Иеремия 8:6 - Ыдыктыг Библия

⁶ Мен кичээнгейлиг, топтап дыңнап турдум, ынчалза-даа шынын чугаалавайн бардылар. Кым-даа бузут дээш буруузун билинмеди, „Чүнү үүлгедип алганым ол?“ диведи. Кижи бүрүзү бодунуң оруу-биле, чаа-дайын шөлүнче кушталган аът ышкаш, маңнаар-дыр.

Иеремия 8:6 Iomraidhean Croise

Иов 10:2

Бурганга чугаалаайн: мени буруулуг дивейн көр. Мээң-биле чүге чаргылдажып турарыңны тайылбырлам.

Иов 34:31

Бурганга мынча дээри эки эвес бе: „Мен кеземче алдым – моон соңгаар бачыт үүлгетпес мен;

Иов 34:32

көрбейн турар чүвемни меңээ көргүзүп көрем, бак чүве кылган болзумза, моон соңгаар кылбас мен“.

Ырлар 14:2

Чүгле арыг шынчы оруктар-биле чоруур, чөптүг чүүлдер кылыр кижи;

Исайя 30:18

А Дээрги-Чаяакчы элээн манааш, силерге өршээл көргүзер, Ол туруп келгеш, силерже ээ көрнүр. Чүге дээрге Дээрги-Чаяакчы – чөптүг Бурган-дыр. Аңаа идегээр бүгү улус амыр-чыргалдыг!

Исайя 57:17

Мен оларже бачыттыг ажык-кончаа сүргени дээш килеңнээн мен, оларны кезедип, хорадаанымдан хая көрнүп турдум, а олар боттарының оруунче катап база эглип турду.

Исайя 59:16

Ол көөрге, ындыг байдалды өскертир дээн кым-даа чок боорга, кайгап-харай берген. Ындыг болганда, Ооң Бодунуң күчү-күжү Аңаа тиилелгени шаңнаар, Ооң чөптүг чоруу Аңаа деткимче болур.

Иеремия 23:25

«Мээң адым тудуп, мегелеп өттүр билип медеглеп турар медээчилер чүү деп турарын дыңнаан мен. Олар: „Мен дүш көрдүм, дүш көрдүм!“ – дээр-дир.

Иеремия 3:5

Таанда-ла кезээ мөңгеде килеңнээр сен бе, кезээде хорадаар сен бе?“ – деп турар-дыр сен. Ынча дээр хиреңде-ле, бар шааң-биле бузут үүлгедир-дир сен».

Иеремия 5:1

«Иерусалимниң кудумчуларын эргий кылаштаңар. Көрүп чоруңар, сураглап билип алыңар, төп шөлдерден дилеңер: алыс шынче чүткээн, оода чаңгыс чөптүг кижи бар-дыр бе, ындыг кижи тып шыдаар силер бе? Тып алзыңарза, Мен найысылалды өршээр мен!

Иезекиил 18:28

Ол кижи бодунуң үүлгедип турганы бүгү кемниг херектерин көрүп кааш, олардан ойталап, бузут үүлгедирин соксадыр болза, амы-тынныг артар, өлүп калбас.

Иезекиил 22:30

Мен, чуртту чок кылып каарын күзевейн, чоннуң аразындан хананы дуй туруптар, Мээң мурнумга чуртка болчуп, ойбак черлерге барып туруп аар кижи дилеп турдум, ынчалза-даа тыппадым.

Даниил 9:11

Бүгү израиль чон Сээң хоойлуңну үрээн – Сени дыңнаарын күзевейн, Сенден хая көрнү берген. Ынчангаш биске Бодуңнуң чалчаң Моисейниң хоойлузунда бижээни каргыш болгаш шииткел онаашкан, чүге дээрге бис Бурганның мурнунга бачыт кылган-дыр бис.

Михей 7:2

Чер кырында Бурганга бердинген кижилер артпаан, улус аразында чөптүг кижилер чок. Бүгү улус хан төгер дээш кедег кылып турар, кижи бүрүзү ха-дуңмазынга какпа-дузак салып турар.

Софония 3:7

Мен чонумга: „Менден коргуп, чагыг-сургаалым хүлээп алыңар, ынчан чурттап турар чериңерни узуткавас, Мээң бодап алган кеземчем силерни таварбас“ – дээн мен. А олар бузут үүлгедирин улам чүткүлдүг оралдажып турду.

Аггей 1:5

Ынчангаш ам Аг-шериглиг Дээрги-Чаяакчы: «Оруктарыңарже угаан-чүрээңер угландырып, боданыңар.

Аггей 1:7

Аг-шериглиг Дээрги-Чаяакчы: «Оруктарыңарже угаан-чүрээңер угландырып, боданыңар.

Малахия 3:16

А Бургандан коргар улус ол үеде аразында чугаалажырга, Дээрги-Чаяакчы оларже кичээнгей салып, дыңнап турган. Ынчаарга Дээрги-Чаяакчыдан коргар, Ооң алдар-адының дугайында бодаар улустуң аттарын киирген тураскаалдыг ном Ооң мурнунга бижиттинип турган.

2 Пётр 3:9

Дээрги-Чаяакчы, чамдык улустуң саадаашкынны билип турары дег, Бодунуң аазаашкынын күүседирин соңгаарлатпайн турар. Ол силерге шыдамыын көргүзүп, кымның-даа өлүп чидерин күзевейн, харын бүгү улустуң бачыдын миннип, Бурганче эглирин манап турар-дыр.

Ажыдыышкын 9:20

Кижи төрелгетенниң ол халаптарга кырдырбайн арткан кезээ бодунуң үүлгеткен херээ дээш, бачыдын билинмээн. Олар буктарга-даа, көрүп, дыңнап, кылаштап шыдавас алдын, мөңгүн, хүлер, даш болгаш ыяш дүрзү-бурганнарга-даа мөгеерин соксатпааннар.