Иеремия 4:22 - Ыдыктыг Библия

²² «Мээң чонум мелегей-дир, Мени билбес-тир! Угаан кирбээн уруглар дег, сарыыл чок-тур; олар чүгле бузут үүлгедир талазы-биле мергежээн, а буян кылып билбес-тир».

Иеремия 4:22 Iomraidhean Croise

Эге дөс 39:16

Ашаа келгижеге чедир, ол Иосифтиң хевин бодунга арттырып алган.

2 Хааннар 13:3

Давидтиң акызы Шиманың оглу Ионадав Амноннуң эжи турган. Ол кончуг кажар кижи чүве-дир.

Ырлар 36:3

Дээрги-Чаяакчыга идеге, буяндан тары, чериңге чурттап, мал-маганыңны доктаамал кадар.

Ырлар 36:4

Дээрги-Чаяакчы-биле харылзааң дээш таала, Ол сээң чүрээңниң күзелдерин күүседип бээр; ג (гимел)

Ырлар 53:4

Бурганым! Мөргүлүмнү дыңнап, аксы-сөзүмнү кичээнгейге ал.

Ырлар 82:5

Дайзыннар: «Израиль деп ат моон соңгаар дыңналбас кылдыр, ол чонну барып узуткап кааптаалы» – дижир болду.

Чугаалар 28:5

Каржы-бак улус чөптүг чорукту билбес, а Дээрги-Чаяакчыже чүткүп чоруур улус чөптүг чорукту бүрүнү-биле билип алыр.

Исайя 1:3

Шары – бодунуң ээзин, элчиген – турар черин билир, а Израиль Мени билбес-тир, Мээң чонум чүнү-даа угаап билип шыдавас-тыр!

Исайя 27:11

Будуктар кургап каарга, сыйып кааптар, херээженнер келгеш, оларны өрттедиптер. Бо чон угаан чок-тур, ынчангаш Чаяакчызы ону кээргевес, хайыра көргүспес.

Иеремия 10:8

Ол улус мелегей болгаш бүдүүлүк. Оларның өөредии чөгенчиг – анаа-ла ыяш.

Иеремия 13:23

Эфиоп кижи кара-хүрең кежин, ирбиш – ала-шокар кежин солуп шыдаар бе? Чүгле бузут үүлгедип өөренген болгаш, буян кылып шыдаар силер бе?

Иеремия 2:8

Бурганның бараалгакчылары: „Дээрги-Чаяакчыже чүткүүлү!“ – деп кыйгырбады, ыдыктыг хоойлу башкылары Мени билбес-тир, силерниң чагырыкчыларыңар Менден ойталаан-дыр, медээчилер Ваал бурганның өмүнээзинден медеглеп, ажык-дуза чок дүрзү-бурганнарга мөгейип турар-дыр!

Иеремия 4:21

Кажанга чедир дайынның туктарын көрүп, дайынчы трубалар этсирин дыңнаар мен?

Иеремия 5:21

„Мону дыңнап ал, мелегей, угаан чок чон! Карактыг хиреңерде, көрбес-тир силер, кулактыг хиреңерде, дыңнавас-тыр силер!“ – деп чугаалаңар.

Иеремия 5:4

Мен ынчан: «Бо-даа карачал улус-тур, олар бүдүүлүк болгаш, Дээрги-Чаяакчының оруун, боттарының Бурганының дүрүмнерин билбес болгай.

Иеремия 9:2

Ээн кургаг ховуга хоргадап, дүн чарар черлиг турган болзумза! Бодумнуң чонумну каапкаш, чоруй баар ийик мен. Чүге дээрге олар шупту самыыраан улус-тур, өскерликчилер ниитилели-дир!

Иеремия 9:3

Оларның мегечи дылы кирижээн ча дег-дир. Олар чер кырынга шын эвес чүүл-биле күш кирип, бир кемниг херекке улаштыр өскезин үүлгедип чоруур. «Олар Мени билбес – деп, Дээрги-Чаяакчы медеглээн. –

Иеремия 9:5

Кижи бүрүзү бодунуң кожазын мегелээр, кым-даа шынны чугаалавас, аксы-дылын мегелеп чугаалаары-биле мергежидип алгаш, бүгү күжүн бузутка берип турар.

