Иеремия 8:9 - Ыдыктыг Библия

⁹ Мерген угаанныглар бак атка кирер, олар коргуушкунга алзып, какпа-дузакка туттурар. Дээрги-Чаяакчының сөзүн хүлээп көрбээн улус-тур, оларның мерген угааны кайыл ынчаш?

Иеремия 8:9 Iomraidhean Croise

4 Хааннар 17:15

Олар Дээрги-Чаяакчының дүрүмнерин, Ооң оларның ада-өгбези-биле чарган чагыг-керээзин, Ооң оларга ажыдып турган сагындырыгларын тоовайн барганнар. Олар хоозун дүрзү-бурганнарны эдерип, боттары база хоозун куруг апарганнар. Дээрги-Чаяакчы израильчилерге оларны долгандыр чурттап турар чоннарның кылып турар чүүлдерин кылырын хоруп каан-даа болза, олар ол чоннарны өттүнүп чурттап турганнар.

Иов 5:12

кажарларның бодалдарын үрей шаап, оларның холунче чедимче кирбес кылып турар;

Иов 5:13

мерген угаанныг дирткеннерни оларның-на кажары-биле тудуп, оптугларның сүмелерин будулдуруп турар:

Ырлар 19:7

Мен ам билир мен – Дээрги-Чаяакчы Бодунуң шилип алган хаанын камгалап турар, Ооң күштүг холу ыдыктыг дээрлеринден аңаа харыылап, тиилелгени хайырлап турар.

Исайя 19:11

Цоан хоорайның нояннары шуут угаан чок-тур! Фараоннуң мерген угаанныг чөвүлекчилери мелегей сүме кадып тур. Канчап силер фараонга: «Мерген угаанныгларның үре-салгалы бис, эрте-бурунгу хааннардан укталган бис!» – дээр силер?

Исайя 29:14

Ынчангаш Мен туруп көрбээн, кайгамчык херектерни бо чон-биле ам-даа кылыр мен. Ооң мерген угаанныгларының мерген угааны чок апаар, сарыылдыгларының сарыылы чиде бээр».

Исайя 43:27

Сээң баштайгы өгбең бачыт үүлгеткен, сээң эптештирикчилериң Менче тура халаан.

Исайя 8:20

Бурганның хоойлузу база ажыдыышкыны чүү деп турарын көрүңер! Бир эвес улус бо сөс ёзугаар чугаалавас болза, оларда хаяа чырыы чок-тур.

Иеремия 15:6

Сен Мени каапкаш бардың – деп, Дээрги-Чаяакчы медеглээн, – дедир чоруй бардың. Сеңээ удур Бодумнуң холумну көдүрдүм, узуткап кагдым – сени кээргээр күжүм-даа төндү.

Иеремия 19:7

Шак ол черге Иудея биле Иерусалимниң бодап алган чүүлүн буурадыр мен, оларны дайзынның хылыжынга шаштыртып каар мен – оларның амы-тынын үзүксээн улустуң холундан кырлып каарлар. Оларның мөчү-сөөктерин Мен дээрниң куштарынга, черниң аң-араатанынга чемиш кылдыр бээр мен.

Иеремия 2:8

Бурганның бараалгакчылары: „Дээрги-Чаяакчыже чүткүүлү!“ – деп кыйгырбады, ыдыктыг хоойлу башкылары Мени билбес-тир, силерниң чагырыкчыларыңар Менден ойталаан-дыр, медээчилер Ваал бурганның өмүнээзинден медеглеп, ажык-дуза чок дүрзү-бурганнарга мөгейип турар-дыр!

Иеремия 49:7

Эдом чон дугайында Аг-шериглиг Дээрги-Чаяакчы мынча дээн: «Таанда-ла Теманда мерген угаан артпаан бе, сарыылдыг улус арга-сүме берип шыдавастаан бе, оларның мерген угааны бойлап калган бе?

Иеремия 6:15

Олар чүдек-бужар чүүлдер кылып турар, ыядыр ужурлуг улус-тур, ынчалза-даа ыядыр арын, эгенир сагыш оларда чок-тур. Ынчангаш олар аштырганнар аразынга кырлып каар, Мээң кеземче көргүзүп кээр хүнүмде кээп дүжер». Дээрги-Чаяакчының чугаалаан чүвези ол-дур.

Иеремия 6:19

Чер-делегей, дыңна! Мен бо чонче айыыл-халапты – ооң бодунуң-на бодалдарының үре-түңнелин ыдып тур мен, чүге дээрге Мээң чугаа-сөзүмнү тооп дыңнаваан, Мээң хоойлумну хүлээп көрбээн чон-дур.

Иезекиил 7:26

Халап соондан халап, багай медээ соондан багай медээ кээр; улус Бурганның медээчизинден ажыдыышкыннарны хей-ле дилээр, Бурганның бараалгакчылары хоойлу-дүрүмнү суртаалдавайн баар, улуг назылыглар арга-сүме берип шыдавас.

Амос 2:4

Дээрги-Чаяакчы мынча дээн: «Хөй санныг кемниг үүлгедиглери дээш, Иудеяның чурттакчыларын өршээвес мен, чүге дээрге олар Дээрги-Чаяакчының хоойлузундан ойталап, Ооң дүрүмнеринге шынчы бооп артпаан-дыр; ада-өгбезиниң эдерип турганы меге бурганнар ол чонну оруундан өскээр дуурайлап каапкан-дыр.

Захария 13:4

Ол хүн ындыг бүдүү билирлер боттарының медеглээн көстүүшкүннеринден ыядып човай бээр; олар улус мегелээри-биле Бурганның медээчизиниң селбегер бөдүүн хевин кетпес.

Ы. х. к. 4:6

Оларны кадагалап, күүседир болзуңарза, өске чоннар мурнунга угаан-сарыылдыг улус бооп көстүр силер, ол чоннар демги бүгү дүрүмнер дугайында дыңнап кааш: „Шынап-ла, бо өндүр улуг чон угаан-сарыылдыг-дыр!“ – дээр.

2 Тимофейге 3:15

Ыдыктыг Бижилгелерни база чажыңдан-на билир сен. А Бижилгелер Христос Иисуска бүзүрээрин дамчыштыр кээр камгалалче аппаар мерген угаанны сеңээ берип шыдаар.