Иеремия 8:2 - Ыдыктыг Библия

² Ол сөөктерни хүн биле айның адаанга, ол улустуң ынак чорааны, бараан болуп чорааны сылдыстарның бүгү аг-шерииниң мурнунга тарадыр октаптар. Олар ук чырымалдарга мөгейип, олардан айтыртынып, оларның мурнунга доңгая кээп дүжүп турган болгай! Ол сөөктерни кым-даа чыгбас, орнукшутпас – черге өдек ышкаш артып каар.

Иеремия 8:2 Iomraidhean Croise

4 Хааннар 17:16

Олар боттарының Бурганы Дээрги-Чаяакчының бүгү айтыышкыннарындан ойталап, боттарынга бугажык хевирлиг ийи дүрзү-бурган шуткуп алганнар болгаш Ашера бурганга адагаштар тураскаатканнар. Олар сылдыстарның бүгү аг-шериинге мөгейип, Ваал бурганга бараан болуп турганнар.

4 Хааннар 21:3

Ол бодунуң ачазы Эзекияның үреп бузуп каапканы бедик черлерни катап тудуп, Израильдиң хааны Ахавты өттүнүп, Ваал бурганга өргүл салыр бедигээштер, Ашера бурганга тураскааткан адагаш тургузуп каан. Манассия сылдыстарның бүгү аг-шериинге мөгейип, аңаа бараан болуп турган.

4 Хааннар 21:5

Манассия Дээрги-Чаяакчының өргээзиниң даштыкы, иштики шөлүнге сылдыстарның бүгү аг-шериинге өргүл салыр бедигээштер тудуп каан.

4 Хааннар 23:5

Иосия Иудеяның хааннарының мөгейиишкин кылыр бедик черлерге, чурттуң хоорайларынга база Иерусалимни долгандыр айдызаар өргүлдер кывыссын дээш томуйлап кааны бараалгакчыларны дүжүрүп каапкан. Ол бараалгакчылар Ваалга, ай-хүнге, сылдыстарга – дээрниң бүгү аг-шериинге айдызаашкын кылып турган чүве-дир.

Ырлар 53:5

Хары улус менче халдап келди; түрлүг улус амы-тынымны үзер деп тур – Бурганны тооп көрбес улус ол-дур. Сэла

Ырлар 83:10

О Бурган, дозуг-камгалалывыс, бээр көрнүп келем, Бодуңнуң шилип алган хааныңны деткип көрем!

Ырлар 83:11

Сээң өргээңниң мурнунга эрттирген чаңгыс-ла хүн безин өске муң-даа хүнден дээре-дир. Бурганымның бажыңының эргининиң чанынга турары – бузуттуг улустуң өргээлеринге чурттаарындан дээре.

Экклесиаст 6:3

Кандыг-бир кижи чүс ажы-төлдү төрүп, хөй чыл чурттаан база ооң назыны улам узаан дижик. Ынчалза-даа ол кижиниң сеткили бай-байлаанга өөрүп чыргаваан, а боду безин таптыг ажааттырып хөөржүттүрбээн болза, аңаа көөрде, ара дүжүп, төрүттүнмейн барган төл аас-кежиктиг дээр ийик мен.

Иеремия 14:16

Ол медээчилерни дыңнап турган улус аш-чут биле дайын-чаадан өлүп каарга, оларны Иерусалимниң кудумчуларынче үндүр октаптар, ол улусту, оларның кадайларын, оглу-кызын ажаар кижи тывылбас. Мен оларже боттарының чедип алганы айыыл-халапты төптер мен.

Иеремия 16:11

Ынчан оларга: „Силерниң ада-өгбеңерниң Менден ойталааны дээш!“ – дээр сен – деп, Дээрги-Чаяакчы медеглээн. – Олар өске бурганнарга мөгейип, оларга бараан болуп, оларның мурнунга доңгая кээп дүжүп турган, а Менден ойталап, Мээң хоойлумну сагывайн барганнар.

Иеремия 16:4

«Олар хилинчектиг өлүм-биле өлүр, улус олар дээш кажыыдавас, оларны орнукшутпас – черге өдек дег чыдып каарлар. Олар дайын-чаа биле аш-чутка узуткаттырып аар, оларның мөчү-сөөктери дээрниң куштарынга, черниң аң-араатанынга чемиш болур» – деп чугаалаан.

Иеремия 16:6

Бо черге ат-сураглыг-даа, карачал-даа улус өлүп каар, оларны орнукшутпас, олар дээш кажыыдавас, кым-даа олар дээш качыгдал демдээ кылдыр мага-бодун балыглавас, бажын чүлүвес.

Иеремия 19:13

Иерусалимниң бажыңнары, Иудеяның хааннарының бажыңнары – улус оларның кырынга сылдыстарның аг-шериинге айдызаашкын кылып, өске бурганнарга арага чажып турган бүгү бажыңнар Тофет ышкаш арыг эвес апаар“».

