Иеремия 4:13 - Ыдыктыг Библия

¹³ Булут ышкаш, дайзын көдүрлүп олур, ооң дайынчы тергелери казыргы дег, аъттары эзирлерден кашпагай! Ат болдувус-ла, өлүп читтивис-ле!

Иеремия 4:13 Iomraidhean Croise

2 Хааннар 1:23

Саул биле Ионафан – бот-боттарынга эргим, ынак чораан болгаш, өске оран чоруурда безин чарылбаан-дыр. Алыс боттары эзирден кашпагай, арзылаңдан күштүг чорааннар-дыр.

Исайя 13:5

Ол аг-шериг ырак чурттан, чер-делегейниң ужу-кыдыындан кел чыдар: Дээрги-Чаяакчы болгаш Ооң килеңиниң чепсээ бүгү чер-делегейни хоозурадыр!

Исайя 19:1

Египет дугайында өттүр билген медеглел бо-дур. Дыңнаңар, Дээрги-Чаяакчы чоруккур булутта саадапкан, Египетче кел чыдыр. Египеттиң дүрзү-бурганнары Ону көргеш, сириңейнип тур, египетчилерниң чүректери кортканындан шапкыланып тур.

Исайя 3:8

Иерусалим буураар, Иудея кээп дүжер, чүге дээрге оларның сөстери биле ажыл-херектери Дээрги-Чаяакчыга удурланышкак, өндүр бедик Ону дорамчылап турар болган.

Исайя 5:28

Оларның согуннары чидиг, чаларын хере тыртып каан; оларның дайынчы тергелериниң дугуйлары казыргы дег!

Исайя 66:15

Дээрги-Чаяакчы отка бүргедипкен чедип кээр, Ооң дайынчы тергелери казыргы дег боор. Ооң өжээн негээшкини килеңниг, Ооң түрлүг кыйгызы оттуң чалбыыжы-ла!

Иеремия 10:19

Ат болдувус! Хилинчээвис көрдүвүс, балыгларывыс саргып аарып тур. Бо аарышкыга төлептиг болган болгаш, шыдажып эртер апаар-дыр бис.

Иеремия 4:12

Хат хөлүн эрттир дыңзыг боор! Мээң күзел-соруум ёзугаар ол хат хадып кээрге, Мен чонумга хамаарыштыр шииткелимни үндүрер мен!» – деп, Бурган чугаалаан.

Иеремия 4:31

Алгы-кышкыны дыңнап тур мен – херээжен кижи божуп чыткан-даа дег, ол дун төлүн божуп, човууртаан-даа ышкаш. Сион-кыс ыглап-сыктап, уё-човуур-биле холун өрү сунуп: «Ат болдум! Өлүрүкчүлерден дезер дээш шаам төндү!» – деп тур.

Иеремия 46:18

Дириг Бодумнуң адым-биле даңгыраглап тур мен: даглар аразында Фавор даг дег, далай чанында Кармил даг дег улуг-шыырак дайзын силерге чедип кээр – деп, Аг-шериглиг Дээрги-Чаяакчы деп аттыг Хаан медеглээн. –

Иеремия 48:40

Дээрги-Чаяакчы мынча дээн: «Эзир шүүргедеп ужуп үнер, ол Моавтың кырынга чалгыннарын хере сунар!

Иеремия 49:22

Эзир бедидир ужуп үнгеш, олчазын шүүргедеп, Восораның кырынга чалгыннарын хере сунар! Ол хүн Эдомнуң дайынчылары кортканындан, божаан кадайлар дег, сириңейни бээр.

Иеремия 6:23

Ол дээрге холунда ча-согун, хылыш туткан, каржы-дошкун, кам-хайыра чок улус-тур, оларның алгы-кышкызы далайның дааш-шимээни дег. Аъттыг шаап кел чыдар, тулчурунга белен дайынчылар-дыр, олар сенче халдаары ол-дур, Сион-кыс!» – деп чугаалаан.

Иеремия 9:19

Сион тейден: «Ат болдувус! Аажок бак атка кирдивис! Черивисти каап чоруп тур бис, оран-сававыс бузулган-дыр» – дээн ыы-сыы дыңналып тур.

