Иеремия 47:5 - Ыдыктыг Библия

⁵ Муңгаралдан Газа хоорайның чону бажын дөңгүрертир чүлүүр, Аскалон хоорайның чону үн чок апаар. Шынааның дириг арткан чурттакчылары, кажанга чедир боттарыңарны, качыгдалыңар демдээ кылдыр, балыглаар силер?»

Иеремия 47:5 Iomraidhean Croise

3 Хааннар 18:28

Медээчилер улам дыңзыдыр алгыржып, боттарының чаңчылын ёзугаар хылыштар, чыдалар-биле ханын төгүлдүр шаштынып турганнар.

Исайя 15:2

Ооң чурттакчылары бурганнарының өргээзинче чедип келген, Дивоннуң чурттакчылары ыдыктыг черже ыы-сыылыг чедип келген. Моав чон Нево болгаш Медева хоорайлар дээш ыглап-сыктаар – кажыыдал демдээ кылдыр бүгү улустуң бажын таарып, салын чүлүп каан.

Иеремия 16:1

Дээрги-Чаяакчы меңээ Бодунуң сөзүн ажыдып:

Иеремия 16:6

Бо черге ат-сураглыг-даа, карачал-даа улус өлүп каар, оларны орнукшутпас, олар дээш кажыыдавас, кым-даа олар дээш качыгдал демдээ кылдыр мага-бодун балыглавас, бажын чүлүвес.

Иеремия 25:20

египетчилер аразында өске аймак-сөөктүг бүгү улуска; Уц деп черниң бүгү хааннарынга; филистим черниң бүгү хааннарынга – Аскалон, Газа, Экрон хоорайларның болгаш Азот хоорайның артынчызының хааннарынга;

Иеремия 41:5

Сихем, Силом болгаш Самария хоорайлардан сезен кижи чедип келген. Олар качыгдалдан салын чүлүп алган, ора тырткан хептер кеткен, мага-бодунда кезиглерлиг улус болган. Ол улус Дээрги-Чаяакчының өргээзинче далган-тараа өргүлдери болгаш ладан деп чаагай чыттыг чүүл көдүрүп эккел чыткан.

Иеремия 47:1

Фараоннуң Газа хоорайны чылча шаварының бетинде, Дээрги-Чаяакчының Иеремияга филистим чон дугайында ажыдып чугаалаан сөзү бо-дур.

Иеремия 47:4

бүгү филистимнерниң узуткаттырар хүнүнде, Сидон биле Тирниң сөөлгү эвилелчилериниң өлүп каар хүнүнде ындыг болур. Дээрги-Чаяакчы Кафтор ортулуктан келген филистим чоннуң артынчызын узуткап каар!

Иеремия 48:37

Олар шупту муңгаралдан бажын дөңгүрертир таартып, салын чүлүп алган, холунга кезиглер кылып алган, оларның белинде качыгдалдың самдар хеви орааттынган.

Иезекиил 25:16

Ынчангаш Дээрги-Бурган-Чаяакчы: «Мен холумну филистимнерже аннып, керет аймакты, далай эриинде артып калган улусту узуткаар мен.

Иезекиил 7:18

Олар ынчан качыгдалдың самдар хевин кедип, сүрээделге алзыптар, ыятканындан шуптузунуң арыннары өңүн солуур, шуптузу баштарын чүлүттүрер.

Левит 19:28

Өлген улус дээш кажыыдап, мага-бодуңарны чара кеспеңер база шыйбактаваңар, эът-кежиңерге кадап будаан бижимелдер кылбаңар. Мен – Дээрги-Чаяакчы-дыр мен!

Левит 21:5

Бурганның бараалгакчылары кажыыдалын илередип, баштарын дөңгүрерти чүлүвес, салдарының кыдыгларын таартпас база мага-бодунга чара кескен черлер кылбас ужурлуг.

Михей 1:16

Эргим ынак оолдарыңар дээш качыгдап, бажыңар дүгүн чулуп, дас куш ышкаш тас апарыңар, чүге дээрге оларны силерден чарып, тудуп аппаар-дыр.

Марк 5:5

Ол кижи дүне-хүндүс дивейн, чевеглер, тейлер аразынга алгырып-кышкырып, даштар-биле соккуланып чоруур турган.

Ы. х. к. 14:1

«Силер – Дээрги-Чаяакчы Бурганыңарның ажы-төлү силер; өлү берген улус дээш кажыыдаарда, мага-бодуңарны чара кеспеңер, хавааңар үстүнде бажыңар дүгүн дөңгүрертир чүлүвеңер,

Баштыңчылар 1:18

Иуданың аймаа Газа, Аскалон болгаш Экрон хоорайларны чоок-кавы девискээрлери-биле база чаалап алган.