Иеремия 44:1 - Ыдыктыг Библия

¹ Дээрги-Чаяакчының Иеремияны дамчыштыр Египетте – Мигдолда, Тафнисте, Мемфисте болгаш Патрос девискээринде чурттап турар бүгү иудейлерге ажыдып чугаалаан сөзү бо-дур.

Иеремия 44:1 Iomraidhean Croise

Эге дөс 10:14

патрус чон, каслух чон (а олардан филистим чон тывылган) болгаш кафтор чон.

Хосталыышкын 14:2

«Израиль чонга мону чугаала. Олар дедир эггеш, Пи-Гахироттуң баарынга, Мигдол биле Кызыл далайның аразынга, Ваал-Цефоннуң дужунга турлагжып алзын.

Исайя 11:11

Ол хүн кээрге, Дээрги холун катап база сунгаш, Бодунуң чонунуң артынчызын Ассириядан, Египеттиң девискээрлеринден, Эфиопиядан, Эламдан, Сеннаардан, Хамат хоорайдан болгаш далайда ортулуктардан дедир эгидип аар.

Исайя 19:13

Цоанның нояннарының угааны четпес-тир, Мемфис хоорайның нояннары дуурайлаттырган-дыр; Египетти ооң аймактарының баштыңнары оруундан астыктырган-дыр.

Иеремия 2:16

Мемфис биле Тафнис хоорайларның чурттакчылары сээң бажыңны чара шаап кагды.

Иеремия 24:8

А кижи чиир аргажок, ирик чимистер дугайында Дээрги-Чаяакчы мынча дээн: «Иудеяның хааны Седекияны, ооң нояннарын, Иерусалимде база бо чуртта арткан бүгү өске улусту, Египетте чурттап турар бүгү израильчилерни ол багай фига чимизи ышкаш аажылаар мен.

Иеремия 43:13

Ол хаан Египетте Хүн-бурганның өргээзинде тураскаал адагаштарны үреп кааптар, египет бурганнарның өргээлерин хуюкталдыр өрттедиптер“».

Иеремия 44:15

Кадайлары хары бурганнарга айдызаар өргүл кыпсып турарын билир бүгү эр улус, аңаа мөөңнелип чыылган бүгү херээжен улус, египет черге, Патроска чурттап турган бүгү чон Иеремияга мынча деп харыылаан:

Иеремия 46:14

«Египетке медээлеңер, Мигдол, Мемфис биле Тафнис хоорайларга мону чарлаңар: „Чыскаалыңар, белен болуңар, чүге дээрге долгандыр турар бүгү чүвени хылыш кыргып-хыдып тур!“

Иеремия 46:19

Египеттиң чурттакчылары, эт-севиңер чыып, өскээр көжеринге белеткенип алыңар! Чүге дээрге Мемфис хоозураар, ону үреп бузар, аңаа чурттакчы артпас.

Иезекиил 29:10

Ынчангаш Мен сеңээ, сээң хемнериңге удур апардым. Египет черни соңгу чүкте Мигдол хоорайдан эгелээш, мурнуу чүкте Сиена хоорайга, мырыңай Эфиопияның кызыгаарынга чедир хоозураан ээн кургаг хову кылып каар мен.

Иезекиил 29:14

Оларга эки чолду эгиткеш, Патрос деп черже, оларның ада-өгбезиниң черинче дедир чандырар мен. Олар аңаа кошкак күрүнелиг болур.

Иезекиил 30:13

Дээрги-Бурган-Чаяакчы мынча дээн: «Мен Египеттиң дүрзү-бурганнарын узуткаар мен, Мемфис хоорайда хоозун дүрзүлерни чок кылыр мен. Египетке моон соңгаар чагырыкчы турбас, ол чер коргуушкунга алзыптар.

Иезекиил 30:14

Мен Патрос девискээрни хоозурадып, Цоан хоорайже от ыдып, Фивы хоорайга шииткел онаар мен.

Иезекиил 30:16

Египетче от ыдар мен, Син хоорай хинчектенип сирилээр. Дайзын Фивыны эжелеп аар, чырык хүндүс Мемфисче халдап кээр.

Иезекиил 30:18

Кажан Мен Тафнис хоорайга Египеттиң чагыргазын буурадып каарымга, аңаа хүндүс бүлүртүң апаар, ооң турамык күчү-күжү чиде бээр. Ону булут дуглаар, ооң уругларын тудуп алгаш баар.

Осия 9:6

Израильчилер чылча шаптырыышкындан чайлай берзе-даа, Египет оларны чыггаш, Мемфиске хөөржүдүп каар. Оларның мөңгүнден кылган улуг үнелиг чүүлдерин шагар-оът дуй аптар, чадырларынга тенниг үнүштер үнүп кээр.