Иеремия 6:16 - Ыдыктыг Библия

¹⁶ Дээрги-Чаяакчы мынча деп чугаалаан: «Орук белдиринге доктаагаш, топтап көрүңер, эрте-бурунгу оруктар дугайында айтырыңар, буянның оруу кайда-дыр – олап чоруңар, ынчан сагыш-сеткилиңер тамчык-дыштыг болур – деп чугааладым. А силер: „Олап чорбас бис!“ – деп харыыладыңар.

Иеремия 6:16 Iomraidhean Croise

3 Хааннар 8:36

Ынчан дээрден дыңнап кааш, Бодуңнуң чалчаларыңның, Бодуңнуң израиль чонуңнуң бачыдын өршээп көрем. Оларга олап чоруур ужурлуг шынныг орукту айтып берип көрем база Бодуңнуң чонуңга Сээң өнчү кылдыр берген чериңге чаъстан чагдырып көрем.

2 Чылдар 19:11

Дээрги-Чаяакчыга хамаарышкан бүгү херектерге силерни Бурганның дээди бараалгакчызы Амария башкарзын, а хаанга хамаарышкан бүгү херектерге силерни Измаилдиң оглу, Иуданың аймааның чагырыкчызы Зевадия башкарзын. Левиттер силерге бижээчилер болур. Кылып турар чүүлдериңерге быжыг болуңар. Дээрги-Чаяакчы эки чүүл кылып чоруур улус-биле кады болзун».

Исайя 2:5

О, израиль чон, Дээрги-Чаяакчының чырыынга бүргедип чурттаалы че!

Исайя 28:12

Ол ооң мурнунда чонунга: «Бо черге амыр-дыш көөр силер, турупкан улус маңаа дыштанзын. Бо – оожургал чери-дир» – деп турган. А олар дыңнаар безин хөңнү чок болган.

Исайя 30:21

Дорт оруктан кайнаар-даа өскээр ээпкеш, артыңарда: «Орук бо-дур – ону истеп чоруңар!» – дээн үннү дыңнап каар силер.

Исайя 46:9

шаандагы шагда болуп турган чүвени сактып келиңер: Мен – Бурган мен, өске кым-даа чок, Мен – Бурган мен, Меңээ дөмей кым-даа чок.

Исайя 57:2

ол кижи амыр-дышты чедип алыр! Дорт орук-биле бар чыткан улус хөөрже киргеш, дыштаныр.

Исайя 8:20

Бурганның хоойлузу база ажыдыышкыны чүү деп турарын көрүңер! Бир эвес улус бо сөс ёзугаар чугаалавас болза, оларда хаяа чырыы чок-тур.

Иеремия 12:16

Бир эвес олар Мээң чонумнуң оруктарын истеп өөренип аар болза, боттары-ла Мээң чонумну Ваал бурганның ады-биле даңгыраглаарынга өөреткени дег, Мээң адым-биле: „Дээрги-Чаяакчы дириг!“ – деп даңгыраглаар болза, олар база Мээң чонумнуң кезии апаар.

Иеремия 18:12

Ынчалза-даа олар: „Хей чүве! Күзээн чүвевис кылыр бис, кижи бүрүзү бодунуң бузуттуг чүрээниң чөрүү чоруунуң аайы-биле кылыр“ – деп харыылаар».

Иеремия 18:15

А Мээң чонум Мени уткан-дыр, чөгенчиг дүрзү-бурганнарга айдызаашкын кылып турар-дыр! Дүрзү-бурганнар чонну оруундан астырарга, ол эрте-бурунгу оруктан өскээр баргаш, ам кокпа орук-биле, оңгул-чиңгил орук-биле бар чыдар-дыр.

Иеремия 2:25

Ынчаар маңнап тургаш, идииң эледир кедип аарындан кичээн, суксааш, боостааң кургап калбазын халак! Ынчалза-даа: „Хей чүве! Өске бурганнарга ынак мен, оларның изин истээр мен“ – дээш турар болдуң.

Иеремия 22:21

Амыр-чаагай чурттап чоруңда, Мен сээң-биле чугаалажып, сагындырып турдум, а сен „Дыңнавас мен!“ дээн сен. Аныяаңдан-на ындыг чордуң, Мени тооп дыңнавайн келдиң!

Иеремия 31:21

«Бодуңга орук демдеглээр даштардан салып ал, чагылардан тургузуп ал, сеткил-чүрээңни биеэде чоруп турганың дорт орукче угландыр. О, Израиль-кыс, эглип кел, бодуңнуң хоорайларыңче эглип кел!

