Иеремия 7:9 - Ыдыктыг Библия

⁹ Оорланыр, кижи өлүрер, самыыраар, мегелеп даңгыраглаар, Ваал бурганга айдызаашкын кылыр, билбес чорааныңар өске бурганнарга мөгеер-дир силер,

Иеремия 7:9 Iomraidhean Croise

3 Хааннар 18:21

Илия чон мурнунче үнүп келгеш: «Чежеге чедир ийи чүдүлге аразынга чайгылып кээр силер? Бир эвес ёзулуг Бурган – Дээрги-Чаяакчы болза, Ону эдериңер, а бир эвес Ваал болза, Ваалды эдериңер» – дээн. Чон харыы кылдыр чүнү-даа ыыттаваан.

Хосталыышкын 20:3

Сеңээ Менден өске кандыг-даа бурганнар турбазын.

Исайя 1:13

Моон соңгаар хоозун өргүл белектери эккелбеңер. Айдызаар чүүлдериңер меңээ бужар-багай-дыр. Ай чаазының байырлалдары, амыр-дыш хүннери болгаш байырлыг чыыштарыңар... Ол бүгү байырлалдарны кылбышаан, бузут үүлгедип турарыңар-биле эптежир аргам чогул.

Исайя 58:2

Олар Менче хүннүң-не чүткүп, Мээң оруктарымны билип алыксап тур – чөптүү-биле чурттап, бодунуң Бурганының дүрүм-хоойлузун кагбайн чоруур чон дег, олар Менден чөптүг шиитпирлер дилеп ап, Бурганче чоокшулаарын күзеп тур.

Иеремия 1:16

Мен Иудеяның үүлгеткен бүгү кем-буруузу дээш, ооң Менден ойталап, өске бурганнарга айдызаар өргүлдер кыпсып, холу-биле кылып алган дүрзүлеринге мөгейип турганы дээш, аңаа удур шииткелим үндүрер мен.

Иеремия 11:13

Иудея, сээң кандыг-даа хоорайың боду бурганныг болгай. Иерусалимниң кудумчу бүрүзүнде чүдек-бужар Ваал бурганга айдызаар өргүл бедигээжи тургузуп алган силер.

Иеремия 11:17

Израиль биле Иудеяның улузу, силерни тарып олуртуп каан Аг-шериглиг Дээрги-Чаяакчы боттарыңарның араңарга кылып турган бузудуңар дээш силер-биле айыыл-халап боорун чугаалаан. Силер Ваал бурганга айдызаашкын кылып, Мени килеңнедип турган болгай силер».

Иеремия 13:10

Бо бузуттуг чон Мээң сөстеримни тооп дыңнаарындан ойталап, чөрүү чүрээниң аайынга кирип, өске бурганнарга мөгейип, оларга бараан болуп, сөгүрүп турар-дыр! Ол чон канчаар-даа ажыглаттынмас бо кур ышкаш апаар.

Иеремия 18:15

А Мээң чонум Мени уткан-дыр, чөгенчиг дүрзү-бурганнарга айдызаашкын кылып турар-дыр! Дүрзү-бурганнар чонну оруундан астырарга, ол эрте-бурунгу оруктан өскээр баргаш, ам кокпа орук-биле, оңгул-чиңгил орук-биле бар чыдар-дыр.

Иеремия 19:4

Чүге дээрге Иерусалимниң чурттакчылары Мени каапкаш, бо черни бужартаткан-дыр, маңаа боттарының-даа, ада-өгбезиниң-даа, Иудеяның хааннарының-даа билбес чорааны өске бурганнарга айдызаашкын кылып турар-дыр, олар бо черни буруу чок улустуң ханы-биле суггарган-дыр.

Иеремия 32:29

халдейлер ынаар киргеш, ону отка чиртир – хоорайны, ээлери оларның кырынга Ваал бурганга айдызаашкын кылып, хары бурганнарга арага чажып, Мени килеңнедип турган бажыңнарны өрттедиптер.

Иеремия 44:3

Чүге дээрге оларның чурттакчылары бузут үүлгедип, Мени килеңнедип турган – олар боттарының-даа, силерниң-даа, ада-өгбеңерниң-даа билбес чорааны хары бурганнарга мөгейип, айдызаар өргүл кыпсып, бараан болуп турган.

Иеремия 44:8

Силер Египетке чурттаар дээш көже бергеш, боттарыңарның холуңар-биле дүрзүлер кылып база хары бурганнарга айдызаашкын кылып, Мени килеңнедип турар-дыр силер. Боттарыңарны чок кылып аар силер база чер-делегейниң бүгү чоннарынга каргаттырарынга, оларның мурнунга адыңар баксыраарынга чыгаттырар силер.

Иеремия 44:9

Таанда-ла силер ада-өгбеңерниң кем-буруузун, Иудеяның хааннары биле кадыннарының кем-буруузун, боттарыңар биле кадайларыңарның кем-буруузун, Иудеяга, Иерусалимниң кудумчуларынга үүлгеттинип турган бүгү чүвени уттупканыңар ол бе?

Иеремия 48:35

Мен Моавта бедик черлерге өргүлдер салган, дүрзү-бурганнарынга айдызаашкын кылган бүгү улусту узуткаар мен!» – деп, Дээрги-Чаяакчы медеглээн.

