хоорай-суур, турлагларын Дээрги-Чаяакчы кээргел чокка сыырыпты; Иудея шивээлерин килеңнээштиң, узуткады; күрүнени болгаш нояннарны ойтур октап, бужартатты. ג (гимел)

Ыы-сыы 3:47

Какпага кирер, коргуп-сүртээр, хоозураар, өлүп-чидер – үүлевис ол».

Левит 26:32

Чер-чуртуңарны хоозурадып каарымга, аңаа чурттай берген дайзыннарыңар безин кайгап-харай бээр.

Михей 1:6

«Ынчангаш Мен Самарияны хову-шөлде бузундулар оваазы кылып каар мен, чүгле үнүш олуртурунга тааржыр чер кылып каар мен. Хоорай ханазының даштарын шынааже дүжүр октап, ооң таваан чанагаштап каар мен.

Михей 3:12

Ынчангаш силерниң хайыңар-биле Сионну шөл ышкаш аңдарып кааптар, Иерусалим бузундулар оваазы апаар, Бурганның өргээзин туткан даг арга-ыяш үнген чер апаар.

Михей 6:16

Омри хаанның чаңчылдарын, Ахав хаанның өг-бүлезиниң бүгү бузуттуг херектерин хевээр арттырып алган сен, оларның сүмелерин ёзугаар кылып турган сен. Ынчангаш Мен хоорайны хоозуралга, ооң чурттакчыларын – бак атка киреринге таварыштырар мен; силер өске чоннарның дорамчылалынга таваржыр силер».

Ы. х. к. 29:23

„Күгүр, дуска бүрүнү-биле чирткен, өрттенип калган чер-дир, тараа тарывастаан, дүжүт бербестээн, кандыг-даа оът-сиген өзүп үнмес апарган чер-дир; Дээрги-Чаяакчы килеңнеп хорадааш, таптай базып каапкан Содом, Гоморра, Адма болгаш Цевоим хоорайларның узуткаттырган үезинде дег хоозураан чер-дир“ – дээр.

Ажыдыышкын 18:2

Дээрниң төлээзи ыыткыр алгырды: «Ол буурады! Өндүр улуг Вавилон хоорай буурап дүштү! Ол ам буктарның, четкерлерниң чурттаар чери, чүүл-бүрү арыг эвес куштарның база араатан аңнарның хоргадалы апарган. Чүге дээрге бүгү чоннар ооң самыыралының калчаалыг арагазын пактааннар.