Иеремия 44:2 - Ыдыктыг Библия

² Аг-шериглиг Дээрги-Чаяакчы, Израильдиң Бурганы мынча дээн: «Иерусалимге болгаш Иудеяның бүгү хоорайларынга таварыштырганым айыыл-халапты көрген силер. Ол хоорайлар амгы үеде бузундулар апарган, ында чурттакчылар артпаан.

Иеремия 44:2 Iomraidhean Croise

4 Хааннар 21:13

Мен Иерусалимни хынап, аңаа кеземчени, Самарияга болгаш Ахавтың үре-салгалынга хемчээп бергеним дег, хемчээп бээр мен. Аякты чодары дег, Иерусалимни чодар мен – чоткаш, доңгайтыр салып каар мен.

Хосталыышкын 19:4

„Египетчилер-биле чүнү кылганымны база силерни эзир чалгыннарынга дажыглап, Бодумче эккелгенимни көрген силер.

Исайя 24:12

Хоорайга чүгле хоозурал артар, ооң хаалгаларын буза шаап кааптар.

Исайя 6:11

Мен ынчан: «Кажанга чедир ындыг болурул, Дээрги?» – деп айтырдым. Ол меңээ: «Хоорайлар ээнзиреп, чурттакчы чок арткыжеге чедир, бажыңнар октаттына бергижеге, шөлдер ээнзиреп, хоозурап калгыжеге чедир;

Иеремия 25:11

Бүгү бо чер ээнзиреп хоозураар, бо чоннар чеден чыл дургузунда Вавилоннуң хаанынга кулдандырар.

Иеремия 34:22

Мен ам дужаал бээр мен – деп, Дээрги-Чаяакчы медеглээн, – дайзыннарны бо хоорайже ээлдирер мен, олар ооң-биле чаалашкаш, эжелеп алгаш, өрттедиптер. Иудеяның хоорайларын хоозурадыр мен, олар чурттакчы чок артар».

Иеремия 4:7

Шырыштан үнүп келген арзылаң дег, чоннарны узуткаар хаан кел чыдар-дыр, ол силерниң чериңерни хоозурадыр дээш бодунуң чыдынындан туруп келген-дир. Узуткакчы хоорайларыңарны үреп бузуп кааптарга, оларга чурттакчылар артпас».

Иеремия 44:22

Дээрги-Чаяакчы силерниң бузуттуг херектериңерни, үүлгедип турган чүдек-бужар чүүлдериңерни оон ыңай шыдажыр аргазы чок апарган, ынчангаш ам силерниң чериңер бузундулар апарган, хоозурал болгаш каргыш бооп хуула берген, ында чурттакчылар артпаан-дыр!

Иеремия 44:23

Айдызаашкын кылып, Дээрги-Чаяакчының мурнунга бачыт үүлгедип, Ооң сөзүн тооп дыңнавайн, ооң хоойлу, дүрүмнери болгаш айтыышкыннарын ёзугаар чурттавайн турганыңар дээш, ол бүгү айыыл-халап ам силерни хөме тавараан-дыр».

Иеремия 7:34

Иудеяның хоорайларынга, Иерусалимниң кудумчуларынга өөрүшкү биле хөглээшкин үнү, күдээ оол биле келин кыстың үнү дыңналбас кылдыр кылып каар мен, чүге дээрге бо черге бузундулар артар.

Иеремия 8:3

Шак ол бузуттуг аймактың дириг арткан улузунга өлүм амыдыралдан күзенчиг апаар! Мээң оларны үндүр сывырыпканым чер бүрүзүнге, каяа-ла олар дириг артар болдур, ындыг болур» – деп, Аг-шериглиг Дээрги-Чаяакчы медеглээн.

Иеремия 9:11

«Мен Иерусалимни бузундулар оваазы, шөө-бөрүлер чурттаар чер кылып каар мен, Иудеяның хоорайларын хоозурадыр мен, оларга чурттакчылар артпас».

Ыы-сыы 1:1

Аа халак! Аажок хөлдүг хоорай-даа ээнзирээн-дир. Көвей чоннар агайы ам дулгуяк дег. Чурттарның кадыны ам албадаткаш, ажыл кылыр үүлелиг! ב (бет)

Ыы-сыы 1:16

Үргүлчү ыглаар ужурум ол; ийи караам суун иштим. Сорук-күжүм омакшыдар аргалакчы ырай берди. Дайзыннарның күжү дендеп, ажы-төлүм качыгдады». פ (пе)

Ыы-сыы 5:18

Ээнзирээн Сион даанда дилгилер ам димзенип тур.

Даниил 9:12

Бурганның биске болгаш бистиң баштыңчыларывыска чугаалаан сөстери бүткен-дир: Ол бисче коргунчуг айыыл-халапты чорудупкан – Иерусалимге болган дег халап чырык чер кырынга кажан-даа болуп көрбээн.

Левит 26:31

Силерниң хоорайларыңарны ээнзиредир мен, ыдыктыг дээн черлериңерни хоозурадыр мен база өргүлдериңерниң чаагай чыдын таарымчалыг деп көрүп тынмас мен.

Левит 26:43

А ооң бетинде ол улус бо черни каггаш чоруптарга, олар чокта, ээнзиреп каар чер дыштанмааны амыр-дыш чылдарының орнун тургузуп алыр. А ол улус кем-буруузу дээш – Мээң хоойлуларымны тоовайн турганы база Мээң дүрүмнеримден хая көрнүп турганы дээш – кеземчени хүлээп алыр.

Михей 3:12

Ынчангаш силерниң хайыңар-биле Сионну шөл ышкаш аңдарып кааптар, Иерусалим бузундулар оваазы апаар, Бурганның өргээзин туткан даг арга-ыяш үнген чер апаар.

Захария 1:6

А Мээң чалча-медээчилеримге айыткаан сөстерим ада-өгбеңер-биле боттанмаан чүве бе? Олар ынчан бачыттарын миннип: „Аг-шериглиг Дээрги-Чаяакчы биске хамаарыштыр, Боду канчаар доктаадып кааныл, ынчаар кылды – бистиң оруктарывыс болгаш үүлгедиглеривис ёзугаар кылды“ – дээн болгай».

Ы. х. к. 29:2

Моисей бүгү израиль чонну чыылдырып алгаш, чугаалаан: «Дээрги-Чаяакчының египет черге, силер көрүп туруңарда, фараон-биле, ооң шупту дүжүметтери болгаш чурту-биле кылган бүгү чүүлүн көрген болгай силер:

Иисус 23:3

Дээрги-Чаяакчы Бурганыңар силер дээш бо шупту чоннарга чүнү кылганын бодуңар көрдүңер. Силерниң талаңарга Ол Боду дайылдажып турган болгай!