Иеремия 5:2

Иерусалимниң чурттакчылары дириг Дээрги-Чаяакчының ады-биле даңгыраглап турар, ынчалза-даа ол даңгырактары меге боор-дур».

Иеремия 5:7

Мен сени канчап өршээр мен? Сээң улузуң Менден ойталаан-дыр, Бурган болбас дүрзүлер ады-биле даңгыраглаар-дыр. Мен тоттуруп турумда-ла, олар самыыралга алзып, самыын херээженнер бажыңнарында тырлып турар-дыр.

Иеремия 7:6

араңарда чурттап турар даштыкы кижини, өскүстү, дулгуяк херээженни базынмаңар, бо черге буруу чок кижиниң ханын төкпеңер база боттарыңарга хора халдадыр өске бурганнарга мөгейбеңер.

Иезекиил 18:18

А ооң адазы бодунуң кем-буруузу дээш өлүп каар, чүге дээрге ол кижи улусту кызып-кыйып, ха-дуңмазын үптеп, бодунуң чонунуң аразынга бузут-бактыг чүве үүлгедип турган-дыр.

Иезекиил 20:30

Ынчангаш израиль чонга Дээрги-Бурган-Чаяакчының чугаалаан чүвезин дамчыдар сен: ада-өгбеңерниң үлегер-чижээ-биле боттарыңарны бужартадып, оларның чүдек-бужар дүрзү-бурганнары-биле самыыраар силер бе?

Иезекиил 23:39

Ажы-төлүн дүрзү-бурганнарга эккеп өргүп турган үезинде безин олар Мээң ыдыктыг черимче кирип, ону ооң-биле бужартадып турганнар. Олар Мээң өргээм иштинге ынчанганнар!

Иезекиил 5:11

Дээрги-Бурган-Чаяакчы: «Иерусалим, сен Мээң ыдыктыг өргээмни бодуңнуң чүдек-бужар чүүлдериң-биле, бужар-бак чаңчылдарың-биле бужартадып алган сен. Ынчангаш дириг Бодумнуң адым-биле даңгыраглап тур мен: сени узуткап каар мен, сеңээ ээ-хайыралыг болбас мен, сени кээргевес мен – деп медеглээн. –

Осия 2:13

Ваал бурганның дүрзүлеринге бараан болуп, айдызап турганы дээш, ону кезедир мен; ол херээжен сыргалар болгаш каасталгалар-биле каастангаш, хандыкшааннарын сүрүп, Мени уттупкан турган болгай» – деп, Дээрги-Чаяакчы медеглээн.

Осия 6:9

Дээрбечилерниң кижини кедеп турары дег, бараалгакчыларның бөлүглели Сихем чедер орукка кижилер өлүрүп, бузут үүлгедип турар.

Амос 4:5

Израильчилер, ажыткылыг безин далган-тарааны өөрүп четтириишкин өргүлү кылдыр эккеп салыңар-ла, боттарыңарның эки тура-биле салып турар өргүлдериңер дугайында медээлеңер-ле, оларны салганыңар дугайында ыыткыр чарлаңар-ла. Ынчаар кылырынга ынак эвес ийик силер бе?» Дээрги-Бурган-Чаяакчының медеглээн чүвези ол-дур.

Софония 1:5

Бажыңнар кырындан сылдыстарның аг-шериинге мөгеер улусту, Мээң адым-биле деңге Милхом бурганның ады-биле даңгыраглап, мөгейиг кылыр улусту чок кылып каар мен.

Малахия 3:5

Аг-шериглиг Дээрги-Чаяакчы: «Мен силерге шииткел үндүрүп чедип кээр мен. Караң көрнүрлерге, кады чурттаан эжинге шынчы эвестерге, мегелеп даңгыраглаарларга, хөлечиктерниң ажыл төлевирин бербестерге, дулгуяк херээженнерни база өскүс кижилерни кызагдаарларга, даштыкы улустуң эргелерин казыырларга – Менден кортпас улуска удур саадал чокка херечилеп, оларның буруузун илередир мен» – деп чугаалаан.

Римчилерге 2:2

Ындыг чүүлдер үүлгедикчилерин Бурганның шынныы-биле шиидерин билир бис.

Ы. х. к. 32:17

Олар Бурганга эвес, буктарга – боттарының биеэде билбес турганы, кожа чоннардан хүлээп алганы, чаа, ада-өгбезиниң сагыжынга кирбейн чорааны бурганнарга өргүл салып турган.

Ажыдыышкын 21:8

А кортуктар, шынчы эвестер, бужартааннар, өлүрүкчүлер, самыырааннар, караң көрнүрлер, дүрзү-бурганга мөгеерлер болгаш хамык мегечилер боттарының хуу-салымын күгүр кыпкан оттуг хөлден тып аарлар. Ийиги өлүм ол-дур».

Ажыдыышкын 22:15

А хоорай даштынга бужартап будалганнар, караң көрнүрлер, самыырааннар, өлүрүкчүлер, дүрзү-бурганга чүдүүрлер болгаш мегеге ынакшып, ооң аайы-биле кылып турар улус артып каарлар.

Баштыңчылар 5:8

Чон чаа бурганнарны шилип алган турган, ынчангаш эжик-хаалга чанынга дайын бооп турган. Израильдиң 40 000 кижизиниң чыдазы болгаш дозуг-камгалалдары көстүр турган бе?