Иеремия 5:7 - Ыдыктыг Библия

⁷ Мен сени канчап өршээр мен? Сээң улузуң Менден ойталаан-дыр, Бурган болбас дүрзүлер ады-биле даңгыраглаар-дыр. Мен тоттуруп турумда-ла, олар самыыралга алзып, самыын херээженнер бажыңнарында тырлып турар-дыр.

Иеремия 5:7 Iomraidhean Croise

2 Чылдар 13:9

Силер Дээрги-Чаяакчының бараалгакчылары болур Аароннуң үре-салгалын болгаш левиттерни үндүр сывырыпкаш, кожа чоннарның үлегери-биле боттарыңарга өске бараалгакчылар томуйлап алган эвес силер бе? Бурган болбас дүрзүлерге бараалгаксаан кижи бүрүзү бир бугажык болгаш чеди кошкарлыг чедип келгеш, оларның бараалгакчызы апаар-дыр!

Иов 31:12

ол дээрге Тамыже дүжүрүп, хүлдендир чиптер, бар-ла чүвемни чүү-даа арттырбайн өрттедиптер от-тур.

Ырлар 50:18

Өргүлүм Сеңээ таарымчалыг эвес болгай, оон башка ону Сеңээ салгай эртик мен – бүрүн өрттеткен өргүлдү күзевейн тур сен.

Иеремия 12:16

Бир эвес олар Мээң чонумнуң оруктарын истеп өөренип аар болза, боттары-ла Мээң чонумну Ваал бурганның ады-биле даңгыраглаарынга өөреткени дег, Мээң адым-биле: „Дээрги-Чаяакчы дириг!“ – деп даңгыраглаар болза, олар база Мээң чонумнуң кезии апаар.

Иеремия 13:27

Сээң самыыраашкыннарыңны, туралаан киштээшкиниңни, шөлдер, тейлерге бужары-биле будулуп турганыңны көрген мен. Ат болур сен, Иерусалим! Кажанга чедир арыг эвес болур сен?»

Иеремия 16:11

Ынчан оларга: „Силерниң ада-өгбеңерниң Менден ойталааны дээш!“ – дээр сен – деп, Дээрги-Чаяакчы медеглээн. – Олар өске бурганнарга мөгейип, оларга бараан болуп, оларның мурнунга доңгая кээп дүжүп турган, а Менден ойталап, Мээң хоойлумну сагывайн барганнар.

Иеремия 16:20

Кижи бодунга бурганнар кылып ап шыдаар деп бе? Ол бурганнар дээр чүвелер – Бурган эвес-тир!» – дээр.

Иеремия 2:11

бодунуң ёзулуг Бурган безин эвес бурганнарын солуп турар чон бар бе? А Мээң чонум бодунуң алдарлыг Бурганын ажык-дуза чок дүрзү-бурганнарга орнапкан-дыр.

Иеремия 2:31

О, амгы салгал, Дээрги-Чаяакчының сөзүн тооп билип ап көрүңер! Мен израиль чонга хамаарыштыр ээн кургаг хову, дүмбей караңгы бооп турдум бе? Ынчаарга чүге-ле Мээң чонум: „Бодувустуң барыксаан оруувус-биле чоруй баар бис, Сенче дедир ээп келбес бис!“ – дээрил?

Иеремия 23:10

Чер кырын самыыраан улус долган, каргаттыргаш, чер ыглап турар – ховуда оът-сиген кадып калган. Ол улустуң сорулгазы – бузут, оларның күжү – чөптүг эвес чорук.

Иеремия 3:19

Мен сеңээ ажы-төлүмге дег хамаарылгалыг болуксадым, сеңээ күзенчиг черни, чоннарның эң кайгамчык үлүүн дыка берикседим. Сен Мени „Ачам“ деп адаар боор деп, Менден ойталавас боор деп бодадым.

Иеремия 3:8

Израильдиң Меңээ өскерлип турганы дээш, Мен аңаа чарлыышкын бижии бижээш, чандырыпкан мен. Оон көөрүмге, ооң сөс ээлевес кыс дуңмазы Иудея кортпайн, боду база самыырап чорупту.

Иеремия 7:9

Оорланыр, кижи өлүрер, самыыраар, мегелеп даңгыраглаар, Ваал бурганга айдызаашкын кылыр, билбес чорааныңар өске бурганнарга мөгеер-дир силер,

Иеремия 9:1

О, мээң бажым суг долган кудук апарган болза! Карактарымдан чаштар аттыгып үнүп турган болза! Күжүр чонумнуң өлүрткен улузунуң ажыын ажып, дүне-хүндүс ыглаар ийик мен.

Иеремия 9:2

Ээн кургаг ховуга хоргадап, дүн чарар черлиг турган болзумза! Бодумнуң чонумну каапкаш, чоруй баар ийик мен. Чүге дээрге олар шупту самыыраан улус-тур, өскерликчилер ниитилели-дир!

