Иеремия 48:3 - Ыдыктыг Библия

³ Хоронаимде: „Буурадып, үреп бузуп тур!“ – дээн ыы-сыы дыңналыр.

Иеремия 48:3 Iomraidhean Croise

Исайя 15:2

Ооң чурттакчылары бурганнарының өргээзинче чедип келген, Дивоннуң чурттакчылары ыдыктыг черже ыы-сыылыг чедип келген. Моав чон Нево болгаш Медева хоорайлар дээш ыглап-сыктаар – кажыыдал демдээ кылдыр бүгү улустуң бажын таарып, салын чүлүп каан.

Исайя 15:5

Мээң чүрээм Моав дээш ыглап тур; ооң дескен улузу Сигорже, Эглат-Шелишияга чедир дезип тур; олар Лухитче ыы-сыылыг көдүрлүп, Хоронаим баар орукта боттарының аштырыышкыны дээш ыглажып тур.

Исайя 15:8

Моавтың бүгү кыдыг-кызыгаарында ыы-сыы чаңгыланып тур, улус Эглаимге чедир, Беэр-Элимге чедир ыглажып тур,

Исайя 22:4

Ынчангаш: «Менче көрбеңер, качыгдап, ыглап алыйн. Хөңнүм чазаарын оралдашпаңар, мээң күжүр чонум когаралды көрген болгай» – деп чугаалаан мен.

Иеремия 20:16

Шак ол кижи Дээрги-Чаяакчының кээргел чок узуткап каапкан хоорайлары дег болзун. Ол кижи эртен уё-човуур, дал дүъште – дайын-чааның алгы-кышкызы дыңназын!

Иеремия 47:2

Дээрги-Чаяакчы мынча дээн: «Соңгу чүктен суглар диргелип кел чыдыр, олар үерлээн хем дег агып келгеш, черни база ында бар бүгү чүвени, хоорайларны база чурттакчы чонну хөме алыр. Ынчан аът даваннарының токкулаарындан, дайынчы тергелерниң кедергей шимээнинден, оларның дугуйларының даажындан улус ишкирнигип ыглаар, чурттуң чону ыглажыр. Адалар ажы-төлүнче көрүнмес, чүге дээрге оларның холунуң күжү чидер –

Иеремия 48:34

Эсевондан Элеалеге чедир ыы-сыы дыңналып тур, ында чурттаан улустуң алгы-кышкызы шуут-ла Иаацага чедир, Сигордан Хоронаимге чедир, Эглат-Шелишияга чедир дыңналып тур, чүге дээрге Нимримниң суу соглуп каар-дыр.

Иеремия 48:4

Моав чылча шаптыртыр, ооң ажы-төлүнүң ыы-сыызы дыңналыр.

Иеремия 48:5

Лухитче үнүп бар чыдар улус соксаал чок ыглажыр, Хоронаимче бадар орукта ажыг-шүжүгнүң, хилинчектиң уё-човууру дыңналыр.

Иеремия 51:54

Вавилонда – ыы-сыы, халдей черде – коргунчуг үрегдээшкин!