Иеремия 4:2 - Ыдыктыг Библия

² шынныы-биле, ак сеткилдии-биле: „Дириг Дээрги-Чаяакчының ады-биле даңгыраглап тур мен!“ – дээр болзуңза, өске чоннар Бургандан ачы-буян алыр, Ол дээш чоргаарланыр».

Иеремия 4:2 Iomraidhean Croise

Эге дөс 22:18

Мээң сөзүмнү тооп дыңнааның дээш, сээң үре-салгалың дамчыштыр чырык черде бар-ла чоннар ачы-буян алыр».

3 Хааннар 3:6

Соломон: «Сен Бодуңнуң чалчаң, мээң ачам Давидке, ооң Сеңээ бердингени дээш, Сээң мурнуңга чөптүг-шынныг болгаш ак сеткилдиг болганы дээш, өндүр улуг энерелиң көргүстүң. Сен аңаа өндүр улуг энерелиңни хевээр арттырып, ам ынчалдыр бүткени дег, ооң дүжүлгезинге саадапкан оолду аңаа хайырладың.

Ырлар 72:17

Бурганның ыдыктыг өргээзинче кире бергеш, бузуттугларның салым-чолунуң канчаар төнерин чүгле ынчан билип алдым.

Ырлар 99:4

Ооң эжик-хаалгазынче – өөрүп четтирип, Ооң өргээзинче – алгап-мактап кириңер. Ону мактаңар, Ооң адын алгап-йөрээңер!

Исайя 45:23

Мен Бодумнуң адым-биле даңгыраглаан мен, Мээң аксымдан чөптүг-шынныг, өскертип болбас сөс үнген: Мээң мурнумга дискек бүрүзү сөгүрүп олурар, Мээң адым-биле дыл бүрүзү даңгыраглаар.

Исайя 45:25

А Израильдиң бүгү үре-салгалы Дээрги-Чаяакчының ачызында агартынып үнер база алдаржыыр.

Исайя 65:16

Ынчан чер кырында алгаг-йөрээшкин кылып турар кижи бүрүзү сөзүнге шынчы Бурганның адын ажыглаар; чер кырында даңгырак берген кижи бүрүзү сөзүнге шынчы Бурганның ады-биле даңгыраглаар. Чүге дээрге биеэги качыгдалдар уттундурган, олар ам Мээң көрүжүм мурнунда артпаан-дыр.

Иеремия 10:10

А Дээрги-Чаяакчы – алыс шын Бурган-дыр, Ол – дириг Бурган, мөңге Хаан-дыр. Ооң килеңинден чер сирилээр, Ол хорадаарга, кандыг-даа чон шыдажыр харык чок боор.

Иеремия 12:15

Ынчалза-даа оларны тура тыртканым соонда, Мен оларга өршээл көргүзүп, кайызын-даа бодунуң ээлээн черинче эгидер мен.

Иеремия 12:16

Бир эвес олар Мээң чонумнуң оруктарын истеп өөренип аар болза, боттары-ла Мээң чонумну Ваал бурганның ады-биле даңгыраглаарынга өөреткени дег, Мээң адым-биле: „Дээрги-Чаяакчы дириг!“ – деп даңгыраглаар болза, олар база Мээң чонумнуң кезии апаар.

Иеремия 16:19

Дээрги-Чаяакчы – мээң күжүм, шивээм, хай-халап хүнүнде хоргадалым! Чер-делегейниң ужу-кыдыындан чоннар Сеңээ чедип келгеш: «Ада-өгбевис чүгле меге, ажык-дуза чок хоозун чүүл салгап алгаш, биске дамчыткан-дыр.

Иеремия 3:17

Ол үеде Дээрги-Чаяакчының дүжүлгези деп атты Иерусалимге тыпсыр, бүгү чоннар Иерусалимге чыглып келгеш, Дээрги-Чаяакчының адынга мөгеер, оон соңгаар боттарының чөрүүленген бузуттуг чүректеринге чагыртып чурттавайн баар.

Иеремия 33:9

Иерусалим хоорай Меңээ өөрүшкүлүг ат апаар, чер-делегейниң бүгү чоннары ону алгап-мактап, алдаржыдар. Өске чоннар Мээң бо хоорайга хайырлаан ачы-буяным дугайында дыңнап каар; Мээң бо хоорайга хайырлаан ачы-буяным база чаагай чоруум дугайында билип кааш, олар сүрээдеп, сирилей бээр».

