Иеремия 49:3 - Ыдыктыг Библия

³ Эсевон хоорай, ыглап-сыкта, чүге дээрге Гай хоорайны хоозурадыр-дыр! Равва чанында суурларның чурттакчылары, ишкирнигип ыглаңар, качыгдалдың самдар хевин кедиңер, херимнер кыдыы-биле улчуп чоруңар, чүге дээрге Милхом бурганны дайзын ооң бараалгакчылары болгаш нояннары-биле кады тудуп алгаш баар.

Иеремия 49:3 Iomraidhean Croise

2 Хааннар 11:1

Дараазында чылдың эгезинде, хааннар дайылдажыр дээш үнер үеде, Давид Иоавты бодунуң улузу-биле кады – бүгү израиль шеригни чорудуптарга, аммоннарны чылча шаап кааш, оларның найысылалы Равваны бүзээлеп алганнар. А Давид Иерусалимге артып калган чүве-дир.

3 Хааннар 11:33

Мен ынчаар кылыр мен, чүге дээрге Соломоннуң улузу Менден ойталап, сидончуларның бурганы Астартага, моавтарның бурганы Хамоска болгаш аммоннарның бурганы Милхомга мөгейип, Соломоннуң ачазы Давид ышкаш, Мээң оруктарым эдербээн-дир, Мээң тааржыр деп көөр чүвемни кылбайн турган-дыр, Мээң дүрүмнерим, айтыышкыннарымны сагывайн барган-дыр.

3 Хааннар 11:5

Ол сидончуларның кыс бурганы Астартага, аммоннарның чүдек-бужар бурганы Милхомга бараан болуп эгелээн.

4 Хааннар 23:13

Израильдиң хааны Соломон Иерусалимниң чөөн талазынга, Өлүм-чидим дааның мурнуу талазынга сидончуларның чүдек-бужар бурганы Астартага, моав чоннуң бужар бурганы Хамоска, аммон чоннуң чүдек-бужар бурганы Молохка мөгейиишкин кылыр бедик черлер тудуп каан турган. Иосия ол черлерни база бужартадып каапкан.

Эзра 2:28

Вефил биле Гайның чурттакчылары – 223,

Исайя 13:6

Ыглап-сыктаңар, чүге дээрге Дээрги-Чаяакчының шииткелиниң хүнү чоокшулаан-дыр – Күчүлүг Бурган бүрүн буураашкын чоруткан-дыр.

Исайя 14:31

Ыглаңар, хаалгалар! Алгырып ыгла, хоорай! Филистимнер, кортканыңардан дөгере көжүй бериңер! Чүге дээрге соңгу чүктен ыш диргелип кел чыдыр, ол аг-шеригде чыскаалдан чыдып калган кижи чок-тур.

Исайя 15:2

Ооң чурттакчылары бурганнарының өргээзинче чедип келген, Дивоннуң чурттакчылары ыдыктыг черже ыы-сыылыг чедип келген. Моав чон Нево болгаш Медева хоорайлар дээш ыглап-сыктаар – кажыыдал демдээ кылдыр бүгү улустуң бажын таарып, салын чүлүп каан.

Исайя 16:7

Ынчангаш моав чон бодунуң чурту дээш качыгдап, шупту ишкирнип ыглап турар. Ажыг-шүжүгге алыскан улус, Кир-Харешет хоорайга эки-чаагай амыдыралыңарны сактып, ыглажыңар-ла!

Исайя 23:1

Тир хоорай дугайында өттүр билген медеглел бо-дур. Ыглап-сыктаңар, Фарсистен ээп келген корабльдар! Тир хоорай үрелип бузулган-дыр, бүдүн бажың артпаан-дыр. Ол медээ оларга китт черден чеде берген.

Исайя 23:6

Далай эрииниң чурттакчылары, Фарсисче көже бериңер, ыглап-сыктаңар!

