Иеремия 49:2 - Ыдыктыг Библия

² Ынчалза-даа үе кээрге, аммон чоннуң Равва хоорайынга дайын-чааның алгы-кышкызы дыңналыр кылып каар мен! – деп, Дээрги-Чаяакчы медеглээн. – Ол хоорай бузундулар оваазы апаар, ооң чанында хоорай-суурлар отка өрттенир, Израиль бодун чагырган улусту боду чагырып эгелээр – деп, Дээрги-Чаяакчы медеглээн. –

Иеремия 49:2 Iomraidhean Croise

2 Хааннар 11:1

Дараазында чылдың эгезинде, хааннар дайылдажыр дээш үнер үеде, Давид Иоавты бодунуң улузу-биле кады – бүгү израиль шеригни чорудуптарга, аммоннарны чылча шаап кааш, оларның найысылалы Равваны бүзээлеп алганнар. А Давид Иерусалимге артып калган чүве-дир.

Ырлар 48:11

Билдингир болгай: мерген угаанныг-даа улус өлүп каар, олар-биле дөмей – мелегей улус база өлүп каар; кандыг-даа кижи чок апаарга, эртине-байлаа өске улуска артып каар.

Ырлар 97:8

Хемнер адыштарын часказын; даглар хары угда өөрүп-байырлазын!

Исайя 11:14

Олар барыын чүкке филистимнерниң черлеринче шүүргедей ужуп, халдаар, чөөн чүкте чурттаан аймактарны кады үптээр; Эдом биле Моавка удур холун көдүрер, аммон чон оларга чагыртыр.

Исайя 17:1

Дамаск дугайында өттүр билген медеглел бо-дур. «Дыңнаңар, Дамаск моон соңгаар хоорайлар санындан казыттырар, бузундулар оваазы апаар.

Иеремия 4:19

Ишти-хөңнүмнү! Ишти-хөңнүмнү! Чүрээм аарышкыдан харыксырап, чарлыр чыгыы соп тур, ыыттавайн баар аргам чогул. Чүге дээрге трубалар эткенин – дайынчы медээни дыңнап тур мен.

Иеремия 49:1

Аммон чон дугайында Дээрги-Чаяакчы мынча дээн: «Израильдиң ажы-төлү чок чүве бе? Ооң салгакчызы чок чүве бе? А Милхом бурган чүге Гадтың черин эжелеп алды, ооң чону чүге Гадтың хоорайларында чурттап турарыл?

Иезекиил 21:20

Хылыштың чоруп болгу дег оруктарын даап бодап, чуруп ал: бир орук аммон чоннуң найысылал хоорайы Равваже, өске орук – Иудеяже, быжыглалдыг Иерусалимче барзын.

Иезекиил 21:25

«А сен, Израильдиң бужар-бак чагырыкчызы, шииттирер хүнүң келген-дир, бүрүн кеземче көөр шагың четкен-дир – деп, Дээрги-Бурган-Чаяакчы чугаалаан. – Бажыңда оваадайың – дүжүлге демдеглээн бөргүң уштуп салып каг. Моон соңгаар ооң мурнунда турганы дег болбас: базындырганнар көдүрлүр, бедээннер базындырар.

Амос 1:14

Равва хоорайның ханазынга отту кыпсыр мен, ол от ооң шивээлерин чаа-дайын хүнүнде алгы-кышкы аразынга, хат-шуурганныг хүнде казыргыланып келгеш, чиптер.

Авдий 1:19

Негев чурттакчылары Исавтың даглыг чуртун эжелеп аар, Шефела чурттакчылары филистим чоннуң чуртун эжелеп аар; олар Эфремниң черин – Самарияның чоок-кавызын эжелеп аар, а Вениаминниң аймаа Галаад девискээрин эжелеп аар.

Саннар 10:9

Бодуңарның чериңерге силерже халдаан дайзын-биле чаалажып үнүп тура, трубаларны этсиңер, ол аялга Дээрги-Чаяакчы Бурганыңарга силерни сагындырар – Ол силерни дайзыннарыңардан камгалап каар.

Саннар 21:25

Израиль аморларның хамык хоорайларын эжелеп алгаш, оларны ээлеп чурттай берген. Израильчилер Эсевон деп найысылал хоорайны база ооң чоок-кавызында хоорайжыгаштарны эжелеп алган;

Ы. х. к. 13:16

Ол хоорайдан олчалап алган эт-хөреңгини ооң төп шөлүнге оваалай чыггаш, хоорайны база шупту эт-хөреңгини Дээрги-Чаяакчы Бурганыңга салган бүрүн өрттедир өргүл кылдыр өрттедивит; ол кезээ мөңгеде хорумналган бузундулар бооп артсын, ону кажан-даа катап тургуспазын.

Ы. х. к. 3:11

(Васанның хааны Ог дээрзи арткан сөөлгү рефаларның бирээзи турган чүве-дир. Ооң демир оруну аммоннарның Равва хоорайында ам-даа бар болдур ийин. Кыры дурту-биле хемчээрге, ол оруннуң узуну тос кыры, дооразы дөрт кыры болган.)

Иисус 17:11

Иссахар биле Асирниң девискээрлеринден Манассияга Бет-Сан, Ивлеам, Дор, Эн-Дор, Таанах, Мегиддон боттарының чоок-кавызында суурлары, ында бар бүгү чурттакчылары-биле кады хамааржыр. (Ол хоорайларның үшкүзү – Нафат-Дор.)

Иисус 17:16

Иосифтиң салгалдары: «Ийе, биске бо даглыг черлер эвээш-тир. А чавызаашта чурттап турар бүгү хананейлер – Бет-Сан болгаш ол чоок-кавының-даа, Изреел шынаазының-даа чурттакчылары дайынчы демир тергелерлиг болгай» – деп харыылааннар.