Иеремия 9:10 - Ыдыктыг Библия

¹⁰ Дагларның ажыын ажып ыглап-сыктаар мен, ховуларда одарлар дээш ишкирнигип ыглаар мен. Чүге дээрге олар өрттенип калган-дыр, аңаа чорумалдар таварышпастаан-дыр, сүрүг хойлар эдери дыңналбастаан-дыр. Дээрниң куштары ужуп чоруй барган, хамык аң-мең тарадыр халчы берген.

Иеремия 9:10 Iomraidhean Croise

Исайя 41:15

Мен сени чаа, чидиг диштерлиг тараа бастырар херексел кылып каар мен, сен дагларны бастырып, чуура дүрбүүр сен, тейлерни тараа тогланчызы дег кылып каар сен.

Исайя 49:19

Сээң чериң ээнзиреп, кижи чок арткан, сээң чуртуң хоозурап калган турган, ынчалза-даа ам ол чер-чурт бодунуң чурттакчыларынга дакпыш апаар, а сени сыырып турганнар чоруй баар.

Иеремия 12:10

Мөөң кадарчылар Мээң виноградым шөлүн үрегдеди, Мээң ээлээн черимни таптай басты. Мээң эргим черимни хоозурадып, ээнзиретти.

Иеремия 12:11

Ээлээн черимни ээн кургаг хову кылдыр хуулдурупту, ол ам Мээң мурнумда ээнзиреп калган ыглап тур, чер-чурт ээнзирээн-дир, ол дээш сагышсыраар кижи чок-тур.

Иеремия 12:4

Чежеге чедир кырында чурттаан кижилерниң кем-буруузу дээш чер качыгдаарыл, хову-шөлде оът-сиген оңуп кадарыл? Аң-мең-даа, куштар-даа чиде берген, чүге дээрге ол кижилер: «Дээрги-Чаяакчы бистиң оруувусту көрбес-тир» – деп турар-дыр.

Иеремия 14:6

Черлик элчигеннер тас тейлерде туруп алган, шөө-бөрүлер дег, чыт хап турар, оларның карактары соолбурарып калган, чүге дээрге оът-сиген үнмээн-дир».

Иеремия 2:15

чүге арзылаңнар олче сүртенчиг ырланып, ооң черин хоозурадып кагды? Ооң хоорайлары өрттеттирген, чурттакчы чок арткан-дыр.

Иеремия 2:6

Олар: „Дээрги-Чаяакчы бисти Египеттен үндүре берген, Ол бисти ээн кургаг ховуга, кооргалдарлыг, суг чок черге, дүмбей караңгы, кым-даа чорбайн турар, кижи ээлеп чурттавайн турар черге эдертип чораан болгай. Олче чүткүүлү“ – диведилер.

Иеремия 23:10

Чер кырын самыыраан улус долган, каргаттыргаш, чер ыглап турар – ховуда оът-сиген кадып калган. Ол улустуң сорулгазы – бузут, оларның күжү – чөптүг эвес чорук.

Иеремия 50:3

Соңгу чүктен бир чон келгеш, Вавилонга удур халдааш, ооң черин хоозурадыр. Аңаа кым-даа чурттап артпас: кижи-даа, дириг амытан-даа оон көжүп үнгеш, улчуп чоруй баар.

Иеремия 7:29

Сион-кыс, чажың үзе кескеш, ыңай октавыт, тейлерге ыыткыр кажыыдап ыгла, чүге дээрге Дээрги-Чаяакчы бо салгалга килеңнээш, ону хүлээп көрбейн, каапкаш барган-дыр.

Иеремия 8:18

Ажыг-шүжүүм аргалаттынмас, чүлдү-чүрээм саргып аарып турар.

