Иеремия 5:5 - Ыдыктыг Библия

⁵ Ынчаарга ызыгууртан кижилерге барып, чугаалажып көрейн. Олар Дээрги-Чаяакчының оруун, Бурганының дүрүмүн билир болгай» – дээн мен. Ынчалза-даа олар база шупту Бурганның кедирген хомудун чуура шаап, моожазын үзе тыртып каапкан болду.

Иеремия 5:5 Iomraidhean Croise

2 Чылдар 36:14

Бурганның бараалгакчыларының болгаш чоннуң бүгү баштыңнары база хөй бачыт үүлгедип, шынчы чоруун чидирип, өске чоннарның бүгү чүдек-бужар чаңчылдарын өттүнүп, Дээрги-Чаяакчының Иерусалимге ыдыктап каан өргээзин бужартадып турган.

Хосталыышкын 32:25

Моисей чоннуң калчаарап барганын, Аароннуң улусту сула салып, дайзыннарының мурнунга Израильдиң адын баксыратканын көрүп каан.

Исайя 1:23

Сээң нояннарың Менден ойталаан-дыр база оорлар-биле бир баг болган-дыр; олар шупту хээли чииринге ынак, белектер негеп ап турар, чаргы-чаалы үезинде өскүстерни камгалавас, дулгуяк херээженниң херээн сайгарып көрбес улус-тур.

Иеремия 2:20

«Бурунгу шагда-ла Мен хомудуңну буза шаап, моожаңны үзе тыртып берген мен, а сен: „Бараан болбас мен!“ – дидиң, бүгү бедик тейлер бажынга, таварышкан-на хөлегелиг саглагар ыяш адаанга самыырап турдуң!

Иеремия 2:31

О, амгы салгал, Дээрги-Чаяакчының сөзүн тооп билип ап көрүңер! Мен израиль чонга хамаарыштыр ээн кургаг хову, дүмбей караңгы бооп турдум бе? Ынчаарга чүге-ле Мээң чонум: „Бодувустуң барыксаан оруувус-биле чоруй баар бис, Сенче дедир ээп келбес бис!“ – дээрил?

Иеремия 30:14

Хандыкшааннарың шупту сени уттупкан, сеңээ келиксевес апарган. Дайзыннарың согугларын сенче угландырдым, каржы-дошкуну-биле кезеттим, чүге дээрге кем-бурууң улуг-дур, бачыттарың эңдерик-тир.

Иеремия 6:13

Олар шупту, улуу-даа, бичези-даа, чүгле ажык-кончаа сүрүп, Бурганның медээчизинден эгелээш, Ооң бараалгакчызынга чедир меге чүүл кылып чоруур болгай.

Иеремия 8:7

Дээрде шилен безин ужуп чанып кээр үезин билир, көге-буга, хараачыгай, дуруяа-даа үезинде ужуп кээр. А Мээң чонум Дээрги-Чаяакчының дүрүмнерин билбес-тир.

Иеремия 9:3

Оларның мегечи дылы кирижээн ча дег-дир. Олар чер кырынга шын эвес чүүл-биле күш кирип, бир кемниг херекке улаштыр өскезин үүлгедип чоруур. «Олар Мени билбес – деп, Дээрги-Чаяакчы медеглээн. –

Иезекиил 11:2

Дээрги-Чаяакчы меңээ: «Кижи амытан, бузуттуг бодалдар бодап, хоорайда багай арга-сүме берип турар улус бо-дур.

Амос 4:1

Самарияның даанда чурттап турар, Васанның семис-чаагай инектери ышкаш херээженнер – ядыы улусту кызып-кыйып, түреңги улусту дарлап, боттарының ашактарынга: «Эккеп кудуңар-ла, ижер бис!» – деп турар херээженнер – бо чугаа-сөстү дыңнаңар.

Амос 6:1

Сион дагда сагыш амыр чурттап турар улус ат болур, «Самарияның даанга айыыл чок чурттаар бис» деп бодап турар улус, израильчилерниң оларга кээп турары баштың чоннуң ат-сураглыг улузу ат болур!

Михей 3:11

Иерусалимниң баштыңнары хээли ап, шиидип турар-дыр, Бурганның бараалгакчылары төлевир ап, өөредип турар-дыр, Бурганның медээчилери акша-мөңгүн ап, төлгелеп турар-дыр. Ооң кадында Дээрги-Чаяакчыга даянып: «Дээрги-Чаяакчы бистиң аравыста эвес чүве бе? Бисти айыыл-халап таварбас!» – дижирлер.

Малахия 2:7

Бурганның бараалгакчызының аксы-сөзү угаан-билигни кадагалаар ужурлуг, ынчан улус ооң чугаа-сөзүнден өөредигни дыңнаксаар, чүге дээрге ол – Аг-шериглиг Дээрги-Чаяакчының төлээлекчизи-дир.

Лука 18:24

Иисус ооң муңгарай бергенин көргеш, мынча дээн: «Бай-шыдалдыг улустуң Бурганның Чагыргазынче кирери дыка-ла берге!

Лука 19:14

А албаты чон ону көөр хөңнү чок болгаш, демги ырак чуртка баргаш: „Ол кижиниң биске хаан болурун күзевейн тур бис“ – деп сөс чедирзиннер дээш, ооң соондан элчилер чорудупканнар.