Иеремия 5:2

Иерусалимниң чурттакчылары дириг Дээрги-Чаяакчының ады-биле даңгыраглап турар, ынчалза-даа ол даңгырактары меге боор-дур».

Иеремия 7:5

Оруктарыңар биле ажыл-херектериңерни эдип-чазап, экижидип алыңар база кижилер аразында чаргыны чөптүү-биле чарыңар,

Иеремия 9:24

Мактаныр бодаан кижи чүгле Мени танып, билип алганы дээш мактанзын. Чүге дээрге Мен – энерелди боттандырып чоруур, чер кырынга шын шииткел биле чөптүг-шынныг чорукту боттандырып чоруур Дээрги-Чаяакчы-дыр мен, Меңээ таарымчалыг чүүл ол-дур».

Осия 2:19

Сени Бодум-биле кезээ мөңгеде дүгдеп аар мен, чөптүг-шынныг чорук болгаш шын шииткелди, энерел болгаш ээ-хайыраны илереткеш, сени Бодум-биле дүгдеп аар мен.

Иоил 2:12

Дээрги-Чаяакчы: «Ам безин Менче бүгү чүлдү-чүрээңерден, шээрленип база ишкирнип ыглап тургаш, эглип келиңер» – деп медеглээн.

Захария 8:8

Оларны Иерусалимге чурттаар кылдыр дедир чандырып аар мен, олар Мээң чонум болур, а Мен оларның шынчы, чөптүг Бурганы болур мен».

Малахия 1:11

Мээң адым хүн үнер чүктен хүн ажар чүкке чедир өске чоннар аразынга өндүр бедик. Каяа-даа Мээң адымга тураскааткан чаагай чыттыг чүүлдер кыпсыр, арыг өргүлдер кылыр, чүге дээрге Мээң адым ол чоннар аразынга өндүр бедик». Аг-шериглиг Дээрги-Чаяакчының чугаалаан чүвези ол-дур.

1 Коринфичилерге 1:31

Бижилгеде: «Мактаныр бодаан кижи чүгле Дээрги-Чаяакчының дугайында мактанзын!» – деп бижээни дег кылдыр боттанганы ол-дур.

2 Коринфичилерге 10:17

Ынчалза-даа мактаныр бодаан кижи чүгле Дээрги-Чаяакчының ажыл-херээ-биле мактанзын!

Галатчыларга 3:8

Бурган өске чоннарның улузун бүзүрели дээш агартыр деп, Бижилге баш бурунгаар көрген, ынчангаш Авраамга: «Хамык чоннар сени дамчыштыр ачы-буян алыр» – деп чугаалаптарга-ла, Буянныг Медээ эң баштай медеглеттинген.

Ы. х. к. 10:20

Чүгле Дээрги-Чаяакчы Бурганыңдан коргуп чор, Аңаа бараан бол, Ооң-биле коштунчу бер, Ооң ады-биле даңгырагла.

Ы. х. к. 4:30

Айыыл-халапка алзып алган туруңарда, келир үеде ол бүгү силер-биле болу бергенде, Дээрги-Чаяакчы Бурганыңарже эглип, Ооң үнүн тооп дыңнаар силер.

Ы. х. к. 6:13

Чүгле Дээрги-Чаяакчы Бурганыңдан корт, чүгле Аңаа бараан бол, чүгле Ооң ады-биле даңгырагла.

Филипчилерге 3:3

Чүге дээрге ылап-ла кыртыжап демдектеткен улус – бис-тир бис, Сүлдени дамчыштыр Бурганга бараан болган, Христос Иисус-биле мактанып шыдаар база мага-ботка кылган ёзулалдарга ынанмас улус-тур бис.

Руф 3:13

Маңаа дүннү чарып ал, а эртен, бир эвес ол кижи сени камгалаарын – кадай кылып алырын күзээр болза, камгалап алгай аан. Бир эвес ол сени камгалап алырындан ойталаар чүве болза, дириг Дээрги-Чаяакчының ады-биле даңгыраглаайн: мен сеңээ өгленип алыр мен. Ынчангаш эртенге чедир уду че».

1 Хааннар 20:3

Давид: «Сээң ээ көрүүшкүнүңнү чедип алганымны ачаң эки билир, ынчангаш ол иштинде: „Ол дугайын Ионафан билбезин, оон башка хомудай бээр“ деп бодап алган боор. Дириг Дээрги-Чаяакчының-даа, сээң-даа адыңар-биле даңгыраглап тур мен: мээң өлүмүм мыяда-дыр» – деп чугаалаан.