Иеремия 4:7 - Ыдыктыг Библия

⁷ Шырыштан үнүп келген арзылаң дег, чоннарны узуткаар хаан кел чыдар-дыр, ол силерниң чериңерни хоозурадыр дээш бодунуң чыдынындан туруп келген-дир. Узуткакчы хоорайларыңарны үреп бузуп кааптарга, оларга чурттакчылар артпас».

Иеремия 4:7 Iomraidhean Croise

4 Хааннар 24:1

Иоакимниң чагырган үезинде Вавилоннуң хааны Навуходоносор чуртче халдап кирип келген. Иоаким Навуходоносорга үш чыл чагырткаш, оон хая көрнү берип, аңаа удур тура халаан.

4 Хааннар 25:1

Седекияның чагыргазының тоску чылында, он айның онда Вавилоннуң хааны Навуходоносор бодунуң бүгү аг-шерии-биле Иерусалимге чедип кээп, ону бүзээлеп, хоорайны долгандыр бүзээлел чалдары тудуп алган.

Исайя 1:7

Чуртуңар хоозураан, хоорайларыңар хуюкталдыр өрттенип калган, хары улус, силер көрүп туруңарда-ла, чериңерни үптеп-чип турар; хары улус эжелеп алган соонда дег, хамык чүве ээнзирээн!

Исайя 5:9

Аг-шериглиг Дээрги-Чаяакчының: «Хөй санныг бажыңнар ээнзирээр, улуг каас-чараш бажыңнар чурттакчы чок артар. Виноград шөлүнде он гектар чер чүгле чаңгыс көгээржик ишти арага бээр, чашкан он шоодай ишти үрезин чаңгыс борбак хапчыгаш ишти дүжүт бээр» – деп даңгыраглаанын дыңнадым.

Исайя 6:11

Мен ынчан: «Кажанга чедир ындыг болурул, Дээрги?» – деп айтырдым. Ол меңээ: «Хоорайлар ээнзиреп, чурттакчы чок арткыжеге чедир, бажыңнар октаттына бергижеге, шөлдер ээнзиреп, хоозурап калгыжеге чедир;

Иеремия 2:15

чүге арзылаңнар олче сүртенчиг ырланып, ооң черин хоозурадып кагды? Ооң хоорайлары өрттеттирген, чурттакчы чок арткан-дыр.

Иеремия 22:6

Дээрги-Чаяакчы Иудеяның хаанының ордузунуң дугайында: «Сен Меңээ Галаад дег, Ливан сынның баштары дег өндүр-чаагай сен. Ынчалза-даа Мен сени ээнзиргей чер, чурттакчы чок хоорай кылып каар мен!

Иеремия 22:7

Мен сеңээ удур узуткакчыларны томуйлап каар мен, кайызынга-даа чепсек берип каар мен. Сээң эки дээн пөштериңни олар кезип каапкаш, отче октаптар – деп чугаалаан. –

Иеремия 25:38

Дээрги-Чаяакчы бодунуң чыдынындан үнүп келген арзылаң ышкаш! Улус-чоннарның чери Ооң кадыг-дошкун, кыптыккан килеңинден хоозурап калган».

Иеремия 25:9

Мен соңгу күрүнелерниң бүгү аймактарын кыйгыртып, чыыр мен – деп, Дээрги-Чаяакчы медеглээн, – Мээң чалчам, Вавилоннуң хааны Навуходоносорну кыйгырткаш, ону бо черге, ооң чурттакчыларынга, бүгү кожа чоннарга удур чаалаштырар мен. Ол чоннарны бүрүнү-биле узуткаар мен, оларны хоозураашкын биле кочулалга, мөңге буураашкынга чыгаар мен.

Иеремия 26:9

Дээрги-Чаяакчының адын тудуп өттүр билип медеглеп тура, Силом-биле болган чүве бо өргээ-биле база болурун, бо хоорайның ээнзирээрин, аңаа чурттаар кижи артпазын чүге чугааладың?» – деп алгыржы бергеннер. Бүгү чон Иеремияны шиидер дээш Дээрги-Чаяакчының өргээзинге чыглып келген.

Иеремия 27:8

Ынчалза-даа ам кандыг-бир чон азы күрүне аңаа, Вавилоннуң хааны Навуходоносорга, бараан болбас болза, Вавилоннуң хаанының хомудунче мойнун сукпас болза, Мен ындыг чонну дайын-чаа, аш-чут болгаш хамчык аарыг-биле кезедир мен – деп, Дээрги-Чаяакчы медеглээн, – ол чонну хаанның холу-биле төндүр кыргып-хыдыыр мен.

Иеремия 33:10

Дээрги-Чаяакчы мынча дээн: «Силер бо чер дугайында: „Бо дээрге ээнзирээн чер-дир, мында кижи-даа, мал-маган-даа чок!“ – дээр-дир силер. Ынчалза-даа маңаа – ам хоозураан, чаңгыс-даа чурттакчы артпаан, кижи-даа, дириг амытан-даа чок Иудеяның хоорайларын, Иерусалимниң кудумчуларын база катап ыыт-шимээн дола бээр:

Иеремия 34:22

Мен ам дужаал бээр мен – деп, Дээрги-Чаяакчы медеглээн, – дайзыннарны бо хоорайже ээлдирер мен, олар ооң-биле чаалашкаш, эжелеп алгаш, өрттедиптер. Иудеяның хоорайларын хоозурадыр мен, олар чурттакчы чок артар».