Иеремия 4:8

Ынчангаш качыгдал хевинден кеткеш, ишкирнигип ыглажыңар, Дээрги-Чаяакчының килеңи бисти оюп эртер эвес.

Иеремия 46:25

Аг-шериглиг Дээрги-Чаяакчы, Израильдиң Бурганы мынча дээн: «Фивы хоорайда Амон бурганны, фараонну болгаш бүгү Египетти кезедир мен, фараонну болгаш аңаа идегээр бүгү улусту, ол чурттуң бурганнарын, хааннарын кезедир мен!

Иеремия 48:2

Моавтың ат-алдары ам чок. Дайзыннар Эсевон хоорайга удур бак чүве бодап: „Барып, ол аймакты узуткаалы!“ – деп турар-дыр. Мадмена хоорай, сен база өлүр сен, хылыш сени сүрүп чедер.

Иеремия 48:20

Моавтың ады баксыраар, ону узуткап каар. Ишкирнигип ыглап-сыктаңар, Арнон хем эриинге Моавтың хоозураанын чарлаңар.

Иеремия 48:37

Олар шупту муңгаралдан бажын дөңгүрертир таартып, салын чүлүп алган, холунга кезиглер кылып алган, оларның белинде качыгдалдың самдар хеви орааттынган.

Иеремия 48:7

Ажыл-херектериңерге, эртине-байлааңарга идегээн болгаш, силер база туттуруп аар силер. Хамос бурганны, ооң бараалгакчыларын, нояннарын дайзын база тудуп алгаш баар.

Иеремия 49:1

Аммон чон дугайында Дээрги-Чаяакчы мынча дээн: «Израильдиң ажы-төлү чок чүве бе? Ооң салгакчызы чок чүве бе? А Милхом бурган чүге Гадтың черин эжелеп алды, ооң чону чүге Гадтың хоорайларында чурттап турарыл?

Иеремия 51:8

Ынчалза-даа Вавилон хенертен кээп дүшкеш, буступ каар! Ол дээш ыглап-сыктаңар, ооң балыгларынга чаар эмден эккелиңер – экирий бээр чадавас».

Иеремия 6:26

Мээң күжүр чонум! Качыгдалдың самдар хевин кедип ал, хүлге боражып ал, эр чаңгыс оглуңнуң өлүмү дээш кажыыдаан дег, ыглап-сыкта, ондап-оста, чүге дээрге узуткакчы биске хенертен чедип кээр.

Амос 1:15

Оларның хаанын хамык нояннары-биле кады дайзын тудуп алгаш баар». Дээрги-Чаяакчының чугаалаан чүвези ол-дур.

Софония 1:5

Бажыңнар кырындан сылдыстарның аг-шериинге мөгеер улусту, Мээң адым-биле деңге Милхом бурганның ады-биле даңгыраглап, мөгейиг кылыр улусту чок кылып каар мен.

Иаков 5:1

Байлар, ам силер мени дыңнаңар! Ишкирнигип ыглап-сыктаңар, чүге дээрге хай-халаптар силерже диргелип кел чыдар-дыр.

Иисус 7:2

Иисус бодунуң улузун Иерихондан Вефилдиң чөөн талазында Бет-Авенниң чоогунда турар Гай деп хоорайже чорудупкан. «Барып, ол черни билип эккелиңер» – деп, улузунга ол дужааган. Олар баргаш, ол черни көрүп алгаш келгеш,

Иисус 8:1

Дээрги-Чаяакчы Иисуска: «Дайылдажып шыдаар бүгү чонну чыып алгаш, Гайже чорувут. Коргуп сүрээдеве! Сээң холуңга Мен Гайның хаанын, ооң чонун, ооң хоорайын болгаш бүгү черин хүлээдип берип тур мен.

Иисус 8:28

Хоорайны Иисус өрттедипкен – ол мөңгеде хорум даштарже шилчий берген. Амгы үеде-даа ол ындыг хевээр чыдар.