Иеремия 22:19

Ону элчиген ажааган ышкаш кылдыр ажаап каар, сөөртүп аппаргаш, Иерусалимниң даштынче үндүр октаптар.

Иеремия 25:33

Ол хүн Дээрги-Чаяакчыга өлүрткен улус чер-делегейниң бир кыдыындан өске кыдыынга чедир чыткылаар. Улус оларның ажыын ажып ыглашпас, мөчү-сөөгүн чыып, ажаавас, олар чер кырынга өдек дег чыдып каар.

Иеремия 31:40

Ам мөчү-сөөк биле хүл шыпкан бүгү шынаага база Кедрон суунга чедир, чөөн чүкте Аът хаалгазынга чедир бүгү шөлдер Дээрги-Чаяакчының ыдыктыг чери апаар, ол хоорайны кажан-даа үреп буспас, узуткавас».

Иеремия 36:30

Ынчангаш Дээрги-Чаяакчы Иудеяның хааны Иоаким дугайында: „Ооң үре-салгалы Давид хаанның дүжүлгезинге саадавас. Ооң мөчү-сөөгүн хүннүң изии биле дүннүң соогунче үндүр октап, бужартадыр.

Иеремия 9:20

Дээрги-Чаяакчының сөзүн дыңнаңар, херээжен чон! Силерниң кулааңар Ооң сөзүн тооп дыңназын. Уругларыңарны ыглап-сыктап билир кылдыр өөредиңер, бирээңер өскеңерни кажыыдап ыглаарынга өөредиңер.

Иеремия 9:21

Соңга өттүр шивээлеривисче өлүм шургуп кирип тур, ажы-төлдү кудумчуларга, аныяк оолдарны – шөлдерге кыргып-хыдып тур.

Иеремия 9:22

«Оларга мону чугаала. Дээрги-Чаяакчы: „Кижилер мөчү-сөөктери шөлде өдек дег, тараа кезикчизиниң соонда арткан моожалар дег чыдып каар, оларны ажаап чыыр кижи чок“ – деп чугаалаан».

Иезекиил 29:5

Мен сени база сээң хемнериңден туткан бүгү балыкты ээн кургаг ховуже октаптар мен. Сен ажык шөлге кээп дүжер сен – кым-даа сени ап келбес, ажаап кагбас. Мен сени черниң аң-араатанынга, дээрниң куштарынга чемиш кылдыр бериптер мен.

Иезекиил 39:5

Сен ажык шөлге кээп дүжер сен, чүге дээрге Мен ону чугааладым – деп, Дээрги-Бурган-Чаяакчы медеглээн. –

Иезекиил 6:5

Израильчилерниң мөчү-сөөгүн оларның дүрзү-бурганнарының мурнунга салып каар мен. Силерниң сөөктериңерни өргүл салыр бедигээштериңерни долгандыр тарадыр октаптар мен.

Иезекиил 8:16

Оон Ол мени Дээрги-Чаяакчының өргээзиниң иштики шөлүнче киире берди. Көөрүмге, Бурганның өргээзинче кирер эжик чанында, серилиг чер биле өргүл салыр бедигээш аразында, чээрби беш шаа кижи бар болду. Олар ооргазын Дээрги-Чаяакчының өргээзинче көрүндүр, арыннарын чөөн чүкче көрүндүр туруп алгаш, чөөн чүкте үнген хүнге тейлеп турду.

Софония 1:17

Мен кижи амытанны аажок кызагдаптарымга, олар согурлар дег улчуп чоруптар, чүге дээрге Дээрги-Чаяакчыга удур бачыт үүлгеткен-дир. Оларның ханы черже агар, мөчү-сөөктери өдек дег тарай октаттынар.

Софония 1:5

Бажыңнар кырындан сылдыстарның аг-шериинге мөгеер улусту, Мээң адым-биле деңге Милхом бурганның ады-биле даңгыраглап, мөгейиг кылыр улусту чок кылып каар мен.

Ажыл-чорудулга 7:42

А Бурган өгбелеривистен хая көрнү бергеш, оларның сылдыстарның аг-шериин бурганчыдып, мөгеер чоруун соксатпайн, каапкаш барган. Медээчилерниң номунда ону мынчаар бижээни дег боттанган: „Израиль чон! Ээн кургаг ховуга дөртен чыл дургузунда Меңээ янзы-бүрү өргүлдер кылган ийик сен бе?

Ы. х. к. 4:19

Дээрже көргеш, ооң шупту аг-шериин: хүннү, айны, сылдыстарны көрүп кааш, элзеттирип, оларга мөгейип, бараан болуп эгеледиңер халак, Дээрги-Чаяакчы Бурганыңар ол бүгүнү дээр адаанда шупту өске чоннарга, оларның үлүү кылдыр, хуваап берген болгай,