Иеремия 4:5 - Ыдыктыг Библия

⁵ «Иудеяга чарлап көрүңер, Иерусалимге медээлеп чугаалаңар, бүгү чуртка трубадан этсиңер, үнүңер шаа-биле: „Барып, быжыглаттынган хоорайларга чыглыылы!“ – деп алгырыңар.

Иеремия 4:5 Iomraidhean Croise

Исайя 28:19

Ол үер келген санында-ла, эртенниң-не, дүне-даа, хүндүс-даа, силерни хөме таварып, алгаш баар». Бо медээни дыңнап кааш, коргуп сирилээр силер.

Иеремия 11:2

«Шак бо чагыг-керээниң сөстерин дыңнаңар, оларны Иудеяның чонунга, Иерусалимниң чурттакчыларынга медээлеңер.

Иеремия 35:11

А кажан Вавилоннуң хааны Навуходоносор бо чер-биле дайылдажып үнүптерге, чүгле ынчан халдей аг-шеригден база арамей аг-шеригден чайлап, Иерусалимче чоруй баарын шиитпирлээн бис. Ам Иерусалимде чурттап турарывыс бо».

Иеремия 5:20

Иаковтуң салгалынга медээлеп, Иудеяга дыңнадып:

Иеремия 6:1

Вениаминниң аймаа, Иерусалимден дезиңер! Текояга трубадан этсиңер, Бет-Каремге сагындырыглыг демдектен бериңер, чүге дээрге соңгу чүктен айыыл-халап, аажок улуг өлүм-чидим кел чыдар-дыр.

Иеремия 8:14

Саадап турган херээвис чүл? Барып, быжыглаттынган хоорайларга чыылгаш, аңаа өлүмден манаалы! Дээрги-Чаяакчы Бурганывыс бисти өлзүн дээн-дир, биске хораннап каан суг ижирткен-дир, бис Ооң мурнунга бачыт үүлгеткен болгай бис.

Иеремия 9:12

Чүге бо чер өлүглени бергенил, чүге ээн кургаг хову дег өрттенгенил, чүге ында чорумалдар чогул? Бо бүгүнү билип шыдаар мерген угаанныг кижи бар бе? Дээрги-Чаяакчының чугаалаан сөзүн дамчыдып шыдаар кижи бар бе?

Иезекиил 7:14

Олар труба этсип, дайынга белеткенип турар, ынчалза-даа, кайызы-даа тулчуп үнмес, чүге дээрге Мээң килеңим оларның бүгү мөөңнежилгезинче кыптыгып турар.

Осия 8:1

«Трубадан эдис! Израильчилер Мээң чагыг-керээмни үрээн, Мээң хоойлумга чагыртпаан боорга, Дээрги-Чаяакчының черинче эзир шүүргедеп келген дег-дир.

Иоил 2:1

Сионга трубадан этсиңер, Бурганның ыдыктыг даанга дүвүрээзин медээзин бериңер. Чер-чурттуң бүгү чурттакчылары сирилезин, чүге дээрге Дээрги-Чаяакчының шииткел хүнү кел чыдар-дыр, ол хүн чоокшулап келген-дир.

Амос 3:6

Хоорайга шериг труба этси бээрге, улус коргуп сирилевес деп бе? Айыыл-халап хоорайны хөме тавараан болза, ону Дээрги-Чаяакчы үндүрбээн деп бе?

Амос 3:8

Арзылаң ырланган соонда, кижи коргуп сирилевес деп бе? Дээрги-Бурган-Чаяакчы чугаалаан соонда, кижи Ооң сөзүн медеглевес деп бе?

Саннар 10:2

«Бодуңга ийи мөңгүн трубадан хевилей соктап кылып ал – оларны чонну чыылдырарда база турлагларны көдүрүп, медээлээрде ажыглаар сен.

Саннар 10:3

Оларны иелдирзин этси бээрге, бүгү чон Ужуражылга майгынынче кирер черге, сээң чаныңга чыглып кээр.

Иисус 10:20

Иисус болгаш израильчилер дайзыннарын дөгерезин чылча шаап кааптарга, олардан чүгле каш-ла кижи дескеш, быжыглалдыг хоорайларынга чашты берген соонда,