Иеремия 44:12 - Ыдыктыг Библия

¹² Египетке чурттаар деп шиитпирлээш, чоруп турар дириг арткан иудейлерни чок кылыр мен – олар шупту аңаа узуткаттырып, кырлып каар. Олар дайын-чаа биле аш-чутка узуткаттырар, кырган-аныяа чокка, дайын-чаа, аш-чуттан өлүп каар. Каргыш биле хоозуралдың, дорамчылал биле бак атка кирериниң үлегер-чижээ апаарлар.

Иеремия 44:12 Iomraidhean Croise

Исайя 1:28

А Бурганга удур тура халаан улус бачыттыглар-биле кады узуткаттырар. Дээрги-Чаяакчыдан ойталаан улус өлүп каар.

Исайя 65:15

Силерниң аттарыңар Мээң шилип алган улузумга каргыш бооп артар. Дээрги-Бурган-Чаяакчы силерни өлүмге хүлээдир, а Бодунуң чалчаларынга өске ат тыпсыр.

Иеремия 16:4

«Олар хилинчектиг өлүм-биле өлүр, улус олар дээш кажыыдавас, оларны орнукшутпас – черге өдек дег чыдып каарлар. Олар дайын-чаа биле аш-чутка узуткаттырып аар, оларның мөчү-сөөктери дээрниң куштарынга, черниң аң-араатанынга чемиш болур» – деп чугаалаан.

Иеремия 18:16

Бо чон бодунуң черин хоозураашкынга, мөңге кочулалга чыгаткан-дыр. Ооң чаны-биле эрткен кижи бүрүзү элдепсинип, бажын чаяр.

Иеремия 24:9

Мен оларны чер-делегейниң бүгү күрүнелеринге коргунчуг айыыл-халаптың бужар үлегер-чижээ кылып каар мен, оларны үндүр сывырарым чер бүрүзүнге оларның адын баксырадыр мен, оларны дорамчылал, кочулал болгаш каргышка таварыштырар мен.

Иеремия 26:6

Силом-биле кылган чүвемни бо өргээ-биле кылыр мен, а бо хоорайны чер-делегейниң бүгү чоннарынга каргаттырарынче чыгаар мен“».

Иеремия 29:18

Мен оларны дайын-чаа, аш-чут болгаш хамчык аарыг-биле истеп-сүрер мен. Оларны чер-делегейниң бүгү күрүнелеринге коргунчуг үлегер-чижек кылып каар мен, үндүр сывырарым чер бүрүзүнге оларны каргыш, хоозурал, кочулал болгаш дорамчылалга таварыштырар мен.

Иеремия 29:22

Оларны сактып, Вавилонче көжүрткен иудейлер аразынга: „Седекия болгаш Ахав-биле болган чүвени Дээрги-Чаяакчы сээң-биле база кылзын!“ – деп каргыш тыптыр. (Вавилоннуң хааны оларны отка хаарган.)

Иеремия 42:1

Бүгү шериг баштыңнары, Карейниң оглу Иоханан, Гошайяның оглу Иазания болгаш улуг-биче бүгү чон

Иеремия 42:22

Ынчангаш ыяк билип алыңар: барып чурттаар деп турар чериңерге дайын-чаа, аш-чут болгаш хамчык аарыгдан өлүр силер!»

Иеремия 43:11

Ол хаан чедип келгеш, Египетти чылча шавар. Өлүр хүнү келген кижи өлүмче барзын, туттуруп аары чайлаш чок кижи туттуруп алзын, хылышка шаштырар кижи хылыштан калзын!

Иеремия 44:22

Дээрги-Чаяакчы силерниң бузуттуг херектериңерни, үүлгедип турган чүдек-бужар чүүлдериңерни оон ыңай шыдажыр аргазы чок апарган, ынчангаш ам силерниң чериңер бузундулар апарган, хоозурал болгаш каргыш бооп хуула берген, ында чурттакчылар артпаан-дыр!

Осия 4:6

Мээң чонум билииниң четпезинден кырдырып аар; билигни хүлээп көрбээн бооруңга, Мен база сени Меңээ бараалгаар кылдыр хүлээп көрбес мен, Бурганыңның хоойлузун уттупкан бооруңга, Мен база сээң ажы-төлүңнү уттуптар мен.

Осия 9:6

Израильчилер чылча шаптырыышкындан чайлай берзе-даа, Египет оларны чыггаш, Мемфиске хөөржүдүп каар. Оларның мөңгүнден кылган улуг үнелиг чүүлдерин шагар-оът дуй аптар, чадырларынга тенниг үнүштер үнүп кээр.

Захария 8:13

Иудеяның чону, Израильдиң чону, силер өске чоннар аразында каргыштыг бооп турган силер, ынчалза-даа Мен силерни камгалап каар мен, силер йөрээлдиг апаар силер. Кортпаңар, холдарыңар күш-шыдал кирзин!»

Саннар 5:27

Сугну херээженге ижирткен соонда, ол бужар бооп, ашаанга өскерилген болза, каргыш халдадыр суг ооң иштинче киргеш, ажыг-човалаң көргүзер – ооң уруг савазы кургап, хырны сиңе бээр, ол херээжен чонунуң аразынга каргаттырар.