Иеремия 4:6 - Ыдыктыг Библия

⁶ Сионче дезер дээш ынаар углай туктан көдүрүңер, амы-тыныңар камгалаңар, черле доктааваңар, чүге дээрге Мен соңгу чүктен айыыл-халап, кончуу сүргей өлүм-чидим эккээр мен!

Иеремия 4:6 Iomraidhean Croise

Исайя 62:10

Хаалга таварып үнүңер-ле, үнүңер, чонга оруктан белеткеңер! Орукту дескилеп, ажыдыңар, даштарны чайладыңар, аймактарга туктан көдүрүңер!

Иеремия 10:22

Медээ чедип келди, соңгу чүкте чурттан улуг дааш-шимээн дыңналды! Иудеяның хоорайлары хоозурап, шөө-бөрүлер чурттаар чер апаар-дыр.

Иеремия 18:11

Ынчангаш ам Иудеяның чонунга, Иерусалимниң чурттакчыларынга мону чугаала. Дээрги-Чаяакчы: „Мен силерге айыыл-халап белеткеп тур мен, силерге удур сагыштыг мен! Кайыңар-даа бузуттуг оруктан чайлай берзин. Оруктарыңарны, ажыл-херектериңерни экижидип алыңар“ – деп чугаалады дээр сен.

Иеремия 21:7

А ооң соонда Иудеяның хааны Седекияны, ооң дүжүметтерин, бүгү албаты чонун, бо хоорайда хамчык аарыгдан, дайын-чаа биле аштан дириг арткан бүгү улусту Вавилоннуң хааны Навуходоносорнуң холунга, дайзыннар холунга, оларның өлүмүн күзээн улустуң холунга хүлээдир мен – деп, Дээрги-Чаяакчы медеглээн. – Хаан оларны хылыш-биле шанчып каар, кээргевес, оларга хайыра көргүспес, өршээл бербес!»

Иеремия 22:7

Мен сеңээ удур узуткакчыларны томуйлап каар мен, кайызынга-даа чепсек берип каар мен. Сээң эки дээн пөштериңни олар кезип каапкаш, отче октаптар – деп чугаалаан. –

Иеремия 25:9

Мен соңгу күрүнелерниң бүгү аймактарын кыйгыртып, чыыр мен – деп, Дээрги-Чаяакчы медеглээн, – Мээң чалчам, Вавилоннуң хааны Навуходоносорну кыйгырткаш, ону бо черге, ооң чурттакчыларынга, бүгү кожа чоннарга удур чаалаштырар мен. Ол чоннарны бүрүнү-биле узуткаар мен, оларны хоозураашкын биле кочулалга, мөңге буураашкынга чыгаар мен.

Иеремия 4:21

Кажанга чедир дайынның туктарын көрүп, дайынчы трубалар этсирин дыңнаар мен?

Иеремия 50:2

«Өске чоннар аразынга медеглеңер, чарлаңар, медээ тугун көдүрүңер, чүнү-даа чажырбайн: „Вавилон эжелеттирер-дир, Вил бурган бак атка кирер-дир, Меродах бурган бастырар-дыр – Вавилоннуң көжээ-бурганнары бужартаар-дыр, дүрзү-бурганнары чуура шаптырар-дыр“ – деп чугаалаңар.

Иеремия 50:22

Ол черде – чаа-дайын дааш-шимээни, коргунчуг үрегдээшкин!

Иеремия 51:12

Вавилоннуң ханазын дескиндир туктан көдүрүңер, хайгаарал шериин күштелдириңер, таңныылдарны таарыштыр тургузуңар, кедегден белеткеңер. Дээрги-Чаяакчы бодап алганы-биле кылыр – Вавилоннуң чурттакчыларынга аазаан бүгү чүвезин күүседир.

Иеремия 51:27

Чер кырынга туктардан көдүрүңер, өске чоннар аразынга трубадан этсиңер, Вавилонга удур дайынче чоннарны белеткеңер, аңаа удур Арарат, Минни, Ашкеназ деп күрүнелерни ыдалаңар. Аңаа удур шериг баштыңын чорудуңар, мөөң шартылаа дег аъттардан чыңар!

Иеремия 51:54

Вавилонда – ыы-сыы, халдей черде – коргунчуг үрегдээшкин!

Иеремия 6:1

Вениаминниң аймаа, Иерусалимден дезиңер! Текояга трубадан этсиңер, Бет-Каремге сагындырыглыг демдектен бериңер, чүге дээрге соңгу чүктен айыыл-халап, аажок улуг өлүм-чидим кел чыдар-дыр.

Иеремия 6:22

Дээрги-Чаяакчы: «Көрүңер! Соңгу чүкте чурттан бир чон кел чыдыр, күчүлүг аймак чер-делегейниң кыдыындан көдүрлүп олур!

Иезекиил 9:1

Ооң соонда Дээрги-Чаяакчы дыңзыг үн-биле кыйгырды: «Хоорайны кезедир даалгалыг улус, холуңарга өлүм чепсээн туткаш, бээр келиңер!»

Иезекиил 9:2

Мен соңгу талаже көрүнген Үстүкү хаалгадан кел чыдар алды кижини көрүп кагдым; кайызы-даа холунда узуткаашкын чепсээ туткан болду. Олар-биле кады лён хеп кеткен, курунда бижээчи кижиниң херекселдерин астып алган бир кижи бар болду. Келгеш, олар өргүл салыр хүлер бедигээш чанынга туруп алдылар.

Софония 1:10

Ол хүн кээрге, Балык хаалгазындан, Иерусалимниң чаа кезээнден уё-човуур, ыы-сыы дыңналыр, Иерусалимниң тейлеринге коргунчуг дааш-шимээн үнер – деп, Дээрги-Чаяакчы медеглээн. –

Захария 6:6

Дас кара аъттар соңгу чүкте чуртче бар чыдары ол-дур, ак аъттар – оларның соо-биле, ала-шокар аъттар – мурнуу чүкче» – деп харыылады.