Ыы-сыы 4:19

Бисти кызап, сүрген улус дээрде ушкан эзирлерден дүрген болган. Олар бисти дагларга-даа чыпшыр чедип, ээн ховаа кедег кылып, дозуп турган. ר (реш)

Иезекиил 26:10

Ооң аъттары дыка хөй болгаш, оларның доюлдурган довурак-доозуну сени шыва аптар. Кажан ол сээң хаалгаңче, ханаларын деже шаап каан хоорайже дег, кирип кээрге, сээң ханаларың ооң дайынчы аъттарының, тергелериниң даажындан сириңейни бээр.

Иезекиил 38:9

А сен бодуңнуң аг-шерииң-биле, хөй чоннар-биле кады көдүрлүп, хат-шуурган ышкаш халдап кээр сен; черни дуглаптар булут ышкаш боор сен».

Даниил 11:40

Төнчүнүң үезинде мурнуу хаан соңгу хаанга удур, үзер буга дег, дайынныг үнүптер. Ынчалза-даа, күштүг шуурган дег, соңгу хаан дайынчы тергелерлиг, аъттыг шериглиг болгаш хөй корабльдарлыг аңаа удур халдап кээр. Соңгу хаан, хөме келген үер дег, аңгы-аңгы чурттарны таварбышаан,

Даниил 7:4

Биргизи – арзылаңга дөмей, ынчалза-даа эзирнии дег чалгыннарлыг. Бир көөрүмге, ооң чалгыннарын одура тырткаш, ону черден көдүргеш, буттарының кырында кижи-даа ышкаш кылдыр тургузуп каан тур. Аңаа кижинии дег угаан-чүрек берип каан.

Осия 8:1

«Трубадан эдис! Израильчилер Мээң чагыг-керээмни үрээн, Мээң хоойлумга чагыртпаан боорга, Дээрги-Чаяакчының черинче эзир шүүргедеп келген дег-дир.

Михей 2:4

Ол хүн улус силерниң дугайыңарда качыгдал ырлары чогаадыр, ажыыңар ажып ыглажыр: „Бис шуут-ла хоозурап калдывыс! Чонувустуң хувааглыг черин Ол өскээр хемчээп, былаап алды. Бистиң шөлдеривисти Бурганга шынчы эвес улуска үлеп берип тур“».

Наум 1:3

Дээрги-Чаяакчы килеңин үр тудуп шыдаар, ындыг-даа болза, Ооң күчү-күжү өндүр улуг, Ол буруулугларны кеземче чок арттырбас. Хат-шуурган, казыргы Ону эдерип чоруур, Ооң буду булуттарны, довурак ышкаш, базып чоруур.

Аввакум 1:8

Ооң аъттары ирбиштен-даа дүрген маңнаар, кежээ чимзенген бөрүлерден-даа шалыпкын; ооң аъттыг шерии халдып чоруп турар, аъттыг шеригжилери ырактан хөме келгеш, олчазын тевер дээн эзир дег шүүргедээр.

Захария 6:1

Мен катап база топтап көргеш, ийи хүлер даг аразындан үнүп орар дөрт дайынчы терге эскерип кагдым.

Матфей 24:30

Кижи амытан Оглунуң кээриниң демдээ ол үеде дээрге көстүп кээр. Күчү-күжү биле өндүр чырыынга бүргеткен, дээрниң булуттарын кырлап кел чыдар Кижи амытан Оглун көрүп кааш, чер кырында хамык аймак-чон кажыыдап база ыглажып эгелээр.

Ы. х. к. 28:49

Дээрги-Чаяакчы ырактан – чер-делегейниң кыдыындан – сеңээ удур чон көдүрүп эккээр, дылын билбезиң чон сенче эзир ышкаш шүүргедеп ужуп кээр.

Ажыдыышкын 1:7

Көрүңер, Ол булуттары-биле бүргеттинип алган чедип кээр. Ынчан карактыг кижи бүрүзү, Иисусту өттүр шанчып кааннар безин, Ону көрүп каар. Черде бүгү аймак-чоннар Ооң ажыын ажып ыглажыр. Ылап-ла ындыг, аминь!