Иеремия 44:5 - Ыдыктыг Библия

⁵ Ынчалза-даа иудейлер тооп дыңнавааннар, кулактарын ээктирбээннер, боттарының бузудундан ойталавааннар, хары бурганнарга айдызаашкын кылырын уламчылап турганнар!

Иеремия 44:5 Iomraidhean Croise

2 Чылдар 36:16

Иудейлер Бурганның ыдып турган төлээлекчилерин дорамчылап кочулап, Ооң сөстерин тоовайн, Ооң медээчилерин бак сөглеп турган. Адак сөөлүнде Дээрги-Чаяакчының килеңи Ооң чонунче кыптыгып, ону кым-даа оожургадып шыдавас апарган.

Неемия 9:30

Сен оларны хөй чыл шыдажып келдиң. Бодуңнуң медээчилериң дамчыштыр Бодуңнуң Сүлдең-биле оларны сагындырып турдуң, ынчалза-даа олар тооп дыңнавайн келди. Ынчангаш Сен оларны өске чер чурттуг чоннарның холунга хүлээдип бердиң.

Исайя 48:18

О, Мээң айтыышкыннарымны сен тооп дыңнаан болзуңза! Ынчан сээң чаагай чорууң хем ышкаш агар ийик, чедимче сени далай чалгыы дег хөме аптар ийик.

Исайя 48:4

Силерниң чөрүүңерни – мойнуңарның сиирлери демирден, хавааңар хүлерден бүткенин билир турган мен.

Иеремия 11:10

Олар боттарының ада-өгбезиниң кем-буруузунче эглип келген-дир. Олар Мээң сөстеримни тооп дыңнаарындан ойталап, өске бурганнарга мөгейип, бараан болуп турду. Израиль биле Иудеяның улузу Мээң оларның ада-өгбези-биле чарган чагыг-керээмни үреди» – деп чугаалаан.

Иеремия 11:13

Иудея, сээң кандыг-даа хоорайың боду бурганныг болгай. Иерусалимниң кудумчу бүрүзүнде чүдек-бужар Ваал бурганга айдызаар өргүл бедигээжи тургузуп алган силер.

Иеремия 11:17

Израиль биле Иудеяның улузу, силерни тарып олуртуп каан Аг-шериглиг Дээрги-Чаяакчы боттарыңарның араңарга кылып турган бузудуңар дээш силер-биле айыыл-халап боорун чугаалаан. Силер Ваал бурганга айдызаашкын кылып, Мени килеңнедип турган болгай силер».

Иеремия 11:8

Ынчалза-даа олар тооп дыңнавады, кулаан ээктирбеди, кижи бүрүзү бодунуң бузуттуг чүрээниң чөрүү чоруунуң аайы-биле чурттап турду. Мен Бодумнуң чагыг-керээмни оларга күүседир кылдыр айтып-чагаан мен, ынчалза-даа олар күүсетпейн турду. Ынчангаш бо чагыг-керээниң бүгү каргыштары олар-биле чогуп бүдер кылып каар мен» – деп чугаалаан.

Иеремия 13:10

Бо бузуттуг чон Мээң сөстеримни тооп дыңнаарындан ойталап, чөрүү чүрээниң аайынга кирип, өске бурганнарга мөгейип, оларга бараан болуп, сөгүрүп турар-дыр! Ол чон канчаар-даа ажыглаттынмас бо кур ышкаш апаар.

Иеремия 19:13

Иерусалимниң бажыңнары, Иудеяның хааннарының бажыңнары – улус оларның кырынга сылдыстарның аг-шериинге айдызаашкын кылып, өске бурганнарга арага чажып турган бүгү бажыңнар Тофет ышкаш арыг эвес апаар“».

Иеремия 43:4

Карейниң оглу Иоханан, бүгү шериг баштыңнары болгаш бүгү чон Дээрги-Чаяакчының «Иудеяга артып калыңар!» дээн айтыышкынын тооп дыңнавайн барган.

Иеремия 7:24

А олар тооп дыңнавады, кулаан Менче ээктирбеди, боттарының угаап билир аайы-биле, чөрүүленген бузуттуг чүректериниң аайы-биле чурттап чордулар – Менче көрүнмейн, хая көрнү бердилер.

Даниил 9:6

Сээң чалча-медээчилериң Сээң адыңдан бистиң хааннарывыска, чагырыкчыларывыска, бистиң өгбелеривиске – бистиң чуртувустуң бүгү чонунга чүве чугаалаарга, дыңнавайн турдувус.

Осия 11:2

Израильчилерни медээчилерим кыйгырып турда-ла, олар ырап, Ваал бурганның дүрзүлеринге өргүлдер эккеп салып, шуткуп, чазаан дүрзүлерге мөгейип, айдызаашкын кылып турганнар.