Ыы-сыы 1:16

Үргүлчү ыглаар ужурум ол; ийи караам суун иштим. Сорук-күжүм омакшыдар аргалакчы ырай берди. Дайзыннарның күжү дендеп, ажы-төлүм качыгдады». פ (пе)

Ыы-сыы 2:11

Карактарым чажы соглуп, согурардым, ийлей бердим. Кара баарым ажып, аараан. Мээң күжүр чонум буурап калган. Хоорайның шөлдеринде эмер чаштар, уруг-дарыг аштап өлүп чыдарын көр: ל (ламед)

Ыы-сыы 5:18

Ээнзирээн Сион даанда дилгилер ам димзенип тур.

Иезекиил 14:15

Азы Мен бо чуртче, ону хоозурадыр дээш, черлик аң-араатаннар ыдыптарымга, ол чурттакчы чок арткан дижик. Аң-араатанныг боорга, кым-даа ону таварып эртип шыдавас ийик.

Иезекиил 27:2

«Кижи амытан, Тир хоорай дээш кажыыдал ырын ырла.

Иезекиил 29:11

Кижи-даа, мал-маган-даа буду ону базып эртпес, дөртен чыл дургузунда аңаа кым-даа чурттавас.

Иезекиил 33:28

Мен бо черни хоозураан кургаг хову кылып каар мен, ооң турамык күчү-күжү чиде бээр, Израильдиң даглары шуут ээнзиреп каар, оларны таварып кым-даа эртпестей бээр.

Иезекиил 6:6

Силер кайда-даа чурттап турар болзуңарза, хоорайларыңарны хоозурадып, мөгейиишкин кылыр бедик черлериңерни үрегдеп кааптар; олар-биле кады өргүл салыр бедигээштериңер хоозураттырып, үрегдеттирер, дүрзү-бурганнарыңар чуура шаптыртып, узуткаттырар, ыдыктыг адагаштарыңар одура кестиртир, силерниң кылып турган бүгү чүүлүңер чиде бээр.

Осия 4:3

Ол бүгү дээш, бо чер ыглап-сыктаар, ооң чурттакчылары черлик аң-мең болгаш дээрниң куштары-биле кады кырлып каар, далайның балыктары безин өлүп каар.

Иоил 1:13

Бурганның бараалгакчылары, качыгдал хевин кедип алыңар, ыглап-сыктаңар. Өргүл бедигээжиниң мурнунда бараан болуп турар улус, ишкирнигип ыглаңар. Мээң Бурганымның бараан болукчулары, чедип келгеш, качыгдал хевин кеткеш, өргээге дүннү эрттириңер, чүге дээрге Бурганыңарның өргээзинде далган-тараа болгаш арага өргүлдери ам чок-тур.

Иоил 1:19

Дээрги-Чаяакчы, мен дуза дилеп, Сени кыйгырып тур мен, чүге дээрге ховуда одар-белчиирни от чипти, шөлде бүгү ыяштарны чалбыыш өрттедипти.

Амос 5:1

Израиль чон, силер дээш ыы-сыым төп кажыыдаан сөзүмнү дыңнаңар.

Амос 5:16

Ынчангаш Дээрги-Чаяакчы, Аг-шериглиг Бурган мынча дээн: «Улус бүгү кудумчуларга ыглап-сыктаар, хамык шөлчүгештерге „халак-халак!“ дижир. Олар кажыыдап ыглаар кылдыр – тараачын кижини, ыглап-сыктаар кылдыр – ажыг-шүжүг ырлары күүседип билир кижилерни кыйгырып алыр.

Михей 2:4

Ол хүн улус силерниң дугайыңарда качыгдал ырлары чогаадыр, ажыыңар ажып ыглажыр: „Бис шуут-ла хоозурап калдывыс! Чонувустуң хувааглыг черин Ол өскээр хемчээп, былаап алды. Бистиң шөлдеривисти Бурганга шынчы эвес улуска үлеп берип тур“».

Михей 3:12

Ынчангаш силерниң хайыңар-биле Сионну шөл ышкаш аңдарып кааптар, Иерусалим бузундулар оваазы апаар, Бурганның өргээзин туткан даг арга-ыяш үнген чер апаар.