Иеремия 6:6 - Ыдыктыг Библия

⁶ Аг-шериглиг Дээрги-Чаяакчының чугаалаан чүвези бо-дур: «Ыяштардан кезиңер, Иерусалимге удур бүзээлел чалын тудуңар. Дарлал бо хоорайның эриин ажыр долган-дыр – ол кеземчем көрзүн.

Иеремия 6:6 Iomraidhean Croise

Исайя 37:33

Ынчангаш Дээрги-Чаяакчы Ассирияның хаанының дугайында мынча дээн: «Ол хаан бо хоорайже кирбес, согунун олче атпас, хоорайның мурнунга дозуг-камгалалдыг көстүп келбес, аңаа удур бүзээлел чалы оваалап тутпас.

Иеремия 20:8

Чугаалап эгелээримге-ле, аксымдан күчүлел биле үптээшкин дугайында алгы үнер-дир; Дээрги-Чаяакчының сөзү дээш, мен хүннү бадыр куду көрүүшкүн, кочулал көөр-дүр мен.

Иеремия 22:17

А сен карааңны-даа, чүрээңни-даа чүгле ажык-кончаа дилээринче, буруу чок улустуң ханын төгеринче, улусту бастып, кызып-кыярынче углап келдиң».

Иеремия 32:24

Бүзээлел чалдары хоорай ханалары-биле деңнежи берген-дир, дайзын хоорайны эжелеп аар, бо хоорайны бүзээлээн халдейлер ону холунга киирип аар. Хоорай дайын-чаа, аш-чут болгаш хамчык аарыгдан калыр. Сээң чугаалап турган чүвең боттанган-дыр, Сен ам ону көрүп тур сен.

Иеремия 32:31

Бо хоорай ону туткан хүнүнден эгелээш, амдыгаа чедир Мени килеңнедип, хорададып келген. Ынчангаш Мен ону караамдан чайладып кааптар мен.

Иеремия 33:4

Дээрги-Чаяакчы, Израильдиң Бурганы бо хоорайны бүзээлээн дайзынның хылыжындан кээп дүжер бажыңнарның база Иудеяның хааннарының ордуларының дугайында мынча дээн: «Оларның чурттакчылары халдейлер-биле дайылдажып турар-дыр, ынчалза-даа ол бажыңнарны мөчү-сөөк долар! Мен килеңнеп, хорадааш, чурттакчыларны кыргып-хыдыыр мен! Оларның бүгү кем-буруузу дээш, Мен бо хоорайдан хая көрүнген мен.

Иеремия 39:1

Иудеяның хааны Седекияның чагыргазының тоску чылында, он айда Вавилоннуң хааны Навуходоносор бодунуң бүгү аг-шерии-биле Иерусалимге чедип кээп, ону бүзээлеп алган.

Иеремия 5:29

Таанда-ла ол бүгү дээш оларны кезетпес мен бе? – деп, Дээрги-Чаяакчы медеглээн. – Таанда-ла ындыг чондан өжээн негевес мен бе?

Иеремия 5:9

Таанда-ла ол бүгү дээш оларны кезетпес мен бе? – деп, Дээрги-Чаяакчы медеглээн. – Таанда-ла ындыг чондан өжээн негевес мен бе?

Иезекиил 4:2

Аңаа удур бүзээлелди өттүнүп кылып көр: бүзээлээшкин тудуглары тургузуп, ону дескиндир бүзээлел чалын оваала, аңаа удур турлаглардан таарыштыр тип, хана буза үстүрер чепсектерден долгандыр тургузуп каг.

Иезекиил 5:5

Дээрги-Бурган-Чаяакчы: «Бо дээрге Иерусалим-дир! Мен ону чоннарның ортузунда тургузуп кагдым, ону долгандыр өске чурттар турар.

Даниил 11:15

Соңгу хаан чедип келгеш, бүзээлээр чал кылгаш, быжыглалдыг хоорайны эжелеп аар. Мурнуу чүктүң шерии аңаа күш четпес, шилиттинген шериглер безин аңаа удур туржуп шыдавас.

Софония 3:1

«Үймээнчи, бужар, кызагдакчы хоорай ат болур!

Лука 19:43

Чүге дээрге дайзыннарыңның сени долгандыр оңгуланып-быжыглангаш, сени бүзээлээри база сенче бүгү чүктерден халдаары хүннер чедип кээр.