Иеремия 8:1 - Ыдыктыг Библия

¹ Ол үе кээрге, Иудеяның хааннарының, нояннарының сөөктерин, Бурганның бараалгакчылары биле медээчилериниң сөөктерин, Иерусалимниң чурттакчыларының сөөктерин бужартадып, чевеглерден үндүр октаптар – деп, Дээрги-Чаяакчы медеглээн. –

Иеремия 8:1 Iomraidhean Croise

3 Хааннар 13:2

Ол кижи Дээрги-Чаяакчының сөзүн ёзугаар өргүл салыр бедигээшче алгырып эгелээн: «Өргүл бедигээжи! Өргүл бедигээжи! Дээрги-Чаяакчының чугаалаан чүвези бо-дур: Давидтиң салгалындан оол төрүттүнер. (Ооң ады Иосия.) Ол бедик черлерде база сенде чаагай чыттыг чүүлдер кыпсып турар бараалгакчыларны өргүл кылдыр сээң кырыңга эккеп салыр. Кижи сөөктерин сээң кырыңга өрттедир!»

4 Хааннар 23:16

Иосия оон долгандыр көрдүнгеш, дагның ийинде чевеглерни көрүп кааш, улус айбылап, ында чыдар сөөктерни уштуп эккеп, өргүл бедигээжинге өрттедиптерин дужааган. Ол бүгү ону баш бурунгаар чугаалаан Бурганның кижизиниң дамчытканы Дээрги-Чаяакчының сөзүн ёзугаар болган.

4 Хааннар 23:20

Иосия ол бедик черлерге турган бүгү бараалгакчыларны өргүл бедигээштеринге өлүрүп каапкаш, сөөктерин бедигээштерге өрттедипкен. Ооң соонда ол Иерусалимче ээп келген.

4 Хааннар 9:37

Ооң мөчү-сөөгү Изреел мурнунга шөлде төккен өдек дег болур, кым-даа: ‘Иезавел ол-дур’ – деп шыдавас“ – деп чугаалаан сөзү боттанганы ол-дур» – дээн.

Ырлар 53:5

Хары улус менче халдап келди; түрлүг улус амы-тынымны үзер деп тур – Бурганны тооп көрбес улус ол-дур. Сэла

Иеремия 14:16

Ол медээчилерни дыңнап турган улус аш-чут биле дайын-чаадан өлүп каарга, оларны Иерусалимниң кудумчуларынче үндүр октаптар, ол улусту, оларның кадайларын, оглу-кызын ажаар кижи тывылбас. Мен оларже боттарының чедип алганы айыыл-халапты төптер мен.

Иезекиил 37:1

Дээрги-Чаяакчының холу мени катап база башкарып эгелээн. Ол мени Бодунуң Сүлдезин дамчыштыр хоорайдан үндүргеш, оргулааш ортузунга тургузуп каан – ол оргулаашты сөөктер долган болду.

Иезекиил 6:4

Өргүл салыр бедигээштериңер биле ыдыктыг адагаштарыңар хоозураашкынга таваржып, үрегдеттирер, өлүрткен улузуңарны Мен дүрзү-бурганнарыңар мурнунче октаптар мен.

Иезекиил 6:5

Израильчилерниң мөчү-сөөгүн оларның дүрзү-бурганнарының мурнунга салып каар мен. Силерниң сөөктериңерни өргүл салыр бедигээштериңерни долгандыр тарадыр октаптар мен.

Амос 2:1

Дээрги-Чаяакчы мынча дээн: «Хөй санныг кемниг үүлгедиглери дээш, Моавтың чурттакчыларын өршээвес мен, чүге дээрге олар Эдомнуң хаанының сөөгүн хүл кылдыр өрттедипкен-дир.