Иеремия 4:29

Аъттыг-шеригжилер биле ча адыгжыларының алгы-кышкызындан хоорай чурттакчылары тарадыр маңнажып тур. Олар шыргай аргаларже дезип, кашпалдарже чаштып чоруп тур. Хоорайлар шупту ээнзирээн, оларда чаңгыс-даа чурттакчы артпаан.

Иеремия 44:2

Аг-шериглиг Дээрги-Чаяакчы, Израильдиң Бурганы мынча дээн: «Иерусалимге болгаш Иудеяның бүгү хоорайларынга таварыштырганым айыыл-халапты көрген силер. Ол хоорайлар амгы үеде бузундулар апарган, ында чурттакчылар артпаан.

Иеремия 46:18

Дириг Бодумнуң адым-биле даңгыраглап тур мен: даглар аразында Фавор даг дег, далай чанында Кармил даг дег улуг-шыырак дайзын силерге чедип кээр – деп, Аг-шериглиг Дээрги-Чаяакчы деп аттыг Хаан медеглээн. –

Иеремия 49:19

Иордан хемниң эриинден чечектелген одар-белчиирже үнүп келген арзылаң дег, Мен база эдом чонну далаштырып сывыртап, ону чагырар кижини шилип, томуйлаар мен. Меңээ дөмей кым барыл, Менден кым харыы негээрил? Меңээ удурланып шыдаар кадарчы бар бе?»

Иеремия 5:6

«Ынчангаш оларже шыргай арыгдан арзылаң халдаар, оларны ховунуң бөрүзү үзерлеп кааптар, ирбиш хоорайлар чанынга кеденир: хоорайдан үнген кижи бүрүзүн ол үсперлеп кааптар! Чүге дээрге оларның бачыттары көвүдээн-дир, Меңээ өскерлири дам барган-дыр.

Иеремия 50:17

Израиль – тоо быдараан сүрүг хой-дур, арзылаңнар ону тарай сывырыпкан. Баштай ону Ассирияның хааны чип турган, ооң соонда Вавилоннуң хааны Навуходоносор ооң сөөктерин хемдээн».

Иеремия 50:44

«Иордан хемниң эриинден чечектелген одар-белчиирже үнүп келген арзылаң дег, Мен база вавилончуларны далаштырып сывыртап, оларны чагырар кижини шилип, томуйлаар мен. Меңээ дөмей кым барыл, Менден кым харыы негээрил? Меңээ удурланып шыдаар кадарчы бар бе?

Иеремия 8:16

Дан хоорайдан аскырларның хөрээ киргирээни дыңналды, дайзынның аъттарының киштээринден чер сириңейни берди! Дайзыннар кел чыдыр, олар черни, ында бар бүгү чүвени, хоорайларны, ында чурттаан улус-чонну сыырыптар.

Иеремия 9:11

«Мен Иерусалимни бузундулар оваазы, шөө-бөрүлер чурттаар чер кылып каар мен, Иудеяның хоорайларын хоозурадыр мен, оларга чурттакчылар артпас».

Иезекиил 12:20

Чурттакчылыг хоорайлар хоозураар, чурт ээнзирээр. Ынчан Мени Дээрги-Чаяакчы деп билип аар силер».

Иезекиил 21:31

Мээң хорадаан сагыжым сенче кыптыгар, килеңимниң чалбыыжын сенче хадыдар мен, араатанзыг, өлүрүүшкүн кылып мергежээн улустуң холунга сени хүлээдип бээр мен.

Иезекиил 32:2

«Кижи амытан, Египеттиң хааны фараон дээш кажыыдал ырын ырлап, аңаа: „Сен бодуңну чоннар аразында арзылаң деп санап турдуң, а херек кырында далай моозу-дур сен. Хемнерде былгыртынып, даваннарың-биле суг довурадып, хем-сугларны доюлдуруп тур сен“ – деп чугаала».

Даниил 5:19

Бурган ону ындыг өндүр улуг кылып каан боорга, ооң мурнунга бүгү чоннар, аймактар болгаш төрел бөлүктер кортканындан сириңейнип турганнар. Навуходоносор хаан күзээр болза – өлүрүп шиидип каар, күзээр болза – өршээп, дириг арттырып каар, күзээр болза – өрү көдүрер, күзээр болза – куду бадырып каар турган.

Даниил 7:4

Биргизи – арзылаңга дөмей, ынчалза-даа эзирнии дег чалгыннарлыг. Бир көөрүмге, ооң чалгыннарын одура тырткаш, ону черден көдүргеш, буттарының кырында кижи-даа ышкаш кылдыр тургузуп каан тур. Аңаа кижинии дег угаан-чүрек берип каан.

Левит 26:31

Силерниң хоорайларыңарны ээнзиредир мен, ыдыктыг дээн черлериңерни хоозурадыр мен база өргүлдериңерниң чаагай чыдын таарымчалыг деп көрүп тынмас мен.

Левит 26:33

А силерни өске чоннар аразынга тарадыр мен. Хылыжымны ужулгаш, сооңарже анныр мен. Чер-чуртуңар ээнзирээр, хоорайларыңар үрелип бустур.