Ыы-сыы 3:42

«Бачыттыг бис, удур-дур бис, Сен-даа бисти өршээведиң. ס (самех)

Иезекиил 22:11

Чамдык улус өске кижи кадайы-биле бужар харылзаа тудар-дыр, база чамдыктары боттарының кеннин ыят чогу-биле бужартадыр-дыр, өске-бир кижи бодунуң-на ачазының уруу болур угбазы азы дуңмазы-биле албадал кылып холбажыр-дыр.

Осия 11:8

Эфрем, сенден канчап ойталаар мен? Израиль, сени канчап өскелерге бериптер мен? Сени Адма хоорайны дег бак аажылаар мен бе, Цевоим хоорай-биле кылган чүвемни сеңээ хамаарыштыр кылыр мен бе? Мээң бүгү кээргелим кыптыга берди, бодал-сагыжым өскерлип,

Осия 13:6

Одар-белчиирлиг апаргаш, израильчилер тодуг-догаа болу берди, а тода бергеш, туразы улгадып, Мени уттупту.

Осия 4:2

Каргыш салыры болгаш мегелээр чорук, кижи өлүрер, оорланыр болгаш самыыраар чорук хөлчок нептерээн-дир, хан төгүүшкүнү даады-ла болуп турар-дыр.

Осия 7:4

Олар шупту өскерликчилер-дир, оларның күзээшкиннери, хлеб быжырыкчызының суугузу дег, изип-хып тур, а хлеб быжырыкчызы суугузун чүгле далганын хоюткаш, оозу ажый бээр өйге чедир одавас болгай.

Левит 20:10

Ашактыг херээжен-биле – өске кижиниң кадайы-биле самыырап турар эр кижи бар болза, ол эр кижини база ол херээженни өлүрүп каар херек.

Амос 8:14

Самарияны кем-бурууже киирип турар бурганнар-биле даңгыраглаар, „Дан хоорайның дириг бурганнары-биле база Беэр-Шева-биле даңгыраглап тур бис!“ дээр улус кээп дүшкеш, катап көдүрлүп шыдавас».

Софония 1:5

Бажыңнар кырындан сылдыстарның аг-шериинге мөгеер улусту, Мээң адым-биле деңге Милхом бурганның ады-биле даңгыраглап, мөгейиг кылыр улусту чок кылып каар мен.

Малахия 3:5

Аг-шериглиг Дээрги-Чаяакчы: «Мен силерге шииткел үндүрүп чедип кээр мен. Караң көрнүрлерге, кады чурттаан эжинге шынчы эвестерге, мегелеп даңгыраглаарларга, хөлечиктерниң ажыл төлевирин бербестерге, дулгуяк херээженнерни база өскүс кижилерни кызагдаарларга, даштыкы улустуң эргелерин казыырларга – Менден кортпас улуска удур саадал чокка херечилеп, оларның буруузун илередир мен» – деп чугаалаан.

1 Коринфичилерге 6:9

Чөптүг-шынныг эвес улус Бурганның Чагыргазын салгап албазын билбезиңер ол бе? Бодуңарны мегелевеңер. Самыыраар, дүрзү-бурганга мөгеер, ашак-кадайынга өскерлир улус, а ол ышкаш самыын-садар эрлер, эр улус-биле холбажыр эрлер;

1 Коринфичилерге 8:4

Ынчангаш дүрзү-бурганнарга өргүп салган чемге хамаарыштыр: «Билир чүүлүвүс бо-дур: бо делегейде дүрзү-бурган – көңгүс чүү-даа эвес база чүгле чаңгыс Бургандан өске кандыг-даа бурган чок.

Галатчыларга 4:8

Кажан-бир шагда, Бурганны билбес чорааш, херек кырында бурганнар-даа эвес чүүлдерниң кулдары чораан силер.

Ы. х. к. 32:15

Ешурун тодуп семирээш, дедирленгеш туруп берген; ол шөртейтир семирип, чооннап калган, бодун чаяаган Бурганны каапкан, бодун камгалаар Хаяны куду көрген.

Ы. х. к. 32:21

Олар Бурган бооп шыдавас дүрзүлер-биле Мээң хүннээчел сагыжымны оттуруп алды, хоозун дүрзү-бурганнары-биле анчыгзындырып алды; Мен чон дээр арга чок улус-биле оларның хүннээчел сагыжын оттурар мен, угаан-бодал чок чон-биле анчыгзындырар мен.

Еврейлерге 13:4

Өг-бүле тудары бүгү улуска хүндүлүг болзун, ашак, кадай харылзаалары арыг-шынчы болзун. Самыыраар болгаш ашаа-кадайынга өскерлир улусту Бурган шиидер.

Иаков 4:4

Самыыраан өскерликчилер! Бо делегей-биле найырал тудары Бурган-биле өжээннежиринге дөмейин билбезиңер ол бе? Бо делегейниң өңнүү болуксаан кижи Бурганның дайзыны апаар.

Иисус 23:7

Бо чуртта артып калган чоннар-биле каттышпаңар. Оларның бурганнарының адын адап кыйгырбаңар, ол бурганнарның ады-биле даңгырак бербеңер. Ол бурганнарга мөгейип, бараан болбаңар.