Иеремия 5:12 - Ыдыктыг Библия

¹² Олар Дээрги-Чаяакчы дугайында мегелеп чугаалажып: „Бурган бисти канчаптар деп. Бисти айыыл-халап-даа таварбас, дайын-чаа-даа, аш-чут-даа көрбес бис!

Иеремия 5:12 Iomraidhean Croise

2 Чылдар 36:16

Иудейлер Бурганның ыдып турган төлээлекчилерин дорамчылап кочулап, Ооң сөстерин тоовайн, Ооң медээчилерин бак сөглеп турган. Адак сөөлүнде Дээрги-Чаяакчының килеңи Ооң чонунче кыптыгып, ону кым-даа оожургадып шыдавас апарган.

Ырлар 10:6

Ол оттуг көстерни, хып турар күгүрнү оларже чаъс дег чагдырар, өрттендир чиир изиг хат – оларның ижер дашказы болур.

Ырлар 14:1

Дээрги-Чаяакчы! Кым Сээң өргээ-майгыныңга чурттап шыдаарыл? Кым Сээң ыдыктыг дааңга турумчуп чурттаарыл?

Чугаалар 30:9

А оон башка эрттир тода бергеш, Сенден ойталап: «Дээрги-Чаяакчы дээрге кымыл ол?» – деп айтыра бээр мен азы ядарай бергеш, оорланып, Бурганны бак атка киирер мен.

Иеремия 14:22

Өске чоннарның хоозун дүрзү-бурганнары чаъс чагдырып шыдаар бе? Дээр чайыкты боду хайырлаар бе? Дээрги-Чаяакчы Бурганывыс, Сен хайырлаар эвес сен бе? Сеңээ идегеп тур бис, чүге дээрге ол бүгүнү Сен чаяап турар болгай сен.

Иеремия 2:6

Олар: „Дээрги-Чаяакчы бисти Египеттен үндүре берген, Ол бисти ээн кургаг ховуга, кооргалдарлыг, суг чок черге, дүмбей караңгы, кым-даа чорбайн турар, кижи ээлеп чурттавайн турар черге эдертип чораан болгай. Олче чүткүүлү“ – диведилер.

Иеремия 28:4

Иоакимниң оглу, Иудеяның хааны Иехонияны база Иудеядан Вавилонче тудуп аппарган бүгү улусту Мен бо черже дедир чандырар мен – деп, Дээрги-Чаяакчы медеглээн, – чүге дээрге Вавилоннуң хаанының кедирген хомудун чуура шаап каар мен“».

Иеремия 4:10

Мен: «Аа халак, Дээрги-Бурган-Чаяакчы! Сен бо чонга, Иерусалимниң чурттакчыларынга тайбың дүжерин аазааш, оларны ылап-ла мегелеп кагдың. Хылыш оларның боскун үзе кезер деп барды» – деп чугааладым.

Иеремия 43:1

Иеремия бүгү чонга оларның Бурганы Дээрги-Чаяакчының сөзүн – Ооң Иеремияны дамчыштыр оларга чугаалаан бүгү чүвезин медеглээн.

Иеремия 5:31

бүдүү билирлер мегелеп медеглээр-дир, Бурганның бараалгакчылары боттарының туразы-биле улусту чагырар-дыр, Мээң чонумга ол чорук таарымчалыг-дыр. Ол бүгүнүң хараазында силер-биле чүү боор деп?

Иеремия 6:14

Олар „Амыр-тайбың, амыр-тайбың!“ деп хоозун чүве чугаалап, Мээң чонумнуң балыгларын чиик көрүп, экиртир деп бодап турар, а амыр-тайбың чок-тур!

Иезекиил 13:6

Силерниң көрген көстүүшкүннериңер меге, чугаалаан ажыдыышкыннарыңар шын эвес; Дээрги-Чаяакчы силерни айбылап чорутпайн турда-ла, „Дээрги-Чаяакчының медеглээн сөзү бо-дур“ деп чугаалап, сөзүңер бүдерин манап турар-дыр силер.

Михей 2:11

Бир эвес мегечи азы бузурукчу кижи келгеш: „Мен силерге арага база өске-даа эзиртир суксун дугайында өттүр билип медеглээр мен“ – дээн болза, ол кижи бо чонга таарымчалыг медээчи боор турган болду бе».

Михей 3:11

Иерусалимниң баштыңнары хээли ап, шиидип турар-дыр, Бурганның бараалгакчылары төлевир ап, өөредип турар-дыр, Бурганның медээчилери акша-мөңгүн ап, төлгелеп турар-дыр. Ооң кадында Дээрги-Чаяакчыга даянып: «Дээрги-Чаяакчы бистиң аравыста эвес чүве бе? Бисти айыыл-халап таварбас!» – дижирлер.

Ы. х. к. 29:19

Ындыг кижи ол даңгырактың сөстерин дыңнап кааш, сеткил-хөңнүнге бодун алгап-йөрээп: „Бодум турам-биле-даа чурттап чорааш, амыр-чыргалдыг болур мен“ – дээр болза, ол бак кижи бодун-даа, өске улусту-даа айыыл-халапче киирер.

1 Иоанн 5:10

Бурганның Оглунга бүзүрээр кижи ол херечилелди бодунуң сеткилинге шыгжап чоруур. А Бурганның чугаалаан чүвезинге бүзүревес кижи Ону мегечи кылдыр көргүзер, чүге дээрге ол Бурганның Бодунуң Оглунуң дугайында херечилелинге бүзүревес-тир.

1 Хааннар 6:9

Ооң соонда чүү болурун көрүңер. Бир эвес олар Дээрги-Чаяакчының девискээринче, Бет-Шемешче чоруптар болза, бо улуг хай-халапты Ол биске кылганы ол-дур. А бир эвес өскээр баар болза, биске Ол бак чаңнаваан-дыр, а шупту чүве таварылга бооп болганы ол-дур».