Иеремия 42:3

Дээрги-Чаяакчы Бурганың биске кандыг орук шилип аарывысты, чүнү кылырывысты айтып берзин» – дээннер.

Иеремия 44:16

«Сени дыңнавас бис, биске Дээрги-Чаяакчының өмүнээзинден чугаалап турар сөзүңнү тооп дыңнавас бис!

Иеремия 50:5

Олар Сион чедер орук дилээр, арыннарын олче шиглей көрүп: „Барып, Дээрги-Чаяакчыга каттыжып, уттуп-кагбас мөңге керээни Ооң-биле чарып аалы“ – дээрлер.

Иеремия 7:23

Оларга чүгле: „Мээң сөзүмнү дыңнаңар, Мен силерниң Бурганыңар болур мен, силер – Мээң чонум болур силер. Мээң айыткан кандыг-даа оруум-биле чоруңар, ынчан силерге эки-чаагай болур“ – деп айтыышкын берген мен.

Иеремия 7:24

А олар тооп дыңнавады, кулаан Менче ээктирбеди, боттарының угаап билир аайы-биле, чөрүүленген бузуттуг чүректериниң аайы-биле чурттап чордулар – Менче көрүнмейн, хая көрнү бердилер.

Иеремия 7:3

Аг-шериглиг Дээрги-Чаяакчы, Израильдиң Бурганы мынча дээн: «Оруктарыңар биле ажыл-херектериңерни эдип-чазап, экижидип алыңар, Мен ынчан силерни бо черге чурттадып арттырар мен.

Малахия 4:4

«Мээң чалчам Моисейниң хоойлузун – Хорив дагга аңаа бүгү израиль чонга хамаарыштыр бергеним хоойлу-дүрүмнерни утпайн сактып чоруңар.

Лука 16:29

Авраам аңаа: „Оларда Моисей база Бурганның өске-даа медээчилери бар болгай, оларны дыңнап чорзуннар“ – деп харыылаан.

Иоанн 12:35

Оон Иисус оларга мынча дээн: «Чырык силер-биле кады ам-даа хензиг өйде турар-дыр. Силерни караңгы дүмбей бүргевезин дээш, ам дээрезинде – Чырык барда, орууңарны уламчылаңар. Чүге дээрге дүмбей караңгыда кылаштап чоруур кижи кайнаар бар чыдарын билбес болгай.

Иоанн 13:17

Силер ам ону билир болганыңарда, ынчалдыр күүседип чоруур болзуңарза, амыр-чыргалдыг болур силер».

Иоанн 5:39

Бижилгелер дузазы-биле мөңге амыдыралды алырын бодааш, оларны хынамчалыг шинчилеп чоруур силер. А олар база-ла Мээң дугайымда херечилеп турар болгай.

Ажыл-чорудулга 17:11

Верияның улузу Фессалониканың улузундан эки мөзүлүг болган: олар медээни күзелдии-биле хүлээп алгаш, Павел биле Силаның алыс шынны чугаалап турарынга шынзыгар дээш, хүннүң-не Бижилгени шинчилеп турганнар.

Римчилерге 4:12

А кыртыжап демдектеттирген улуска хамаарыштыр – олар бо ёзулалдан аңгыда, Авраамның кыртыжап демдектеттирбээн үезинде-ле бар турган бүзүрелин истеп чоруп орар болза, Авраам оларның база адазы-дыр.

Ы. х. к. 32:7

Эрте-бурунгу үени сактып кел, биеэги салгалдарның чурттап чораан чылдарын бодап көр; адаңдан айтыр – ол сеңээ харыылап бээр, ирейлерден айтыр – олар сеңээ чугаалап бээр.

Колосчуларга 2:6

Бир-тээ Христос Иисусту Дээргивис деп хүлээп көрген болганыңарда, Ооң-биле харылзаалыг амыдыраңар.

Еврейлерге 11:2

Шак ындыг бүзүрели дээш, бурунгу өгбелеривистиң дугайында биске эки херечилел дамчып келген.

Еврейлерге 6:12

Чалгаа болбазыңарны, харын бүзүрелиниң база шыдамык чоруунуң ачызында оларга Бурганның аазаан чүүлүн салгап аар улустуң үлегерин эдерериңерни күзеп тур мен.

Баштыңчылар 2:17

Ынчалза-даа чон баштыңчыларын-даа дыңнавайн, самыырааш, хары бурганнарны эдерип, оларга мөгейип турган. Ынчангаш олар Дээрги-Чаяакчының айтыышкыннарынга чагыртып чораан өгбелериниң оруундан соора барып, дүргени-биле өскээр чоруп, өгбелериниң изин истевейн турганнар.