Иеремия 44:8 - Ыдыктыг Библия

⁸ Силер Египетке чурттаар дээш көже бергеш, боттарыңарның холуңар-биле дүрзүлер кылып база хары бурганнарга айдызаашкын кылып, Мени килеңнедип турар-дыр силер. Боттарыңарны чок кылып аар силер база чер-делегейниң бүгү чоннарынга каргаттырарынга, оларның мурнунга адыңар баксыраарынга чыгаттырар силер.

Иеремия 44:8 Iomraidhean Croise

2 Чылдар 7:20

Мен израиль чонну силерге берген Мээң черимден дазылы-биле тура тыртып каар мен, Бодумнуң алдар-адымга дээш ыдыктап кааным бо өргээден ойталаар мен. Израильди ынчан бүгү чоннарга бужар үлегер-чижек, кочу-шоот кылып каар мен.

Исайя 19:1

Египет дугайында өттүр билген медеглел бо-дур. Дыңнаңар, Дээрги-Чаяакчы чоруккур булутта саадапкан, Египетче кел чыдыр. Египеттиң дүрзү-бурганнары Ону көргеш, сириңейнип тур, египетчилерниң чүректери кортканындан шапкыланып тур.

Исайя 3:8

Иерусалим буураар, Иудея кээп дүжер, чүге дээрге оларның сөстери биле ажыл-херектери Дээрги-Чаяакчыга удурланышкак, өндүр бедик Ону дорамчылап турар болган.

Исайя 65:15

Силерниң аттарыңар Мээң шилип алган улузумга каргыш бооп артар. Дээрги-Бурган-Чаяакчы силерни өлүмге хүлээдир, а Бодунуң чалчаларынга өске ат тыпсыр.

Иеремия 11:12

Иудеяның хоорайлары, Иерусалимниң чурттакчылары боттарының айдызап турган бурганнарын кыйгырар, ынчалза-даа айыыл-халап үезинде бурганнары оларны камгалап шыдавас.

Иеремия 11:17

Израиль биле Иудеяның улузу, силерни тарып олуртуп каан Аг-шериглиг Дээрги-Чаяакчы боттарыңарның араңарга кылып турган бузудуңар дээш силер-биле айыыл-халап боорун чугаалаан. Силер Ваал бурганга айдызаашкын кылып, Мени килеңнедип турган болгай силер».

Иеремия 18:16

Бо чон бодунуң черин хоозураашкынга, мөңге кочулалга чыгаткан-дыр. Ооң чаны-биле эрткен кижи бүрүзү элдепсинип, бажын чаяр.

Иеремия 24:9

Мен оларны чер-делегейниң бүгү күрүнелеринге коргунчуг айыыл-халаптың бужар үлегер-чижээ кылып каар мен, оларны үндүр сывырарым чер бүрүзүнге оларның адын баксырадыр мен, оларны дорамчылал, кочулал болгаш каргышка таварыштырар мен.

Иеремия 26:6

Силом-биле кылган чүвемни бо өргээ-биле кылыр мен, а бо хоорайны чер-делегейниң бүгү чоннарынга каргаттырарынче чыгаар мен“».

Иеремия 29:18

Мен оларны дайын-чаа, аш-чут болгаш хамчык аарыг-биле истеп-сүрер мен. Оларны чер-делегейниң бүгү күрүнелеринге коргунчуг үлегер-чижек кылып каар мен, үндүр сывырарым чер бүрүзүнге оларны каргыш, хоозурал, кочулал болгаш дорамчылалга таварыштырар мен.

Иеремия 32:30

Чүге дээрге Израиль биле Иудеяның чону аныяандан-на Мээң мурнумга чүгле бузут үүлгедип турган; израиль чон бодунуң ажыл-херектери-биле Мени чүгле килеңнедип турган – деп, Дээрги-Чаяакчы медеглээн. –

Иеремия 42:18

Аг-шериглиг Дээрги-Чаяакчы, Израильдиң Бурганы мынча дээн: „Мээң кыптыккан килеңим Иерусалимниң чурттакчыларын бүргей алганы дег, Египетке чеде бээриңерге, силерни база бүргей алыр. Силер каргышка, хоозуралга, адыңар баксыраарынга, дорамчылалга чыгаттырар силер, бо черни моон соңгаар көрбес силер“.

Иеремия 44:12

Египетке чурттаар деп шиитпирлээш, чоруп турар дириг арткан иудейлерни чок кылыр мен – олар шупту аңаа узуткаттырып, кырлып каар. Олар дайын-чаа биле аш-чутка узуткаттырар, кырган-аныяа чокка, дайын-чаа, аш-чуттан өлүп каар. Каргыш биле хоозуралдың, дорамчылал биле бак атка кирериниң үлегер-чижээ апаарлар.

Иеремия 44:3

Чүге дээрге оларның чурттакчылары бузут үүлгедип, Мени килеңнедип турган – олар боттарының-даа, силерниң-даа, ада-өгбеңерниң-даа билбес чорааны хары бурганнарга мөгейип, айдызаар өргүл кыпсып, бараан болуп турган.

Иеремия 44:7

Дээрги-Чаяакчы, Израильдиң Аг-шериглиг Бурганы мынча дээн: «Чүге силер ам-даа боттарыңарга удур кедергей улуг бузут үүлгедип турарыңар ол? Чүге боттарыңарны иудей чондан үзе шаап, эр, херээжен улусту, элээди, чаш ажы-төлдү, силерниң араңарга артынчы безин артпас кылдыр узуткап турарыңар ол?

Иеремия 7:9

Оорланыр, кижи өлүрер, самыыраар, мегелеп даңгыраглаар, Ваал бурганга айдызаашкын кылыр, билбес чорааныңар өске бурганнарга мөгеер-дир силер,

Иезекиил 33:11

Оларга мону дамчыт. Дириг Бодумнуң адым-биле даңгыраглап тур мен: Мен бачыттыгларның өлүмүн эвес, а боттарының оруктарындан чайлап, амы-тынныг артарын күзеп тур мен – деп, Дээрги-Бурган-Чаяакчы медеглээн. – Менче эглип келиңер, бузуттуг оруктарыңардан чайлаңар! Израиль чон, чүге өлүр ужурлуг сен?!

Иезекиил 9:6

Кырганнарны-даа, аныяк оол-кысты-даа, чаш уругларны-даа, херээженнерни-даа узуткаңар, чүгле демдектеп каан улустуң чаңгызынга-даа дегбеңер. Мээң ыдыктыг өргээмден эгелеп алыңар». Ынчангаш олар Бурганның өргээзиниң мурнунда турган баштыңнардан эгелеп алдылар.

Осия 4:13

Олар даглар баштарынга өргүлдерин эккеп салып, тейлер кырынга бүгү улуг хөлегелиг ыяштар адаанга айдызаашкын кылып турар. Ынчангаш силерниң кыстарыңар самыырап, кенээттериңер ашактарынга өскерлип турар.

Аввакум 1:16

Четкилери аңаа бай-шыырак чурттап, эки-чаагай аъш-чем чиир арга бээр боорга, ол дайзын четкизинге өргүл салып, айдызап турар-дыр!

Ы. х. к. 32:25

Даштыгаа ажы-төлдү хылыш кыргып-хыдып каар, бажыңнарга база аныяк оол-кысты-даа, чаш төлдү-даа, буурул баштыг ирейни-даа коргунчуг өлүм манап турар.

Еврейлерге 3:16

Бурганның үнүн дыңнааш, Аңаа удур үймээн үндүрген кымнарыл ол? Моисейниң Египеттен үндүрүп эккелген улузу шупту эвес ийикпе?