Иезекиил 16:30

Дөстүнмес самыын херээжен ышкаш, ол бүгүнү үүлгедип туруңда, сээң чүрээң кайы хире могап-турупкан ирги! – деп, Дээрги-Бурган-Чаяакчы медеглээн. –

Осия 4:1

Израиль чон, Дээрги-Чаяакчының сөстерин дыңна! Дээрги-Чаяакчы бо черниң чурттакчылары-биле чаргылдажып турар-дыр, бо черде чөптүг-шынныг чорук, энерел, Бурганны билип аарынче чүткүл чок-тур.

Осия 4:6

Мээң чонум билииниң четпезинден кырдырып аар; билигни хүлээп көрбээн бооруңга, Мен база сени Меңээ бараалгаар кылдыр хүлээп көрбес мен, Бурганыңның хоойлузун уттупкан бооруңга, Мен база сээң ажы-төлүңнү уттуптар мен.

Осия 5:4

Үүлгедиглери израильчилерни Бурганынче ээлдирбейн турар, самыыраашкынның сүлдези оларның аразында турар-дыр, Дээрги-Чаяакчыны билбестер-дир.

Амос 3:10

Ол дээрге ак сеткилдии-биле чурттап билбес, боттарының шивээлеринде эртине-байлакты күчүлел болгаш үптээшкин-биле чыып ап турар улус-тур» – деп, Дээрги-Чаяакчы медеглээн.

Михей 2:1

Орун-дөжээнге чыткаш, кемниг херек, бузут үүлгедир бодалдыг улус ат болур! Олар – даң адып кээрге, ук бодалдарын күүседиптер күш-шыдалдыг улус-тур.

Михей 7:3

Оларның холдары бузут үүлгедир талазы-биле мергежээн; чагырыкчы кижи белектер негеп турар, шииткекчи хээли ап турар, бай-шыдалдыглар боттарының күзел-соруун албадап күүсеттирер – олар шупту аразында дугуржулгалыг.

Лука 16:8

Бузурукчу эргелекчини, ооң тывынгыр чоруу дээш, ээзи безин мактап каан. Ийет, бо делегейниң улузу ажыл-херээн чогудар дээнде, чырыктың ажы-төлүнден артык тывынгыр болдур ийин.

Иоанн 16:3

Олар силерни ынчалдыр аажылай бээр, чүге дээрге Адамны-даа, Мени-даа билбес-тирлер.

Римчилерге 1:22

Боттарын мерген угаанныг бис деп санап турза-даа, олар сээдеңнеп калган.

Римчилерге 1:28

Олар Бурганны билип аарын херектиг деп көрбес боорга, Бурган оларны боттарының-на будалган угаанының эргезинге, кылып болбас үен-даян чүүлдерин кылзыннар дээш, хүлээдип берген.

Римчилерге 16:19

Силерниң Буянныг Медээге дыңнангыр чорууңар бүгү улуска билдине берген, ынчангаш силер дээш, аажок өөрүп тур мен. Ындыг-даа болза, буянга хамаарыштыр мерген угаанныг, а бузутка хамаарыштыр чүве билбес бооруңарны күзеп тур мен.

Римчилерге 3:11

Бурганче чүткүп турар сарыылдыг кижи чок-тур.

1 Коринфичилерге 14:20

Ха-дуңма, угааныңар чаш уругларныы дег болбазын. Бузутка хамаарыштыр чүве билбес чаштар дег, а угааныңар аайы-биле чедишкен улуг улус дег болуңар.

Ы. х. к. 32:28

Олар дээрге угаанын ышкыныпкан чон-дур, боданыр безин харык чок улус-тур.

Ы. х. к. 32:6

Дээрги-Чаяакчыга ындыг хамаарылга көргүзүп болур бе, о мелегей, бодал чок чон?! Ол – сээң Адаң, Чаяакчың эвес ийикпе?! Сени Ол чаяап, бут кырынга тургузуп каан болгай.