Иеремия 41:1 - Ыдыктыг Библия

¹ Чеди айда Мицпа хоорайга, Ахикамның оглу Годолияга Элишаманың оглунуң оглу, Нафанияның оглу Измаил бодунуң он кижизи-биле кады чедип келген. Измаил болза хаан уктуг, дээди дүжүметтерниң бирээзи боор кижи турган. Годолия биле Измаил Мицпага кады чемненип, дойлааннар.

Иеремия 41:1 Iomraidhean Croise

2 Хааннар 3:27

Авенир Хевронга чедип кээрге, Иоав ону бүдүү чугаалажыр дээн кижи бооп хоорайның хаалгазынче киире бергеш, ооң иштинче шанчыпкан. Иоав дуңмазы Асаил дээш өжээн негеп, Авенирни ынчалдыр өлүрүп каан.

4 Хааннар 11:1

Охозияның авазы Гофолия оглунуң өлүп калганын дыңнааш, ол дораан хаан уктуг бүгү улусту узуткап каапкан.

4 Хааннар 25:22

Вавилоннуң хааны Навуходоносор ооң Иудеяга арттырып каан чонунуң чагырыкчызы кылдыр Шафанның оглунуң оглу, Ахикамның оглу Годолияны томуйлап каан.

4 Хааннар 25:25

Ынчалза-даа чеди айда Элишаманың оглунуң оглу, Нафанияның оглу, хаан уктуг Измаил он кижизи-биле кады келгеш, Годолияны база ооң-биле кады Мицпага турган иудейлер болгаш халдейлерни өлүрүп каан.

2 Чылдар 22:10

Охозияның авазы Гофолия оглунуң өлүп калганын дыңнааш, ол дораан Иудеяда хаан уктуг бүгү улусту узуткап каапкан.

Ырлар 109:5

Дээрги сээң-биле кады-дыр. Ол Бодунуң килеңиниң хүнүнде хааннарны чылча шаап каар.

Ырлар 41:9

Дээрги-Чаяакчы хүндүс меңээ энерел көргүзер, дүне мен Аңаа аян тудуп, ырлап бээр мен – тынгарыкчы Бурганымга мөргүүрүм ол.

Чугаалар 13:10

Хоозун кижи турамык чоруу-биле чүгле алгыш-кырыш үндүрер, а арга-сүме дыңнаар улус мерген угаанны тып алыр.

Чугаалар 27:4

Килең – каржы, күштүг килең – үерлээн суг дег, ынчаарга хүннээчел кижиге удур туржуп шыдаар кижи бар бе?

Иеремия 36:12

Михей оон хаанның ордузунче чорупкаш, бижээчилер өрээлинче кире берген. А ынчан аңаа бүгү нояннар: Элишама бижээчи, Семайяның оглу Делайя, Ахборнуң оглу Элнафан, Шафанның оглу Гемария, Ананияның оглу Седекия болгаш өскелер-даа олурган.

Иеремия 36:20

Нояннар ордуда хаанче чорупкан, а дүрүгнү Элишама бижээчиниң өрээлинге арттырып каан. Олар хаанга бүгү сөстерни дамчыткан.

Иеремия 39:14

Иеремияны эккелзин дээш чорудупкан. Иеремияны таңныылдар шөлүнден үндүргеш, Шафанның оглунуң оглу, Ахикамның оглу Годолияга, ол ону бажыңынга чедирип кагзын дээш, хүлээдип берген. Иеремия чонунуң аразынга чурттап артып калган.

Иеремия 40:13

Карейниң оглу Иоханан база хову-шөлдерге турган бүгү шериг баштыңнары Мицпада Годолияга чедип келгеннер.

Иеремия 40:5

Бир эвес артып каар болзуңза, Шафанның оглунуң оглу, Ахикамның оглу Годолияже чоруй бар. Вавилоннуң хааны аңаа Иудеяның хоорайларын чагыртып каан-дыр. Ооң чанынга, бо чоннуң аразынга чурттап тур азы кайнаар баарын эки деп санаар-дыр сен, ынаар чоруй бар». Оон камгалакчы шериглер даргазы Иеремияга аъш-чем, белек-селек бергеш, салып чорудупкан.

Иеремия 40:6

Иеремия Мицпа хоорайга, Ахикамның оглу Годолияга чедип келгеш, ооң чанынга, ол чуртта артып калган улус аразынга чурттап турган.

Иеремия 40:7

Хову-шөлдерге турган иудей шериг баштыңнары база оларның улузу Вавилоннуң хааны Ахикамның оглу Годолияны тус чер чагырыкчызы кылдыр томуйлап, аңаа эр, херээжен улусту, уруг-дарыгны, чурттуң Вавилонче сүрүп аппарбаан ядыы чурттакчыларын даасканын дыңнап кааннар.

Иеремия 40:8

Ынчан Нафанияның оглу Измаил, Карейниң оолдары Иоханан биле Ионафан, Танхуметтиң оглу Серайя, Нетофа чурттуг Офайның оолдары болгаш Мааха чурттуг Иазания олар боттарының улузу-биле Мицпа хоорайже, Годолияга чедип келгеннер.

Иезекиил 17:13

Вавилоннуң хааны Иудеяның хаанының хан төрелинден өске кижини шилип алгаш, ооң-биле керээ чарып, даңгырак-биле хүлээндирип алган. Ол оон чурттуң баштың улузун база эдертип аппарган –

Иоанн 13:18

«Силерниң шуптуңарның дугайында чугаалавадым: шилип алган улузумну Мен билир мен. Ынчалза-даа Бижилгениң: „Мээң хлевим чип орган кижи Менче таваңгайын карарты“ дээн сөстери чогуп бүтсүн.