Иеремия 4:8 - Ыдыктыг Библия

⁸ Ынчангаш качыгдал хевинден кеткеш, ишкирнигип ыглажыңар, Дээрги-Чаяакчының килеңи бисти оюп эртер эвес.

Иеремия 4:8 Iomraidhean Croise

Исайя 10:4

Силер туттурган улус аразынга харыксырап олура дүжер азы өлүрткен улус аразынга чыда дүжер силер. Ынчан безин Дээрги-Чаяакчының килеңи чайлаттынмас, Ооң холу ам-даа силерни кезедип, көдүрлүр.

Исайя 13:6

Ыглап-сыктаңар, чүге дээрге Дээрги-Чаяакчының шииткелиниң хүнү чоокшулаан-дыр – Күчүлүг Бурган бүрүн буураашкын чоруткан-дыр.

Исайя 22:12

Аг-шериглиг Дээрги-Бурган-Чаяакчы силерге ол хүн ыглап-сыктаарын, качыгдалдан бажыңарны дөңгүрертир чүлүп, самдар хепти кедерин сүмелээн.

Исайя 32:11

Сагыш амыр херээженнер, сүрээдеңер, тоор чүвези чок кыстар, сирилеңер! Хевиңер уштуп октапкаш, качыгдал хевин орааттынып алыңар.

Исайя 5:25

Ол дээш, Дээрги-Чаяакчының килеңи Ооң чонунче кыптыгар; Ол Бодунуң холун оларже көдүрүп, эттеп-согар. Даглар сирилей бээр, улустуң мөчү-сөөктери кудумчуларда өдек-бок дег чыдып бээр. Ынчан безин Ооң килеңи чайлаттынмас, Ооң холу ам-даа улусту кезедип, көдүрлүр!

Исайя 9:12

Арамейлер чөөн чүктен, филистимнер – барыын чүктен халдап келгеш, Израильди чазыйланып, ажырыптар. Ынчан безин Дээрги-Чаяакчының килеңи чайлаттынмас, Ооң холу ам-даа чонну кезедип, көдүрлүр.

Исайя 9:17

Ынчангаш Дээрги ол чоннуң аныяк оолдары дээш сеткили өөрүвес, өскүстерин, дулгуяк херээженнерин кээргевес, чүге дээрге олар шупту – бужартаан, бузут үүлгедир улус-тур, оларның аас-сөзү чүгле чүдек-бужар чүве чугаалаар. Ынчан безин Дээрги-Чаяакчының килеңи чайлаттынмас, Ооң холу ам-даа чонну кезедип, көдүрлүр.

Исайя 9:21

Манассия Эфремни, Эфрем – Манассияны чиир, олар ийилээн Иудеяже халдаар! Ынчан безин Дээрги-Чаяакчының килеңи чайлаттынмас, Ооң холу ам-даа чонну кезедип, көдүрлүр.

Иеремия 25:34

Чагырыкчылар, ыглап-сыктаңар, човууртаңар, сүрүг баштыңнары, качыгдалдан довуракка боражыңар, чүге дээрге силерни дөгерер дээш аппаар үе келген-дир. Силерни, үнелиг сава дег, буза шавар, тоо быдарадыр.

Иеремия 30:24

Дээрги-Чаяакчы Бодунуң чүрээнде бодалдарын күүседип, боттандырбаан шаанда, Ооң өөскүп үнген килеңи оожургавас. Келир үеде силер ону билип аар силер.

Иеремия 48:20

Моавтың ады баксыраар, ону узуткап каар. Ишкирнигип ыглап-сыктаңар, Арнон хем эриинге Моавтың хоозураанын чарлаңар.

Иеремия 6:26

Мээң күжүр чонум! Качыгдалдың самдар хевин кедип ал, хүлге боражып ал, эр чаңгыс оглуңнуң өлүмү дээш кажыыдаан дег, ыглап-сыкта, ондап-оста, чүге дээрге узуткакчы биске хенертен чедип кээр.

Ыы-сыы 1:12

Эрткен-дүшкен чорумал чон, дилеп тур мен, эргилип кээп, көрүңер даан: өндүр килең хүнүнде Дээргимден кээр кеземчем дег, шак ол кончуг човалаң дег човалаң-даа турар деп бе?! מ (мем)

Иезекиил 21:12

Кижи амытан, човууртап, ишкирнип ыгла, чүге дээрге ол хылыш Мээң чонумга, Израильдиң бүгү нояннарынга удур көдүрлүр; оларны Мээң чонум-биле кады кыргыдып-хыдытсын дээш хылышка каап бээр; ынчангаш качыгдалдан бажың шаштын.

Иезекиил 30:2

«Кижи амытан, өттүр билип медеглеп, Дээрги-Бурган-Чаяакчының чугаалаан чүвезин дамчыт: „О, качыгдал хүнү!“ деп ишкирнип ыглаңар!

Иоил 1:13

Бурганның бараалгакчылары, качыгдал хевин кедип алыңар, ыглап-сыктаңар. Өргүл бедигээжиниң мурнунда бараан болуп турар улус, ишкирнигип ыглаңар. Мээң Бурганымның бараан болукчулары, чедип келгеш, качыгдал хевин кеткеш, өргээге дүннү эрттириңер, чүге дээрге Бурганыңарның өргээзинде далган-тараа болгаш арага өргүлдери ам чок-тур.

Амос 8:10

байырлалдарыңарны – ажыг-шүжүг кылдыр, хамык ырларыңарны – ыы-сыы кылдыр хуулдурар мен, шуптуңарга качыгдалдың самдар хевин кедирип, шуптуңарның баштарын тазартыр таарып каар мен; чуртка ол хүннү кижиниң эр чаңгыс оглунуң өлүмү дээш кажыыдалы дег кылып каар мен, ол хүн төнчүзүнге чедир кажыыдал хүнү дег болур».

Михей 1:16

Эргим ынак оолдарыңар дээш качыгдап, бажыңар дүгүн чулуп, дас куш ышкаш тас апарыңар, чүге дээрге оларны силерден чарып, тудуп аппаар-дыр.

Саннар 25:4

Дээрги-Чаяакчы Моисейге: «Чоннуң шупту даргаларын эккеп алгаш, оларны чырыкта, хөйге көзүлдүр өлүргеш, мага-боттарын Дээрги-Чаяакчының мурнунга азып каг. Мээң килеңим ынчан Израильден чайлай бээр» – дээн.