Иеремия 6:12 - Ыдыктыг Библия

¹² Израильчилерниң бажыңнары, шөлдери болгаш кадайлары хары улус холунче кире бээр, чүге дээрге Мен бо черниң чурттакчыларынче холум көдүрер мен – деп, Дээрги-Чаяакчы медеглээн. –

Иеремия 6:12 Iomraidhean Croise

1 Чылдар 21:16

Давид топтап көргеш, холунда тудуп алган хылыжын Иерусалимче сунуп алган, чер биле дээрниң аразында турар Дээрги-Чаяакчының төлээзин эскерип каан. Качыгдал хеви кеткен Давид болгаш чоннуң баштыңнары черге чедир сөгүрүп кээп дүшкеннер.

Исайя 10:4

Силер туттурган улус аразынга харыксырап олура дүжер азы өлүрткен улус аразынга чыда дүжер силер. Ынчан безин Дээрги-Чаяакчының килеңи чайлаттынмас, Ооң холу ам-даа силерни кезедип, көдүрлүр.

Исайя 5:25

Ол дээш, Дээрги-Чаяакчының килеңи Ооң чонунче кыптыгар; Ол Бодунуң холун оларже көдүрүп, эттеп-согар. Даглар сирилей бээр, улустуң мөчү-сөөктери кудумчуларда өдек-бок дег чыдып бээр. Ынчан безин Ооң килеңи чайлаттынмас, Ооң холу ам-даа улусту кезедип, көдүрлүр!

Исайя 9:12

Арамейлер чөөн чүктен, филистимнер – барыын чүктен халдап келгеш, Израильди чазыйланып, ажырыптар. Ынчан безин Дээрги-Чаяакчының килеңи чайлаттынмас, Ооң холу ам-даа чонну кезедип, көдүрлүр.

Исайя 9:17

Ынчангаш Дээрги ол чоннуң аныяк оолдары дээш сеткили өөрүвес, өскүстерин, дулгуяк херээженнерин кээргевес, чүге дээрге олар шупту – бужартаан, бузут үүлгедир улус-тур, оларның аас-сөзү чүгле чүдек-бужар чүве чугаалаар. Ынчан безин Дээрги-Чаяакчының килеңи чайлаттынмас, Ооң холу ам-даа чонну кезедип, көдүрлүр.

Исайя 9:21

Манассия Эфремни, Эфрем – Манассияны чиир, олар ийилээн Иудеяже халдаар! Ынчан безин Дээрги-Чаяакчының килеңи чайлаттынмас, Ооң холу ам-даа чонну кезедип, көдүрлүр.

Иеремия 15:6

Сен Мени каапкаш бардың – деп, Дээрги-Чаяакчы медеглээн, – дедир чоруй бардың. Сеңээ удур Бодумнуң холумну көдүрдүм, узуткап кагдым – сени кээргээр күжүм-даа төндү.

Иеремия 21:5

Мен Бодум силерге удур – күчүлүг холум-биле, күш-шыдалым-биле килең-кылыктыг, аажок хорадап – чаалажыр мен!

Иеремия 38:22

Көөрүмге, Иудеяның хаанының ордузунда арткан бүгү херээженнерни Вавилоннуң хаанының шериг баштыңнарынга тудуп аппарып турар-дыр. Олар: „Сээң эш-өөрүң сени күткүдүп, бүзүредип алды. А буттарың малгашка кадалы бээрге, олар сенден хая көрнүп, каапкаш барды“ – деп чугаалаар.

Иеремия 38:23

Сээң бүгү кадайларыңны, ажы-төлүңнү халдейлерже алгаш баар. Сен бодуң база оларның холундан чайлап шыдавас сен, Вавилоннуң хааны сени тудуп аар, а бо хоорайны хуюкталдыр өрттедиптер».

Иеремия 7:20

Ынчангаш Дээрги-Бурган-Чаяакчы: «Мээң хорадаан килеңим бо черни, кижилер болгаш мал-маганны, шөлде ыяштарны, черниң үнүш-дүжүдүн хөме аптар. Килеңим өшпейн кыптыгар!» – дээн.

Иеремия 8:10

Ынчангаш Мен оларның кадайларын өске кижилерге, оларның шөлдерин – өске ээлерге бериптер мен. Олар шупту, улуу-даа, бичези-даа, чүгле ажык-кончаа сүрүп, Бурганның медээчизинден эгелээш, Ооң бараалгакчызынга чедир меге чүүл кылып чоруур-дур.

Ыы-сыы 2:8

Сионнуң ханазын бузар деп, Дээрги-Чаяакчы бодап алган. Хананы Ооң холу хемчээп, үрегделден ойталаарын сагынмайн тур. Камгалал чалдары-даа, ханалар-даа буступ дүшкен, качыгдап тур. ט (тет)

Ыы-сыы 3:3

Ындыг кончуг Ол меңээ удур болуп, холун менче соксаал чокка көдүрүп тур – ב (бет)

Ыы-сыы 5:11

Дайзыннар Сионда, Иудея хоорайларында кыстарны, херээженнерни чазарлап тур.

Ыы-сыы 5:2

Черивисти хары улус ээлеп алган, бажыңнарны өске улус чаза баскан.

Ыы-сыы 5:3

Ачазы чок өскүстерге дөмей-дир бис, авалар-даа дулгуяк дег болу берген.

Иезекиил 35:3

Дээрги-Бурган-Чаяакчының чугаалаан чүвезин аңаа дамчыт: Даглыг Сеир, Мен сеңээ удур апардым. Сенче холум аннып, сени ээн калган, хоозураан чер кылып каар мен.

Иезекиил 7:24

Мен эң каржы-бак чоннарны эккээр мен, олар израильчилерниң бажыңнарын эжелеп аар. Мен күштүг израильчилерниң турамык чоруунуң төнчүзүн салыр мен, оларның ыдыктыг черлери бужартаттырар.

Михей 2:4

Ол хүн улус силерниң дугайыңарда качыгдал ырлары чогаадыр, ажыыңар ажып ыглажыр: „Бис шуут-ла хоозурап калдывыс! Чонувустуң хувааглыг черин Ол өскээр хемчээп, былаап алды. Бистиң шөлдеривисти Бурганга шынчы эвес улуска үлеп берип тур“».

Софония 1:13

Оларның байлаа өске улустуң олчазы апаар, бажыңнары хоозурап каар. Олар тудуп алган бажыңнарынга чурттавас, тарып алган виноградының арагазын ишпес.

Софония 1:4

Мен Иудеяже база Иерусалимниң бүгү чурттакчыларынче холум анныр мен, ол черде Ваал бурганның истерин шуут балап кааптар мен, ооң бараалгакчыларын, аңаа бараан болуп турар улусту амылыг арттырбас мен.